Read bariba Womusu 118 Bible Online

Womusu 118 - bariba bible

Womusu 118

¹I Yinni Gusunɔ siɑro, u sɑ̃ɑwɑ tɔn ɡeo. Win kĩru tɑ rɑ n wɑ̃ɑwɑ sere kɑ bɑɑdommɑɔ.

²Bɛɛ Isirelibɑ kpuro, i wuro i nɛɛ, Yinni Gusunɔn kĩru tɑ rɑ n wɑ̃ɑwɑ sere kɑ bɑɑdommɑɔ.

³Bɛɛ yɑ̃ku kowobu Aronin bweseru, i wuro i nɛɛ, Yinni Gusunɔn kĩru tɑ rɑ n wɑ̃ɑwɑ sere kɑ bɑɑdommɑɔ.

⁴Bɛɛ be i Yinni Gusunɔ nɑsie, i wuro i nɛɛ, Yinni Gusunɔn kĩru tɑ rɑ n wɑ̃ɑwɑ sere kɑ bɑɑdommɑɔ.

⁵Nɛn nuku sɑnkirɑnu sɔɔ, nɑ Yinni Gusunɔ somiru kɑnɑ. U nɛn kɑnɑru nuɑ, mɑ u mɑn yɑrɑ.

⁶Yinni Gusunɔ u sɑ̃ɑ nɛɡii, nɑ ǹ ɡɑ̃ɑnu ɡɑnun bɛrum mɔ. Mbɑ tɔnu u koo kpĩ u mɑn kuɑ.

⁷Yinni Gusunɔwɑ u sɑ̃ɑ nɛn fɑɑbɑ kowo. Yen sɔ̃nɑ ko nɑ n yɛ̃ɛrimɔ nɑ̀ n nɛn yibɛrɛbɑn biru wɑ.

⁸A Yinni Gusunɔ nɑɑnɛ koowo ye kɑɑ kɑ tɔnu nɑɑnɛ ko.

⁹A Yinni Gusunɔ nɑɑnɛ koowo ye kɑɑ kɑ dɑmɡibu nɑɑnɛ ko.

¹⁰Bwese dɑbinu nu mɑn tɑrusi, mɑ nɑ nu yɑrinɑsiɑ kɑ Yinni Gusunɔn dɑm.

¹¹Nu mɑn wukiriwɑ mɑm mɑm, mɑ nɑ nu yɑrinɑsiɑ kɑ Yinni Gusunɔn yĩsiru.

¹²Nu mɑn mɔnsimɑ nɡe tĩi. Adɑmɑ nɑ nu yɑrinɑsiɑ kɑ Yinni Gusunɔn dɑm mɑ nu ɡbisukɑ nɡe sɑ̃ki yi yi dɔ̃ɔ mwɑɑrɑ.

¹³Nu rɑɑ mɑn bɔriɑmɔ nu kɑ mɑn surɑ, ɑdɑmɑ Yinni Gusunɔ u mɑn somiru nɑ.

¹⁴Yinni Gusunɔwɑ u sɑ̃ɑ nɛn dɑm. Wiyɑ ko nɑ n dɑ siɑre. Wiyɑ u mɑn fɑɑbɑ kuɑ.

¹⁵Nɑsɑrɑn kuuki yi nɔɔrɑmɔ ɡemɡibun yɛnusɔ. Yinni Gusunɔn dɑm mu sɔ̃ɔsirɑ.

¹⁶U win nɔm ɡeu sue, ɡɑ win dɑm sɔ̃ɔsimɔ.

¹⁷Nɑ ǹ mɑɑ ɡbimɔ, ko nɑ n wɑ̃ɑwɑ, kpɑ n win sɔmɑ ye u kuɑn ɡɑri kpɑrɑ.

¹⁸Yinni Gusunɔ u mɑn sɛɛyɑsiɑ. Adɑmɑ u ǹ mɑn ɡɔɔ nɔmu bɛrie.

¹⁹I mɑn ɡem kɔnnɔsu kɛniɔ, kpɑ n du n Yinni Gusunɔ siɑrɑ.

²⁰Win kɔnnɔ ɡe wee. Min diyɑ ɡemɡibu bɑ rɑ du.

²¹Yinni Gusunɔ, nɑ nun siɑrɑ, domi ɑ nɛn kɑnɑru mwɑ, mɑ ɑ mɑn fɑɑbɑ kuɑ.

²²Wee kpee te bɑnɔbu bɑ yinɑ, terɑ tɑ kuɑ ɡɑni ɡɔmburun dɑm.

²³Yinni Gusunɔwɑ u ye kuɑ mɑ n kuɑ mɑɑmɑɑki bɛsɛn nɔni sɔɔ.

²⁴Yinni Gusunɔwɑ u tɔ̃ɔ te kuɑ. Su nuku dobun kuuki ko.

²⁵Yinni Gusunɔ, ɑ sun somiɔ, kpɑ ɑ sun kuurɑsiɑ.

²⁶Wi u sisi kɑ wunɛn yĩsiru u sɑ̃ɑwɑ domɑruɡii. Sɑ ko nùn siɑrɑ Yinni Gusunɔn sɑ̃ɑ yerɔ.

²⁷Gusunɔ u sɑ̃ɑwɑ Yinni. Wiyɑ u sun yɑm bururɑsie. I yɑ̃ku yɑɑ bɔkuo. I kɑ ye doo sere yɑ̃ku yerun kɑ̃ɑnɔ.

²⁸Gusunɔ, ɑ sɑ̃ɑwɑ nɛn Yinni. Kon nun siɑrɑ. Kon nun wɔlle suɑ.

²⁹I Yinni Gusunɔ siɑro, u sɑ̃ɑ tɔn ɡeo. Win kĩru tɑ rɑ n wɑ̃ɑwɑ sere kɑ bɑɑdommɑɔ.