Read bariba Womusu 14 Bible Online

Womusu 14 - bariba bible

Womusu 14

¹Dɑfidin womu ɡe u wom kowobun wiruɡii kuɑ. Ge wee. Wee nɡe mɛ ɡɑri bɑkɑsu su sɑ̃ɑ. Su rɑ nɛɛ, Gusunɔ sɑri. Su sɑnkire. Su kom kɔ̃sum mɔ̀. Sin ɡɑɡu sɑri ɡe ɡɑ ɡeɑ mɔ̀.

²Yinni Gusunɔ u tɔmbu mɛɛrimɑ sɑɑ wɔllun di, u kɑ wɑ ɡoo ù n wɑ̃ɑ u bwisi mɔ, u kɑ wɑ ɡoo ù n wɑ̃ɑ u nùn sɑ̃ɑmɔ.

³Adɑmɑ u wɑ, be kpurowɑ bɑ kɔ̃ɔre, be kpurowɑ bɑ sɑnkire, be kpurowɑ bɑ kɔ̃sɑ mɔ̀. Bɑɑ ben turo kun ɡeɑ mɔ̀.

⁴Ye u wɑ mɛ, yerɑ u tii bikiɑ u nɛɛ, kɔ̃sɑn kowo be, bɑ ǹ yɛ̃ru mɔ? Wee bɑ nɛn tɔmbu ɡbɛnimɔ, ben ɡoo kun mɑn sɑ̃ɑmɔ.

⁵Yen sɔ̃, kon de bu diiri ɡem ɡem domi ko nɑ n wɑ̃ɑ be bɑ mɑn mɛm nɔɔwɑmmɛn suunu sɔɔ.

⁶Bɛɛ kɔ̃sɑn kowobu, i sɑ̃ɑrobun himbɑ sɑnkumɔ, i bu sekuru dokemɔ. Adɑmɑ Yinni Gusunɔ u bu kɔ̃su.

⁷Yinni Gusunɔ, nɑ nun kɑnɑmɔ, ɑ de fɑɑbɑ kowo ɡoo u yɑri Siɔnin di u Isirelibɑ, Yɑkɔbun bweseru yɑrɑ dɛsirun di, kpɑ bɑ n wɑ̃ɑ bɔri yɛndu sɔɔ. À n kuɑ mɛ, ɑnnɑ ɑ nuku dobu wɑ bi bɑ koo ko mi.