Read bariba Womusu 122 Bible Online

Womusu 122 - bariba bible

Womusu 122

¹Sɑ̃ɑ dɑɑrun womu ɡe Dɑfidi u kuɑ. Ge wee. Bɑ̀ n nɛɛ, su dɑ Yinni Gusunɔn sɑ̃ɑ yerɔ, nɛn nukurɑ rɑ dorewɑ.

²Yerusɑlɛmu, bɛsɛn nɑɑsu su yɔ̃ wunɛn kɔnnɔsɔ.

³Yerusɑlɛmu, ɑ sɑ̃ɑwɑ wuu ɡe bɑ bɑnɑ ɡeɑ kuɑ, mɑ bɑ ɡu ɡbɑ̃rɑru toosi bɑ kɑ sikerenɑ.

⁴Wunɛn miyɑ Isirelibɑ, Yinni Gusunɔn tɔmbu bɑ rɑ nɛ bu kɑ nùn siɑrɑ, nɡe mɛ u bu woodɑ wɛ̃.

⁵Wunɛn miyɑ siri ɡbɑburɑ wɑ̃ɑ. Wunɛn miyɑ Dɑfidin bibun bweserun sinɑ ɡɔnɑ wɑ̃ɑ.

⁶I bɔri yɛndu kɑnɔ Yerusɑlɛmun sɔ̃, kpɑ be bɑ wunɛ Yerusɑlɛmu kĩ bɑ n wɑ̃ɑ bwɛ̃ɛ dorɑ sɔɔ.

⁷Yerusɑlɛmu, bɔri yɛndɑ n wɑ̃ɑ wunɛn ɡbɑ̃rɑru sɔɔ kɑ wunɛn sinɑ kpɑɑrɔ.

⁸Nɛn mɛro bisibu kɑ nɛn bɔrɔbɑn sɔ̃, kon nɛɛ, Gusunɔ u de bɔri yɛndɑ n wɑ̃ɑ Yerusɑlɛmuɔ.

⁹Yerusɑlɛmu, wunɛn ɡeɑ nɑ kɑsu, Gusunɔ bɛsɛn Yinnin sɑ̃ɑ yerun sɔ̃.