Read bariba Womusu 114 Bible Online

Womusu 114 - bariba bible

Womusu 114

¹Sɑnɑm mɛ Isirelibɑ, Yɑkɔbun bibun bweseru bɑ yɑrɑ Eɡibitin di, mɑ bɑ kɑ Eɡibitiɡibu tondɑ bèn bɑrum bɑ ǹ nɔɔmɔ,

²Yudɑ yɑ kuɑ Yinni Gusunɔn sɑ̃ɑ yeru, mɑ Isireli yɑ kuɑ win tem.

³Sɑnɑm mɛ nim wɔ̃ku ɡɑ bu wɑ, yerɑ ɡɑ dukɑ yɑkurɑ, mɑ dɑɑ te bɑ mɔ̀ Yuudɛni tɑ biru wurɑ.

⁴Guunu yɔ̃ɔkumɔ nɡe yɑ̃ɑ kinɛnu, mɑ ɡunɡunu yɔ̃ɔkumɔ nɡe yɑ̃ɑ binu.

⁵Mbɑ n nun deemɑ nim wɔ̃ku ɑ kɑ dukɑ mɔ̀. Mbɑ n nun mɔ̀ Yuudɛni ɑ kɑ biru wurɔ.

⁶Mbɑ n bɛɛ mɔ̀ ɡuunu i kɑ yɔ̃ɔkumɔ nɡe yɑ̃ɑ kinɛnu. Mbɑ n bɛɛ deemɑ ɡunɡunu i kɑ yɔ̃ɔkumɔ nɡe yɑ̃ɑ binu.

⁷Hɑnduniɑɡibu, i diirio Gusunɔ Yɑkɔbun Yinnin wuswɑɑɔ,

⁸wi, wi u rɑ kperu ɡɔsie yɛru, kpɑ u de kpee sɑɑrɑ yu ko nim bweru.