Read bariba Womusu 20 Bible Online

Womusu 20 - bariba bible

Womusu 20

¹Kɑnɑ te wom kowobun wiruɡii u kuɑ Dɑfidin sɔ̃.

²Gusunɔ, Yɑkɔbun Yinni, ɑ sinɑ boko swɑɑ dɑkio sɑnɑm mɛ u kɑnɑru mɔ̀. A nùn kɔ̃suo sɑnɑm mɛ u wɑ̃ɑ nɔni swɑ̃ɑru sɔɔ.

³Yinni Gusunɔ, wunɛ wi ɑ wɑ̃ɑ wunɛn sɑ̃ɑ yee dɛɛrɑrɔ te tɑ wɑ̃ɑ Siɔniɔ, ɑ sinɑ boko somimɑ, kpɑ ɑ n yɔ̃ win biruɔ.

⁴A win kɛ̃nu kpuro yɑɑyo, kpɑ ɑ win yɑ̃kunu kpuro mwɑ.

⁵A nùn wɛ̃ɛyɔ ye win ɡɔ̃ru ɡɑ kĩ kpuro, kpɑ ɑ de win himbɑ kpuro yu koorɑ.

⁶A de ye u nun bikiɑ kpuro yu koorɑ, kpɑ bɛsɛ kpuro su yɛ̃ɛri sinɑ bokon nɑsɑrɑn sɔ̃, kpɑ su wunɛn yĩsiru wɔlle suɑ.

⁷Tɛ̃, nɑ yɛ̃ mɑ wunɑ ɑ sinɑ boko ɡɔsɑ, ɑ rɑ mɑɑ nùn somi. Wunɑ ɑ rɑ win kɑnɑru nɔ sɑɑ wɔllun di, kpɑ ɑ nùn nɑsɑrɑ wɛ̃ kɑ wunɛn dɑm bɑkɑm.

⁸Gɑbɑ ben tɑbu kɛkɛbɑ kɑ ben dumi nɑɑnɛ sɑ̃ɑ, ɑdɑmɑ bɛsɛ, wunɛ Yinni Gusunɔwɑ sɑ nɑɑnɛ sɑ̃ɑ.

⁹A de tɔn be, bu dɑm biɑ bu wɔruku, ɑdɑmɑ ɑ sun dɑm sosio bɛsɛ, su kɑ yɔ̃rɑ dim dim.

¹⁰Yinni Gusunɔ, ɑ bɛsɛn nɔɔ nɔɔwɔ sɑnɑm mɛ sɑ nun soku. A sinɑ boko somiɔ.