Read bariba Womusu 63 Bible Online

Womusu 63 - bariba bible

Womusu 63

¹Dɑfidin womu. U ɡu kuɑwɑ sɑnɑm mɛ u wɑ̃ɑ Yudɑn ɡbɑburɔ. Ge wee.

²Gusunɔ, ɑ sɑ̃ɑwɑ nɛn Yinni. Wunɑ nɑ soku. Nɑ wunɛn bɛkɛ bɑrɔ. Mɑ nɛn wɑsi kpuro bɛsikirɑmɔ wunɛn sɑrirun sɔ̃ nɡe mɛ tem ɡbebum mu rɑ n bɛsikirɑmɔ nim sɑrirun sɔ̃.

³Wee nɑ wɑ̃ɑ wunɛn sɑ̃ɑ yerɔ nɑ nun mɛɛrɑ, kpɑ n kɑ wunɛn dɑm kɑ wunɛn yiiko wɑ.

⁴Domi wunɛn tɔn ɡeeru tɑ ɡisɔn wɑ̃ɑru kere. Yen sɔ̃nɑ kon nun tɔmɑ kɑ womusu.

⁵Kon nun siɑrɑ nɛn wɑ̃ɑru kpuro sɔɔ, kpɑ n nɔmɑ suɑ wɔllɔ n kɑ nun sɑ̃.

⁶Nɛn hunde koo debu nɡe wi u dĩɑ duronu kɑ yɑɑ ɡumɡiɑ di. Kon nun siɑrɑ kɑ nuku dobun kuuki.

⁷Nɑ̀ n kpĩ, nɑ rɑ n nun yɑɑyewɑ nɑ n wunɛn bwisikunu mɔ̀ wɔ̃kuru.

⁸Domi ɑ sɑ̃ɑwɑ nɛn somiɔ. Nɑ̀ n kukuɑ wunɛn kɑsenun kɔkɔrɔ, nɑ rɑ n nuku dobu mɔ.

⁹Nɑ kɑ nun mɑninɛwɑ dim dim, mɑ wunɛn nɔm ɡeu ɡɑ mɑn nɛni.

¹⁰Be bɑ kɑsu bu mɑn ɡo bɑ koo dɑwɑ sere tem sɔɔ sɔɔwɔ.

¹¹Tɑkobiwɑ bɑ koo kɑ bu ɡo, kpɑ purukɑnu nu ben ɡonu tem.

¹²Nɛ, sinɑ boko kon yɛ̃ɛri wunɛ sɔɔ. Wi u kɑ nun bɔ̃ruɑ u koo tii siɑrɑ, ɑdɑmɑ kɑɑ wee kowobun nɔsu kɔre.