Read bariba Womusu 127 Bible Online

Womusu 127 - bariba bible

Womusu 127

¹Sɑ̃ɑ dɑɑrun womu ɡe Sɑlomɔɔ u kuɑ. Ge wee. Yinni Gusunɔ ù kun diru bɑnimɔ, be bɑ tu bɑnimɔ sɔmburu kɑmɑ bɑ mɔ̀. Yinni Gusunɔ ù kun wuu kɔ̃su, be bɑ ɡu kɔ̃su bɑ dom serɑwɑ kɑm.

²Kɑm sɔɔrɑ kɑɑ wɑhɑlɑ ko ɑ kɑ wunɛn dĩɑnu wɑ ɑ di. Kɑɑ se buru buru yellu kpɑ ɑ kpunɑ sere wɔ̃ku suunu sɔmburun sɔ̃. Adɑmɑ wi Gusunɔ u kĩ, u rɑ nùn dĩɑnu wɛ̃wɑ bɑɑ yɛ̃ro ù n dò.

³Wee, bibu bɑ sɑ̃ɑwɑ tubi ye yɑ wee Gusunɔn min di. Bɑ sɑ̃ɑwɑ soseru te tɑ wee Gusunɔn min di.

⁴Bii be bɑ mɑrɑ ɑluwɑɑsiru sɔɔ, bɑ sɑ̃ɑwɑ nɡe sɛ̃ɛnu tɑbu durɔ dɑmɡiin nɔmɑɔ.

⁵Doo nɔɔruɡiiwɑ wi u bu wɑ n dɑbi. U sɑ̃ɑwɑ nɡe wìn sɛ̃ɛ bwɑ̃ɑrɑ sɛ̃ɛnu yibɑ. U ǹ sekuru wɑsi sɑnɑm mɛ u koo kɑ win yibɛrɛbɑ yinnɑ wuun ɡbɑ̃rɑrun kɔnnɔwɔ.