Read bariba Womusu 136 Bible Online

Womusu 136 - bariba bible

Womusu 136

¹I Yinni Gusunɔ siɑro domi u sɑ̃ɑ tɔn ɡeo. Win wɔnwɔndu tɑ ku rɑ kpe.

²I Gusunɔ siɑro, u bũnu kpuro kere. Win wɔnwɔndu tɑ ku rɑ kpe.

³I yinnibun Yinni siɑro. Win wɔnwɔndu tɑ ku rɑ kpe.

⁴Wi turowɑ u rɑ sɔm mɑɑmɑɑkiɡii bɑkɑnu ko. Win wɔnwɔndu tɑ ku rɑ kpe.

⁵Wiyɑ u wɔllu kɑ tem tɑkɑ kuɑ kɑ win bwisi. Win wɔnwɔndu tɑ ku rɑ kpe.

⁶U tem tɛriɑ nim wɔllɔ, mɑ u sɔ̃ɔ kɑ suru kuɑ. U sɔ̃ɔ kuɑwɑ u kɑ yɑm bururɑsiɑ sɔ̃ɔ sɔɔ, mɑ u suru kɑ kperi kuɑ ye kpuro yu kɑ yɑm bururɑsiɑ wɔ̃kuru. Win wɔnwɔndu tɑ ku rɑ kpe.

¹⁰Wiyɑ u Eɡibitiɡibun bii ɡbiikobu ɡo. Mɑ u Isirelibɑ yɑrɑ Eɡibitiɡii ben suunu sɔɔn di. Win wɔnwɔndu tɑ ku rɑ kpe.

¹²Kɑ win dɑmɑ u kɑ nim wɔ̃ku ɡe bɑ mɔ̀ Nɑɑ yɑri burɑnɑ yiru, mɑ u derɑ Isirelibɑ bɑ tɔburɑ ɡen suunu sɔɔn di. Mɑ u Eɡibitin sinɑ boko kɑ win tɑbu kowobu sure nim wɔ̃ku ɡe sɔɔ. Win wɔnwɔndu tɑ ku rɑ kpe.

¹⁶Wiyɑ u win tɔmbu kpɑrɑ ɡbɑburɔ. Win wɔnwɔndu tɑ ku rɑ kpe.

¹⁷Wiyɑ u sinɑmbu ɡo be bɑ dɑm mɔ. Beyɑ, Sihoni Amɔrebɑn sunɔ kɑ Oɡu Bɑsɑnin sunɔ. Win wɔnwɔndu tɑ ku rɑ kpe.

²¹Wiyɑ u tɔn ben tem win sɔm kowobu Isirelibɑ wɛ̃ bɑ tubi di. Win wɔnwɔndu tɑ ku rɑ kpe.

²³Wiyɑ u sun yɑɑyɑ sɑnɑm mɛ sɑ wɑ̃ɑ sekuru sɔɔ. Mɑ u sun wɔrɑ be bɑ sun dɑm dɔremɔn nɔmɑn di. Win wɔnwɔndu tɑ ku rɑ kpe.

²⁵Wiyɑ u rɑ hunde koni bɑɑyere dĩɑnu wɛ̃. Win wɔnwɔndu tɑ ku rɑ kpe.

²⁶I Wɔrukoo siɑro. Win wɔnwɔndu tɑ ku rɑ kpe.