Read bariba Womusu 52 Bible Online

Womusu 52 - bariba bible

Womusu 52

¹Dɑfidin womu ɡe u wom kowobun wiruɡii kuɑ.

²U ɡu kuɑwɑ sɑnɑm mɛ Dɔɛɡu Edɔmu u nɑ Sɔɔlun mi u kɑ nùn sɔ̃ mɑ Dɑfidi u dɑ Akimɛlɛkin mi. Womu ɡe wee.

³Tɑbu durɔ, mbɑn sɔ̃nɑ ɑ tii siɑrɑmɔ kɔ̃sɑ ye ɑ mɔ̀n sɔ̃. A n yɛ̃ mɑ Gusunɔn durom mu ko n wɑ̃ɑ sere kɑ bɑɑdommɑɔ.

⁴Kɔ̃sɑ tɔnɑwɑ wunɛn yɑrɑ yɑ rɑ n ɡerumɔ. Yɑ sɑ̃ɑwɑ nɡe wobu te tɑ nɔɔ do, murɑfiti wunɛ,

⁵ɑ rɑ kɔ̃sɑ kɑ̃ n kere ɡeɑ, kpɑ ɑ n weesu kĩ n kere ɡem.

⁶Gɑri kɔ̃siyɑ yi rɑ n yibɑ wunɛn nɔɔwɔ kpɑ ɑ n wɑ̃ɑ keetɑn swɛɛ sɔɔ.

⁷Yen sɔ̃, ɑ n yɛ̃ mɑ Gusunɔ u koo nun surɑ sere kɑ bɑɑdommɑɔ. U koo nun ɡɑwɑ u yɑrɑ sɑɑ wunɛn kuu bekuruɡirun di, kpɑ u nun wunɑ wɑsobun suunu sɔɔn di.

⁸Be bɑ Gusunɔ nɑɑnɛ sɑ̃ɑ, bɑ koo nun wɑ, kpɑ biti bu mwɑ bu nun yɛ̃ɛ bu nɛɛ,

⁹durɔ winiwɑ u yinɑ Gusunɔ u nùn kɔ̃su, mɑ u win nɑɑnɛ doke win dukiɑ sɔɔ, u tii kɔ̃su win bwisi sɔɔ.

¹⁰Nɛ, nɑ wɑ̃ɑwɑ Yinni Gusunɔn sɑ̃ɑ yerɔ nɡe olifin dɑ̃ɑ beku te tɑ kpɑre, tɑ wɛ̃su sɑ̃ɑ. Nɑ win durom nɑɑnɛ sɑ̃ɑ sere kɑ bɑɑdommɑɔ.

¹¹Nɑ kon nùn siɑrɑwɑ sere kɑ bɑɑdommɑɔ, domi u kuɑ. Wi sɔɔrɑ kon nɛn yĩiyɔbu doke be bɑ nùn nɑɑnɛ sɑ̃ɑn suunu sɔɔ yèn sɔ̃ u sɑ̃ɑ tɔn ɡeo.