Read bariba Womusu 142 Bible Online

Womusu 142 - bariba bible

Womusu 142

¹Dɑfidin womu ɡe u kuɑ sɑnɑm mɛ u kɑnɑru kuɑ kpee wɔru sɔɔ. Ge wee.

²Nɑ Yinni Gusunɔ nɔɔɡiru sue nɑ nùn suuru kɑnɑmɔ.

³Nɑ nùn nɛn nuku sɑnkirɑnu sɔ̃ɔmɔ. Nɑ nùn nɛn wɑhɑlɑ sɑɑriɑmmɛ.

⁴Nɑ̀ n mwiɑ kpɑnɑ, wunɑ rɑ n yɛ̃ ye kon ko. Bɑ mɑn yinɑ bɛriɑ swɑɑ yè sɔɔ nɑ sĩimɔ.

⁵A mɛɛrio nɔm ɡeuɔ ɑ wɑ mɑ ɡoo sɑri wi u kɑ mɑn yɔ̃. Nɑ ǹ kuku yeru mɔ. Goo sɑri wi u mɑɑ nɛn bwisikunu mɔ̀.

⁶Yinni Gusunɔ, wunɑ nɑ sokumɔ. Nɑ nɛɛ, wunɑ ɑ sɑ̃ɑ nɛn kuku yeru. Wunɛ turowɑ ɑ sɑ̃ɑ nɛɡii duniɑ ye sɔɔ.

⁷A nɛn wuri swɑɑ dɑkio, domi nɑ nuki sɑnkire too. A mɑn yɑkio be bɑ mɑn nɔni sɔ̃ɔmɔn nɔmɑn di, domi bɑ mɑn dɑm kere.

⁸A mɑn yɑro dɛsirun di, kpɑ n nun tɑkɑru ko. À n mɑn durom kuɑ, ɡeeɡibɑ koo nɑ bu mɑn sikerenɑ.