Read bariba Womusu 59 Bible Online

Womusu 59 - bariba bible

Womusu 59

¹Womu ɡe Dɑfidi u wom kowobun wiruɡii kuɑ. U ɡu kuɑwɑ sɑnɑm mɛ Sɔɔlu u ɡɔrɑ bu dɑ bu wi, Dɑfidin diru tɑrusi bu nùn ɡo. Ge wee.

²Nɛn Yinni, ɑ mɑn wɔro nɛn yibɛrɛbɑn nɔmɑn di. A mɑn kɔ̃suo ben sɔ̃.

³A mɑn wɔro tɔn kɔ̃sobun nɔmɑn di, kpɑ ɑ mɑn yɑkiɑ be bɑ tɔmbun yɛm yɑrimɔn nɔmɑn di.

⁴Domi be wee bɑ mɑn kɑsu bu ɡo. Dɑɑ bɔɔbɔyɑɡibɑ bɑ nɔɔ tiɑ mɔ̀ bu kɑ mɑn ɡo. Nɑ ǹ kɔ̃sɑ kue, nɑ ǹ mɑɑ durum kue, Yinni Gusunɔ.

⁵Kɑ mɛ, bɑ sɔɔru mɔ̀ bu kɑ mɑn wɔri. Yinni, ɑ seewo, ɑ mɑn mɛɛrio, ɑ nɑ ɑ mɑn somi.

⁶Gusunɔ Isirelibɑn Yinni, wunɛ wi ɑ wɔllu kɑ tem mɔ, ɑ seewo ɑ tɔn kɔ̃so be sɛɛyɑsiɑ be, be bɑ ǹ nun nɑsie. A ku ben ɡoon wɔnwɔndu ko.

⁷Yokɑ bɑɑyere bɑ rɑ nɛwɑ bɑ n wori nɡe bɔ̃nu kpɑ bɑ n kɑ wuu sikerenɛ.

⁸Kɔ̃sɑ yɑrimɔ sɑɑ ben nɔsun di, mɑ n sɑ̃ɑ nɡe bɑ tɑkobi wuuwɑ. Domi bɑ mɔ̀, wɑrɑ koo nɔ ye bɑ ɡerumɔ.

⁹Adɑmɑ wunɛ, Yinni Gusunɔ, ɑ bu yɛ̃ɛmɔ. A bwesenu kpuro ɑtɑfiiru sɑ̃ɑ.

¹⁰Bɑɑ bɑ̀ n dɑm mɔ ɑmɔ, wunɑ nɑ nɑɑnɛ sɑ̃ɑ. Domi wunɑ nɛn kuku yee bɑkɑru.

¹¹Yinni kĩruɡii, ɑ nɑ ɑ mɑn swɑɑ ɡbiiyɑ. Wee ɑ derɑ nɑ nɛn yibɛrɛbɑ mɛɛrɑ kɑ nuku dobu.

¹²A ku bu ɡo kpɑ nɛn tɔmbu bu ku rɑɑ ye duɑri. Adɑmɑ ɑ de bu sirenɑ, kpɑ bu wɔruku wunɛn dɑm sɔ̃. Domi wunɛ, Yinni Gusunɔ, wunɑ ɑ sɑ̃ɑ bɛsɛn tɛrɛru.

¹³Ben ɡere kpuro yɑ durum yibɑwɑ. A de ben tii suɑbu bu bu surɑ. Domi bɑ rɑ n weesu kɑ ɡɑri kɔ̃si ɡerumɔwɑ.

¹⁴Yinni, ɑ bu kɑm koosio kɑ mɔru, kpɑ bɑ kun mɑɑ wɑ̃ɑ. Kpɑ bu ɡiɑ mɑ wunɑ ɑ bɑndu dii Yɑkɔbun bibu sɔɔ kɑ hɑnduniɑ kpuro sɔɔ.

¹⁵Yokɑ bɑɑyere, yibɛrɛ be, bɑ rɑ nɛwɑ bɑ n wori nɡe bɔ̃nu kpɑ bɑ n kɑ wuu sikerenɛ,

¹⁶bɑ n kɑsu ye bɑ koo di. Kpɑ bɑ n wɑ̃ɑ mi, wɔ̃ku ɡiriru, domi bɑ ku rɑ debu.

¹⁷Adɑmɑ nɛ, nɑ kon womu ko wunɛn dɑm sɔ̃. Buru buru yellu, nɑ kon nun tɔmɑ wunɛn kĩrun sɔ̃, domi ɑ sɑ̃ɑwɑ nɛn kuku yee dɑmɡiru, kpɑ n kuke wunɛn mi nɑ̀ n nuki sɑnkire.

¹⁸Yinni Gusunɔ, wunɑ ɑ sɑ̃ɑ nɛn dɑm kɑ mɑɑ nɛn kuku yee dɑmɡiru. Wunɑ kon tɔmɑ, domi ɑ sɑ̃ɑwɑ tɔn ɡeo.