Read bariba Womusu 24 Bible Online

Womusu 24 - bariba bible

Womusu 24

¹Dɑfidin womu. Yinni Gusunɔ, wunɑ ɑ tem mɔ kɑ ye yɑ wɑ̃ɑ mɛ sɔɔ. Wunɑ ɑ hɑnduniɑ mɔ kɑ yen hunde konibɑ kpuro.

²Wunɑ ɑ tem kpɛɛkpɛɛku swĩi nim wɔ̃ku sɔɔ. Wunɑ ɑ mu bɔnu kuɑ kɑ dɑɑnu.

³Wɑrɑ u koo kpĩ u yɔ wunɛn ɡuurɔ mi wunɛn wɑ̃ɑ yee dɛɛrɑrɑ wɑ̃ɑ.

⁴Wi u koo yɔ mi, wiyɑ wìn ɡɔ̃ru ɡɑ dɛɛre. Wiyɑ wìn nɔmɑ yɑ sɑ̃re. Wiyɑ wi u ku rɑ weesu swĩi. Wiyɑ wi u ku rɑ bɔ̃re u kɑ tɔnu nɔni wɔ̃ke.

⁵Wiyɑ wi u wunɛ Gusunɔ, Yɑkɔbun Yinni soku. Wi u sɑ̃ɑ nɡe mɛ, wiyɑ kɑɑ domɑru kuɑ. Wiyɑ kɑɑ fɑɑbɑ ko. Wiyɑ kɑɑ ɡem wɛ̃.

⁷Bɛɛ wuun kɔ̃sobu, i kɔnnɔ ɡunum sosio. I Yinni Gusunɔn sɑ̃ɑ yerun kɔnnɔ kɛniɔ. I de sinɑ boko bɛɛrɛɡii u du.

⁸Wɑrɑ u sɑ̃ɑ sinɑ boko wi. Yinni Gusunɔwɑ. U dɑm mɔ, u yiiko mɔ, u sɑ̃ɑwɑ tɑbu durɔ dɑmɡii.

⁹Bɛɛ wuun kɔ̃sobu, i kɔnnɔ ɡunum sosio. I Yinni Gusunɔn sɑ̃ɑ yerun kɔnnɔ kɛniɔ. I de sinɑ boko bɛɛrɛɡii u du.

¹⁰Wɑrɑ u sɑ̃ɑ sinɑ boko wi. Gusunɔ, wɔllu kɑ tem Yinniwɑ. Wiyɑ sinɑ boko bɛɛrɛɡii.