Read bariba Womusu 51 Bible Online

Womusu 51 - bariba bible

Womusu 51

¹Ye Dɑfidi u kɑ Bɑti Sebɑ kpunɑ u kpɑ, Gusunɔn sɔmɔ Nɑtɑni u dɑ win mi. Yen biruwɑ Dɑfidi u wom kowobun wiruɡii womu ɡeni kuɑ. Ge wee.

³Gusunɔ, ɑ mɑn durom kuo wunɛn kĩi ɡeerun sɔ̃. A nɛn torɑru wunɔ wunɛn wɔnwɔndun sɔ̃.

⁴A mɑn woburuo sɑ̃ɑ sɑ̃ɑ kpɑ ɑ nɛn kom kɔ̃sum wɔkɑ. A nɛn durum wunɔ kpɑ n sɑ̃rɑ.

⁵Domi nɑ nɛn torɑru wurɑ, nɛn durum yɑ mɑɑ mɑn bitɑni mɔ̀ bɑɑdommɑ.

⁶Wunɛ turowɑ nɑ torɑri, nɑ mɑɑ kuɑ ye yɑ ǹ nun dore. Yen sɔ̃, ɑ ɡem mɔ ye ɑ kɑ mɑn tɑɑrɛ wɛ̃. Wunɛn siribu bu dɛnde.

⁷N wee, kom kɔ̃sum sɔɔrɑ bɑ mɑn mɑrɑ. Nɛn mɛro wi u mɑɑ nɛn ɡurɑ suɑ, win tii u sɑ̃ɑwɑ durumɡii.

⁸Adɑmɑ ɡemɑ ɑ bikiɑmɔ ɡɔ̃ruɔ. Ǹ n mɛn nɑ, ɑ de wunɛn bwisi yi n mɑn wɑ̃ɑsi.

⁹A mɑn dɛɛrɑsiɑbun wororu [1] koosio kpɑ n dɛɛrɑ. A mɑn woburuo kpɑ n bururɑ n wɛ̃su kerɑ.

¹⁰A mɑn nuku dobu wɛ̃ɛyɔ kpɑ nɑ n dɛsinu kɑrɑmɔ. Bɑɑ mɛ ɑ nɛn ɡɔmɑ dwiiyɑsiɑ, kon kpɑm yɛ̃ɛri.

¹¹A ku nɛn durum mɛɛri, ɑ nɛn kom kɔ̃sum kpuro wɔko.

¹²Gusunɔ, ɑ mɑn ɡɔ̃ru wɛ̃ɛyɔ ɡe ɡɑ dɛɛre, kpɑ ɑ mɑn hunde kpɑɑ wɛ̃ ye yɑ koo yɔ̃rɑ sim sim.

¹³A ku mɑn ɡirɑ wunɛn bɔkun di, ɑ ku mɑɑ mɑn wunɛn Hunde Dɛɛro mwɑɑri.

¹⁴A kpɑm mɑn wunɛn fɑɑbɑn nuku dobu wɛ̃ɛyɔ, kpɑ kĩi ɡeeru tu nɛn hunde dɑm kɛ̃.

¹⁵Sɑnɑm mɛyɑ kon durumɡibu wunɛn swɑɑ sɔ̃ɔsi, be, be bɑ nun torɑri, kpɑ bu wurɑmɑ wunɛn mi.

¹⁶Gusunɔ, wunɛ wi ɑ mɑn fɑɑbɑ kuɑ, ɑ ku mɑɑ mɑn ɡoon yɛm bikiɑ. Ko nɑ n wunɛn ɡem mɛ ɑ mɑn wɛ̃ tɑkɑru mɔ̀.

¹⁷Yinni Gusunɔ, ɑ nɛn nɔɔ wukio kpɑ ɡu nun siɑrɑ bu nɔ yɑm kpuro.

¹⁸À n dɑɑ yɑ̃ku dɔ̃ɔ mwɑɑrɑruɡiru kĩ, nɑ n dɑɑ nun tu kue. Adɑmɑ ɑ ǹ yɑ̃kunu kĩ.

¹⁹Yɑ̃ku te tɑ nun wɛ̃re, teyɑ ɡɔ̃ru ɡe ɡɑ tii kɑwɑ. Gusunɔ, ɑ ǹ tɔmbu yinɑmɔ be bɑ tuubɑ kuɑ kɑ tii kɑwɑbu.

²⁰A de ɑ kɑ Siɔni nɔnu ɡeu mɛɛri kpɑ ɑ ye ɡeɑ kuɑ, kpɑ ɑ Yerusɑlɛmun ɡbɑ̃rɑru seeyɑ.

²¹Sɑnɑm mɛyɑ kɑɑ yɑ̃kunu mwɑ ni ɑ bikiɑ. Niyɑ yɑ̃ku dɔ̃ɔ mwɑɑrɑruɡinu. Kpɑ bu nɑɑ kinɛnu ɡo wunɛn yɑ̃ku yerɔ.