Read bariba Womusu 77 Bible Online

Womusu 77 - bariba bible

Womusu 77

¹Asɑfun womu ɡe u Yedutum kuɑ. Ge wee.

²Nɑ Gusunɔ nɔɔɡiru sue. Nɑ nùn soku, u koo mɑn swɑɑ dɑki.

³Nɑ̀ n nuki sɑnkire, nɑ rɑ Gusunɔ kɑsuwɑ. Wɔ̃kuru nɑ ku rɑ wɛ̃re. Nɑ rɑ nɛn nɔmɑ yiiyewɑ wɔllɔ nɑ̀ n kɑnɑru mɔ̀. Adɑmɑ kɑ mɛ, nɛn bwɛ̃rɑ ku rɑ kpunɛ.

⁴Nɑ̀ n Gusunɔ yɑɑyɑ, nɑ rɑ n weeweenu mɔ̀wɑ. Nɑ̀ n bwisikɑ, nɛn ɡɔmɑ yɑ rɑ dwiiyewɑ.

⁵Yinni Gusunɔ u ku rɑ de n dweeyɑ. Nɑ ku rɑ kpĩ n ɡɑri ɡere nɛn nɔni swɑ̃ɑrun sɔ̃.

⁶Nɑ rɑ yellu yɑɑyewɑ kpɑ nɑ n ɡɑsɔn ɡɑri bwisikumɔ.

⁷Nɑ nɛn womusu yɑɑyɑmɔ wɔ̃kuru, mɑ nɑ bwisikumɔ nɑ mɔ̀,

⁸Yinni Gusunɔ u koo sun yinɑwɑ sere kɑ bɑɑdommɑɔ? U ǹ mɑɑ kɑ sun nɔnu ɡeu mɛɛrimɔ?

⁹Win durom mu kpɑwɑ mi sere kɑ bɑɑdommɑɔ? U ǹ mɑɑ ɡɑri ɡɛɛ mɔ u sun sɔ̃ sere kɑ bɑɑdommɑɔ?

¹⁰U duɑriwɑ u sun durom kuɑ? U sun win wɔnwɔndu wunɑriwɑ win mɔrun sɔ̃?

¹¹Mɑ nɑ nɛn tii sɔ̃ɔwɑ nɑ nɛɛ, wee ye yɑ mɑn dumɔ, yerɑ Wɔrukoon dɑm kun mɑɑ kɑ sun wɑ̃ɑ.

¹²Yinni Gusunɔ, kon wunɛn sɔmɑ yɑɑyɑ. Domi nɑ yɑɑyɑ sɔm mɑɑmɑɑkiɡii ni ɑ kuɑ.

¹³Kon wunɛn sɔmɑ kpuron ɡɑri kpɑrɑ. Kon sɔm mɑɑmɑɑkiɡinun ɡɑri sɑɑri.

¹⁴Gusunɔ, wunɛn swɛɛ yi dɛɛrewɑ. Wɑrɑ u kɑ nun kpɑ̃ɑru nɛ.

¹⁵A sɑ̃ɑwɑ wi u rɑ sɔm mɑɑmɑɑkiɡinu ko. A derɑ wunɛn dɑm mu sɔ̃ɔsirɑ bwesenu sɔɔ.

¹⁶Kɑ wunɛn dɑmɑ ɑ wunɛn tɔmbu yɑkiɑ be, be bɑ sɑ̃ɑ Yɑkɔbu kɑ Yosɛfun sikɑdominu.

¹⁷Gusunɔ, ye nim mu nun wɑ, mɑ mu diirɑ, mu ɡbisɑ sere sɔɔwɔ.

¹⁸Mɑ ɡurɑ nɛmɔ nɡe dɑɑ surundu. Mɑ ɡuru ɡbɑ̃sukubu nɔɔrɑmɔ. Mɑ ɡuru mɑɑkinu dɑɑmɔ wɔllun bɑɑmɑ.

¹⁹Gurɑ yɑ ɡbɑ̃rɑ mɑ ɡuru mɑɑkinu nu hɑnduniɑ kpuro yɑm bururɑsiɑ, mɑ tem mu diirɑ bɛrum sɔ̃.

²⁰A sĩɑ nim wɔ̃kun wɔllɔ kɑ mɑɑ mɛn sɔɔwɔ. Adɑmɑ ɡoo kun wunɛn yirɑ wɑ.

²¹A derɑ Mɔwisi kɑ Aroni bɑ wunɛn tɔmbu kpɑrɑ nɡe yɑ̃ɑ ɡɔ̃ɔ.