Read bariba Womusu 46 Bible Online

Womusu 46 - bariba bible

Womusu 46

¹Womu ɡe Koren bibu bɑ wom kowobun wiruɡii kuɑ. Bɑ ɡu kuɑwɑ kɑ ɡɔ̃ru yɑ̃kɑ. Bɑ nɛɛ,

²Gusunɔwɑ u sɑ̃ɑ bɛsɛn kuku yee nɑɑnɛɡiru kɑ bɛsɛn tɑ̃si yeru. Bɑɑ nuku sɑnkirɑnu sɔɔ, u rɑ n sɔɔru sɑ̃ɑwɑ u kɑ tɔnu somi.

³Yen sɔ̃nɑ sɑ ǹ bɛrum mɔ̀ sɑnɑm mɛ tem mu yĩirimɔ, ǹ kun mɛ sɑnɑm mɛ ɡuunu diirimɔ nim wɔ̃kun sɔɔwɔ.

⁴Sɑ ǹ nɑnde sɑnɑm mɛ nim wɔ̃kun nim kurenu nu wɔki nu yɑkɑ mɔ̀ sɑnɑm mɛ nu ɡuunu yĩirimɔ.

⁵Dɑɑru ɡɑrɑ wɑ̃ɑ tèn nim mu kɑ nuku dobu nɑɑmɔ Wɔrukoon wɑ̃ɑ yerɔ, dii dɛɛrɑ ten mi, mi wi, Gusunɔ u wɑ̃ɑ.

⁶Gusunɔ u wɑ̃ɑ te sɔɔ, yen sɔ̃nɑ tɑ ǹ wɔrumɛ. Gusunɔ u rɑ tu ɡɑbewɑ sɑɑ buru buru yellun di.

⁷Bwesenu nu burisinɛ, mɑ bɑnnu wɔrukumɔ. Gusunɔ u ɡbɑ̃rɑ, mɑ tem mu yɑndɑ.

⁸Gusunɔ wɔllu kɑ tem Yinni u kɑ sun wɑ̃ɑ. Yɑkɔbun Yinni, u sɑ̃ɑwɑ bɛsɛn kuku yee nɑɑnɛɡiru.

⁹I nɑ i wɑ ye Yinni Gusunɔ u kuɑ. U sɔm mɑɑmɑɑkiɡinu kuɑ hɑnduniɑ sɔɔ.

¹⁰U tɑbu kpeesiɑ yen ɡoonu nnɛ ye sɔɔ. U tɛnnu kɑ yɑɑsi bɔɔkɑ, mɑ u tɑbu kɛkɛ yi dumi ɡɑwe dɔ̃ɔ mɛni.

¹¹U nɛɛ, i yɔ̃ro, kpɑ i ɡiɑ mɑ wiyɑ Gusunɔ. U bɑndu dii bwesenu kpuro sɔɔ, kɑ tem kpuro sɔɔ.

¹²Gusunɔ wɔllu kɑ tem Yinni u kɑ sun wɑ̃ɑ. Wi, Yɑkɔbun Yinni u sɑ̃ɑwɑ bɛsɛn kuku yee nɑɑnɛɡiru.