Read bariba Womusu 56 Bible Online

Womusu 56 - bariba bible

Womusu 56

¹Womu ɡe Dɑfidi u wom kowobun wiruɡii kuɑ. Bɑ ɡu kuɑwɑ kɑ dɔkɔ te tɑ sɑ̃ɑre nɡe kpɑrukoɡiru ɡe ɡɑ sumɔ dɑ̃ɑ bɑkɑru ɡɑrun wɔllɔ. Dɑfidi u womu ɡe kuɑwɑ sɑnɑm mɛ Filisitibɑ bɑ nùn mwɑ bɑ nɛni Gɑtiɔ. Ge wee.

²Gusunɔ, ɑ nɛn wɔnwɔndu wɑɑwo, domi tɔn dɑbirɑ tɑ mɑn buku buku mɔ̀. Tɑ kɑ mɑn tɑbu mɔ̀, mɑ tɑ mɑn nɔni sɔ̃ɔmɔ tɔ̃ɔ bɑɑtere.

³Nɛn yibɛrɛ be, bɑ dɑbi, bɑ mɑn buku buku mɔ̀wɑ sɑɑ kpuro, be, be bɑ kɑ mɑn tɑbu mɔ̀ mi, bɑ mɑn wɔri bɑ tɑɑre.

⁴Bɛrum mù n mɑn mwɑ. Wunɑ nɑ rɑ n nɑɑnɛ sɑ̃ɑ.

⁵Yinni, nɑ nun siɑrɑ ɡɑri yi ɑ ɡeruɑn sɔ̃. Nɑ ǹ ɡɑ̃ɑnu ɡɑnun bɛrum mɔ, domi nɑ nun nɑɑnɛ sɑ̃ɑ. Mbɑ tɔnu u koo kpĩ u mɑn kuɑ.

⁶Tɔ̃ɔ bɑɑtere bɑ rɑ mɑn ɡɑri kɔsiwɑ, kpɑ bɑ n mɑn ɡɑ̃ɑ kɔ̃sunu bwisikusimɔ.

⁷Bɑ nɔɔ tiɑ kuɑ, bɑ mɑn sɑkiriɑmmɛ. Bɑ nɛn yirɑ kɑsu bu kɑ mɑn hunde wunɑ.

⁸Domi bɑ tɑmɑɑ kɔ̃sɑ yɑ koo bu yɑrɑ. Yinni, ɑ bu suro kɑ mɔru.

⁹A nɛn yirɑ kpuro swĩi mi nɑ kpikiru dɑ. A nɛn nɔni yĩresu ɡɑ̃rio wunɛn bwɑ̃ɑru [2] sɔɔ. A sin ɡeeru yoruɑ wunɛn tireru sɔɔ.

¹⁰Gusunɔ, nɑ̀ n nun nɔɔɡiru sue, nɛn yibɛrɛbɑ bɑ koo biru wurɑ. Domi nɑ yɛ̃ kɑm kɑm mɑ ɑ sɑ̃ɑwɑ nɛɡii.

¹¹Yinni Gusunɔ, nɑ nun siɑrɑ ɡɑri yi ɑ ɡeruɑn sɔ̃. Mɛyɑ kon mɑɑ nun tɔmɑ wunɛn ɡɑri yin sɔ̃.

¹²Nɑ ǹ ɡɑ̃ɑnu ɡɑnun bɛrum mɔ, domi nɑ nun nɑɑnɛ sɑ̃ɑ Yinni. Ǹ n mɛn nɑ, mbɑ tɔnu u koo kpĩ u mɑn kuɑ.

¹³Gusunɔ, kon nɛn nɔɔ mwɛɛru yibiɑ te nɑ nun kuɑ. Kon yɑ̃kunu ko n kɑ nun siɑrɑ.

¹⁴Domi ɑ mɑn yɑrɑ sɑɑ ɡɔɔn di. Mɛyɑ ɑ ǹ derimɔ nɛn nɑɑsu su sokurɑ. Kpɑ n kpĩ n sĩ wunɛn wuswɑɑɔ tɔmbun suunu sɔɔ.