Read bariba Womusu 5 Bible Online

Womusu 5 - bariba bible

Womusu 5

¹Dɑfidin womu ɡe u wom kowobun wiruɡii kuɑ kɑ ɡɑɑsirɑru. Ge wee.

²Yinni Gusunɔ, ɑ mɑn swɑɑ dɑkio. Gusunɔ, ɑ nɛn weeweenu nɔɔwɔ.

³Yinni Gusunɔ, ɑ nɛn wuri swɑɑ dɑkio. Yinni, nɛn sinɑ boko, wunɑ nɑ kɑnɑmɔ.

⁴Yinni Gusunɔ, ɑ rɑ nɛn kɑnɑru nɔ bururu. Yinni Gusunɔ, ɑ rɑ nɛn nɔɔ nɔ sɔ̃ɔ ù n yɑrɑ. Wee nɑ wunɛn wisibu mɑrɑ.

⁵Yinni Gusunɔ, ɑ ku rɑ kɔ̃sɑ kɑ̃. Kɔ̃sɑn kowobu bɑ ǹ wɑ̃ɑ yeru wɑsi wunɛn mi.

⁶Tii suobu bɑ ǹ kpɛ̃ bu yɔ̃rɑ wunɛn mi. A kɔ̃sɑn kowobu tusɑ.

⁷A tɔn ɡowobu tusɑ. A tɑki diobu tusɑ. A rɑ wee kowobu kpeerɑsie.

⁸Adɑmɑ nɛ, wunɛn durom bɑkɑm sɔ̃nɑ kon kpĩ n dɑ wunɛn sɑ̃ɑ yerɔ. Wunɛn durom bɑkɑm sɔ̃nɑ kon kpĩ n yiirɑ mi ɑ wɑ̃ɑ. Miyɑ kon kpĩ n nun bɛɛrɛ wɛ̃. Miyɑ kon kpĩ n nun sɑ̃.

⁹Yinni Gusunɔ, ɑ sɑ̃ɑwɑ bɔrɔkini. Yinni Gusunɔ, ɑ mɑn swɑɑ sɔ̃ɔsio ye ɑ kĩ n swĩi. Yinni Gusunɔ, ɑ nɛn yibɛrɛbɑ sɔ̃ɔsio mɑ wunɑ ɑ mɑn kpɑre.

¹⁰Ben ɡɑri kun nɑɑnɛ mɔ. Ben yɑrɑ yɑ rɑ n tɔmbu fufu mɔ̀wɑ. Kɔ̃sɑ ben bwisikunu nu rɑ n nɑɑ ɡire. Kɑm kobɑ ben ɡere yɑ rɑ kɑ nɛ.

¹¹A bu nɔni sɔ̃ɔwɔ ben tɑɑrɛn sɔ̃. A bu sureo ben tiin yinɑ sɔɔ. A bu ɡiro wunɛn wuswɑɑn di, domi ben durum yɑ kpɑ̃. Bɑ mɑɑ nun seesi.

¹²Be bɑ sɑ̃ɑ wunɛɡibu, kɑɑ de bu nuku dobu wɑ. Kɑɑ de bu kɑtinu kɑrɑ. Kɑɑ de bu yɛ̃ɛri. Kɑɑ bu kɔ̃su. Kɑɑ bu domɑru kuɑ. Kɑɑ bu ɡɑnɛ nɡe tɛrɛru wunɛn kĩrun sɑɑbu, domi bɑ nun kĩ, mɑ bɑ nun mɛm nɔɔwɑmmɛ.