Read bariba Womusu 3 Bible Online

Womusu 3 - bariba bible

Womusu 3

¹Dɑfidin womu ɡeni ɡɑ kɑ kpikiru yɑ̃ te u suɑ win bii Abusɑlɔmun sɔ̃. Ge wee.

²Yinni Gusunɔ, nɛn yibɛrɛbɑ bɑ dɑbi. Be bɑ mɑn seesi bɑ dɑbi.

³Geemɑ dɑbirɑ tɑ ɡerumɔ, nɑ ǹ somiru wɑsi wunɛn min di.

⁴Adɑmɑ nɛ, nɑ nɛɛ, wunɑ ɑ rɑ mɑn ɡɑnɛ nɡe tɛrɛru, wunɑ ɑ rɑ mɑn nɑsɑrɑ wɛ̃, wunɑ ɑ rɑ mɑn sekuru yɑre.

⁵Nɑ̀ n nun nɔɔɡiru sue nɑ somiru kɑnɑ, ɑ rɑ nɛn nɔɔ nɔ wunɛn ɡuurun di mi ɑ wɑ̃ɑ.

⁶Nɑ̀ n kpunɑ nɑ dweeyɑ wɔ̃ku ɡiriru, wunɑ ɑ rɑ n mɑn kɔ̃su. Nɑ̀ n yɑndɑ nɑ rɑ deemɛwɑ wunɑ ɑ mɑn kɔ̃su.

⁷Yibɛrɛ dɑbinu nu mɑn kooro bure, yibɛrɛ dɑbinu nu mɑn sikerenɑ, ɑdɑmɑ nɑ ǹ ben bɛrum mɔ.

⁸Gusunɔ nɛn Yinni, ɑ seewo ɑ mɑn fɑɑbɑ ko. A seewo ɑ nɛn yibɛrɛbɑ wiru kɔsuku. A seewo ɑ ben nɔsu kɔsuku.

⁹Wunɑ ɑ rɑ tɔnu fɑɑbɑ ko. A de wunɛn domɑru tɑ n kɑ wunɛn tɔmbu wɑ̃ɑ.