Read bariba Womusu 43 Bible Online

Womusu 43 - bariba bible

Womusu 43

¹A mɑn ɡem wɛ̃ɛyɔ Gusunɔ nɛn Yinni. A kɑ mɑn yinɔ be bɑ ǹ nun nɑsien wuswɑɑɔ. A mɑn yɑkio wee kowobu kɑ tɔn kɔ̃sobun min di.

²Gusunɔ, wunɛ wi ɑ mɑn kɔ̃su, mbɑn sɔ̃nɑ ɑ mɑn yinɑmɔ. Mbɑn sɔ̃nɑ kɑɑ de nɛn yibɛrɛbɑ bɑ n mɑn dɑm dɔremɔ kpɑ nɑ n nuki sɑnkire.

³A de wunɛn yɑm bururɑm kɑ wunɛn bɔrɔkinirɑ n mɑn kpɑre. A kɑ mɑn doo sere wunɛn ɡuu dɛɛrɑ ten mi, mi ɑ wɑ̃ɑ,

⁴kpɑ n dɑ wunɛn yɑ̃ku yerɔ. Gusunɔ, wunɛ wì sɔɔ nɑ nuku dobu mɔ, kon nun siɑrɑ kɑ womusu, kɑ mɔrɔku. Gusunɔ, wunɑ ɑ sɑ̃ɑ nɛn Yinni.

⁵Mbɑn sɔ̃nɑ nɑ kon nuki sɑnkire, kpɑ nɑ n weeweenu mɔ̀ nɛn ɡɔ̃ruɔ. Nɑ kon nɛn nɑɑnɛ dokewɑ wunɛ sɔɔ, kpɑ n wure n nun siɑrɑ. A sɑ̃ɑwɑ nɛn Yinni kɑ nɛn Fɑɑbɑ kowo.