Read bariba Womusu 17 Bible Online

Womusu 17 - bariba bible

Womusu 17

¹Dɑfidin kɑnɑru. Yinni Gusunɔ, ɑ nɛn weeweenu nɔɔwɔ, nɑ kĩwɑ ɑ mɑn ɡem wɛ̃. Yinni Gusunɔ, ɑ swɑɑ tem kpĩiyɔ ɑ nɔ, wunɛn somirɑ nɑ kĩ. A nɛn kɑnɑru nɔɔwɔ, nɛn ɡɔ̃run diyɑ tɑ wee.

²A mɑn sirio, ɑ yɛ̃ mɑ nɑ ɡem mɔ.

³Wɔ̃kuru, ɑ nɑ nɛn mi, ɑ wɛ̃ɛrɑ ye nɑ bwisikumɔ, ɑ wɛ̃ɛrɑ ye nɑ ɡerumɔ, ɑdɑmɑ ɑ ǹ torɑru ɡɑru wɑ.

⁴A wɑ mɑ nɛn dɑɑ yɑ ǹ tiɑ kɑ ɡɑbuɡiɑ. Nɑ wunɛn ɡɑri mɛm nɔɔwɑ. Nɑ ǹ tɔn kɔ̃sobun yirɑ swĩi.

⁵Nɑ yɔ̃rɑwɑ dim dim wunɛn swɑɑ sɔɔ. Nɑ ǹ ɡɛrɑre yen min di.

⁶Tɛ̃, wunɑ nɑ soku, Yinni Gusunɔ. A mɑn wisio. A nɛn ɡɑri nɔɔwɔ.

⁷A mɑn wunɛn durom bɑkɑm sɔ̃ɔsio, domi ɑ rɑ be bɑ nun nɑɑnɛ sɑ̃ɑ wɔre ben yibɛrɛbɑn nɔmɑn di.

⁸A nɛn lɑɑkɑri koowo nɡe mɛ tɔnu u rɑ n win nɔnin lɑɑkɑri mɔ. A mɑn beruo nɡe mɛ ɡuɑ yɑ rɑ yen binu bere yen kɑsɑ sɔɔ.

⁹Domi tɔn kɔ̃sobɑ mɑn nɔni sɔ̃ɔmɔ, yibɛrɛbɑ bɑ mɑn sikerenɛ, bɑ kĩ bu mɑn ɡo.

¹⁰Bɑ nuki sosu bɑ ǹ wɔnwɔndu mɔ. Bɑ ɡɑri mɔ̀ kɑ tii suɑbu.

¹¹Be wee bɑ sɑ̃ɑ nɡe ɡbee sunɔ ɡe ɡɑ yɑɑ mɑrɑ ɡu kɑsuku. Bɑ nɛn yirɑ swĩi. Bɑ mɑn nɑɑmwɛ bɑ kooro bure, bɑ mɑn nɔni ɡirɑri bu kɑ mɑn ɡɑbɑ bu surɑ.

¹³Yinni Gusunɔ, ɑ seewo ɑ bu wɔri, ɑ ben dɑm buo. A mɑn wɔro ben nɔmɑn di. A bu ɡoowo kɑ wunɛn tɑkobi.

¹⁴A ben wɑ̃ɑrun dɛ̃ɛbu kɑwo. A de bu ben dɑɑ kɔ̃sɑ kpuron ɑre wɑ, kpɑ yi n bu wɑ̃ɑsi sere kɑ ben bibun bibɔ.

¹⁵Adɑmɑ nɛ, nɑ̀ n seewɑ, kon wunɛn wuswɑɑ wɑ yèn sɔ̃ nɑ dɛɛre, kpɑ nɑ n nuku dobu yibɑ.