Read bariba Womusu 112 Bible Online

Womusu 112 - bariba bible

Womusu 112

¹I Yinni Gusunɔ siɑro. Doo nɔɔruɡiiwɑ wi u Yinni Gusunɔ nɑsie, mɑ win woodɑbɑ bɑ nùn nuku dobu wɛ̃ɛmɔ.

²Yɛ̃ron bweserɑ koo dɑm ko hɑnduniɑ sɔɔ. Geeɡibun bibu bɑ koo domɑru wɑ.

³Alɑfiɑ kɑ dukiɑ ko n wɑ̃ɑ win yɛnuɔ. Win ɡem kun kpeemɔ kɑ bɑɑdommɑɔ.

⁴Tɔn ɡeo wi u wɔnwɔndu mɔ, u rɑ kɑ tɔnu duure, u mɑɑ sɑ̃ɑ ɡemɡii, wɔ̃kurɑ yɑm dɛɛrɑmɔ win sɔ̃.

⁵Doo nɔɔruɡiiwɑ wi u rɑ bɔkure kɑ nuku tiɑ, mɑ u ku rɑ ɡoo tɑki di win sɔmburu sɔɔ.

⁶Domi ɡeeɡii kun sokurɑmɔ pɑi. Bɑ ko n nùn yɑɑyewɑ kɑ bɑɑdommɑɔ.

⁷Lɑbɑɑri kɔ̃sɑ ku rɑ nùn nɑnde. Win tororɑ rɑ n sɔ̃wɑ sim sim u n Yinni Gusunɔ nɑɑnɛ sɑ̃ɑ.

⁸U ku rɑ wurure, bɛrum kun nùn mɔ̀, sere u kɑ win yibɛrɛbɑ kuɑ mɛ u kĩ.

⁹U rɑ sɑ̃ɑrobu kɛ̃nu kɛ̃ kɑ nuku tiɑ. Win ɡem mu ko n wɑ̃ɑwɑ kɑ bɑɑdommɑɔ. Win dɑm mu koo sosi kɑ bɛɛrɛ.

¹⁰Tɔn kɔ̃so ù n nùn wɑ, win mɔru rɑ sewɑ, kpɑ u nùn wiru diirisi kɑ nuku ɡbisibu. Tɔn kɔ̃sobun yĩiyɔbu kpuro bu sɑ̃ɑwɑ kɑm dirum.