Read bariba Womusu 72 Bible Online

Womusu 72 - bariba bible

Womusu 72

¹Womu ɡe Sɑlomɔɔ u kuɑ. Ge wee. Gusunɔ, ɑ nɛ sinɑ boko bwisi kɛ̃ɛyɔ n kɑ siri nɡe mɛ ɑ rɑ siri,

²kpɑ n wunɛn tɔmbu siri ɡem sɔɔ bɑɑ be bɑ sɑ̃ɑ sɑ̃ɑrobu.

³Wunɛn ɡem sɔ̃, ben ɡunɡunu kɑ ben ɡuunu nu koo bu ɑrumɑni wɛ̃.

⁴Kon sɑ̃ɑrobu siriɑ kpɑ n bu ben ɡem wɛ̃, kpɑ n bwɛ̃ɛbwɛ̃ɛbun bibu fɑɑbɑ ko, n be bɑ bu dɑm dɔremɔ kɔsuku.

⁵Mɛ̀n nɔɔ sɔ̃ɔ kɑ suru yɑrimɔ, mɛyɑ bɑ ko n mɑɑ nun nɑsie sere kɑ bɑɑdommɑɔ.

⁶Yinni Gusunɔ, ɑ de nɛ, sinɑ boko nɑ n ɑrufɑɑni mɔ nɡe ɡurɑ ye yɑ nɛmɔ ɡbee te bɑ kɔrɔ kuɑ sɔɔ, ǹ kun mɛ nɡe nim ɑrufɑɑniɡum mɛ mu kokumɔ ɡberɔ,

⁷kpɑ nɛn bɑndu sɔɔ ɡem mu n wɑ̃ɑ, kpɑ dukiɑ yu kuurɑ mɛ̀n nɔɔ suru yɑrimɔ.

⁸A de nɑ n bɑndu dii sɑɑ nim wɔ̃ku ɡe bɑ mɔ̀ Mɛditerɑnɛn di sere n kɑ ɡirɑri nim wɔ̃ku bɔruɡuuɔ, sɑɑ mɑɑ dɑɑ te bɑ mɔ̀ Efɑrɑtin di sere hɑnduniɑn nɔrɔ.

⁹Kpɑ ɑ mɑɑ de be bɑ wɑ̃ɑ ɡbɑburɔ kpuro bu nɑ nɛn wuswɑɑɔ bu mɑn yiirɑ, kpɑ nɛn yibɛrɛbɑ bu tuɑ nɔ.

¹⁰Tɑɑsisi kɑ tem mɛ mu tomɑn sinɑmbu bɑ koo kɑ mɑn ɡbere ɡobi nɑɑwɑ. Sebɑ kɑ Sɑbɑn sinɑmbu bɑ koo kɑ mɑn kɛ̃nu nɑɑwɑ.

¹¹Kpɑ sinɑmbu kpuro bu mɑn yiirɑ, kpɑ bwesenu kpuro nu mɑn sɑ̃.

¹²Domi kon sɑ̃ɑro wi u weeweenu mɔ̀ wɔrɑ, kpɑ n bwɛ̃ɛbwɛ̃ɛ wi u kun ɡoo mɔ somi.

¹³Mɛyɑ nɑ kon mɑɑ sɑ̃ɑron wɔnwɔndu wɑ, kpɑ n bwɛ̃ɛbwɛ̃ɛn wɑ̃ɑru wɔrɑ.

¹⁴Kon bu wɔrɑ be bɑ bu dɑm dɔremɔn min di. Kon bu yɑkiɑ be bɑ bu nɔni sɔ̃ɔmɔn nɔmɑn di. Domi ben wɑ̃ɑru tɑ sɑ̃ɑwɑ ɡɑ̃ɑ ɡirinu nɛn nɔni sɔɔ.

¹⁵Kpɑ nɛ sinɑ bokon wɑ̃ɑru tu dɑkɑɑ dɑ, kpɑ bu kɑ mɑn Sɑbɑn wurɑ nɑɑwɑ. Bɑ ko n dɑ mɑn kɑnɑru kue tɔ̃ɔ bɑɑtere bɑ n mɑn domɑru kuɑmmɛ.

¹⁶Kpɑ ɑlikɑmɑ yu mɑrurɑ tem sɔɔ kɑ ɡuunɔ. Kpɑ yen winu nu n wom soorɑmɔ nɡe Libɑnin dɑ̃nu. Mɛyɑ mɑɑ tɔmbɑ koo mɑrurɑ wusu sɔɔ nɡe yɑkɑ bii.

¹⁷Kpɑ nɛ sinɑ bokon yĩsiru tɑ n yɑrɑ sere kɑ bɑɑdommɑɔ, bɑ n tu soku mɛ̀n nɔɔ sɔ̃ɔ yɑrimɔ. Tɔmbu bɑ̀ n ben winsim domɑru kuɑmmɛ, bɑ n dɑ nɛn yĩsiru soku, kpɑ bwesenu kpuro nu nɛɛ, doo nɔɔruɡiiwɑ nɛ sinɑ boko.

¹⁸Su Gusunɔ Isirelibɑn Yinni siɑrɑ. Domi wi turowɑ u rɑ sɔm mɑɑmɑɑkiɡinu ko.

¹⁹Su nùn siɑrɑ win yĩsi bɛɛrɛɡii ten sɔ̃. Win yiiko yu sɔ̃ɔsirɑ hɑnduniɑ kpuro sɔɔ. Ami! Ami!

²⁰Womu ɡeniwɑ Dɑfidi Isɑin bii u kɑ win kɑnɑnu wiru ɡo.