Read bariba Womusu 138 Bible Online

Womusu 138 - bariba bible

Womusu 138

¹Womu ɡe Dɑfidi u kuɑ. Ge wee. Yinni Gusunɔ, nɑ nun siɑrɑmɔ kɑ nɛn ɡɔ̃ru kpuro. Kon nun tɔmɑ wɔllun tɔmbun wuswɑɑɔ.

²Kon nun kpunɑ wunɛn sɑ̃ɑ yee dɛɛrɑrɔ, kpɑ n nun tɔmɑ wunɛn tɔn ɡeeru kɑ wunɛn bɔrɔkinirun sɔ̃. Domi ɑ yĩsiru yɑrɑ wunɛn nɔɔ mwɛɛ te ɑ rɑ yibien sɔ̃.

³Sɑɑ ye nɑ nun sokɑ, ɑ mɑn wurɑri. A mɑn dɑm kɑ̃, ɑ mɑn toro sindu wɛ̃.

⁴Yinni Gusunɔ, sinɑmbu kpurowɑ bɑ koo nun siɑrɑ. Domi bɑ wunɛn ɡɑri nuɑ.

⁵Bɑ koo wunɛn kookoosu siɑrɑ. Domi wunɛn bɛɛrɛ yɑ kpɑ̃.

⁶Yinni Gusunɔ, bɑɑ mɛ ɑ kpɑ̃, ɑ be bɑ tii kɑwe wɑɑmɔ. Mɑ ɑ rɑ be bɑ tii sue tubu sɑɑ tontonden di.

⁷Nɑ̀ n sĩimɔ nuku sɑnkirɑnun swɑɑ sɔɔ, ɑ rɑ mɑn wɑ̃ɑru wɛ̃. A rɑ nɛn yibɛrɛbɑ nɔmu dɛmiɛ bɑ̀ n kɑ mɑn mɔru seewɑ. Mɛyɑ wunɛn dɑm mu rɑ mɑn fɑɑbɑ ko.

⁸Yinni Gusunɔ, kɑɑ mɑn sɑnnɑ. Wunɛn tɔn ɡeeru tɑ ǹ nɔru mɔ. Be ɑ tɑkɑ kuɑ, ɑ ku bu deri.