Read bariba Womusu 149 Bible Online

Womusu 149 - bariba bible

Womusu 149

¹I Yinni Gusunɔ siɑro. I Yinni Gusunɔ wom kpɔɔ kuo. I nùn tɔmɔ tɔmbun suunu sɔɔ be bɑ nùn nɑɑnɛ sɑ̃ɑ.

²Isireli, ɑ yɛ̃ɛrio wi u nun tɑkɑ kuɑ sɔɔ. Siɔniɡibu, i yɛ̃ɛrio bɛɛn sinɑ bokon sɔ̃.

³I nùn siɑro kɑ yɑɑbu. I nùn siɑro kɑ bɑrɑnu kɑ mɔrɔkunu.

⁴Yinni Gusunɔ u win tɔmbu kĩ. U rɑ wɔnwɔndobu bɛɛrɛ wɛ̃ u bu fɑɑbɑ ko.

⁵Be bɑ Yinni Gusunɔ nɑɑnɛ sɑ̃ɑ, bu nɑsɑrɑ suo kɑ bɛɛrɛ bɑkɑ. Bu nuku dobun kuuki koowo ben kpin yenu wɔllɔ.

⁶Bɑ n dɑ Gusunɔ siɑre kɑ bɑɑdommɑ kpɑ tɑkobi ye bɑ dɛ̃ɛrɑ biru kɑ wuswɑɑ yɑ n wɑ̃ɑ ben nɔmɑɔ

⁷bu kɑ bwese tukunu mɔru kɔsie, kpɑ bu nu sɛɛyɑsiɑ.

⁸Kpɑ bu nin sinɑmbu bɔke kɑ yɔni, kpɑ bu mɑɑ nin wiruɡibu bɔke kɑ sisu,

⁹kpɑ bu nu siri nɡe mɛ bɑ yoruɑ. Yɑ ko n sɑ̃ɑwɑ bɛɛrɛ bɑkɑ win tɔmbun mi be bɑ nùn nɑɑnɛ sɑ̃ɑ. I Yinni Gusunɔ siɑro.