Read bariba Womusu 83 Bible Online

Womusu 83 - bariba bible

Womusu 83

¹Womu ɡe Asɑfu u kuɑ. U nɛɛ,

²Gusunɔ, ɑ ku mɑri, ɑ ku mɑɑ wɛ̃rɑ.

³Domi wee wunɛn yibɛrɛbɑ bɑ seewɑ, be, be bɑ nun tusɑ bɑ wiru yɔ̃rɑsie.

⁴Wee bɑ kɔ̃sɑ wesiɑnɑmɔ wunɛn tɔmbun sɔ̃. Bɑ nɔɔ tiɑ mɔ̀ be ɑ kɔ̃sun sɔ̃.

⁵Bɑ ɡerumɔ bɑ mɔ̀, bu nɑ bu sun kpeerɑsiɑ bwesenu kpuron suunu sɔɔn di, kpɑ bu ku mɑɑ bɛsɛ Isirelibɑn yĩsiru yɑɑyɑ.

⁶Wee bɑ wesiɑnɑ, mɑ be kpuro bɑ nɔɔ tiɑ kuɑ bu kɑ nun wɔri.

⁷Beyɑ, Edɔmubɑ kɑ Isimɛɛlibɑ kɑ Mɔɑbubɑ kɑ Aɡɑribɑ

⁸kɑ Gebɑlibɑ kɑ Amɔnibɑ kɑ Amɑlɛkibɑ kɑ Filisitibɑ kɑ sere Tiriɡibu.

⁹Asiriɡibun tii bɑ nɑ bɑ kɑ bu nɔɔ tiɑ kuɑ, bɑ Lɔtun bibun bweseru, Amɔnibɑ kɑ Mɔɑbubɑ nɔmɑ kɑ̃.

¹⁰Yinni Gusunɔ, ɑ bu kuo nɡe mɛ bɑ Siserɑ kɑ Yɑbini kɑ Mɑdiɑnibɑ kuɑ Kisionin dɑɑrɔ.

¹¹Bɑ bu kpeerɑsiɑwɑ Eni Doriɔ, mɑ bɑ ben ɡonu deri mi, nu tem kɔ̃sisiɑ nɡe nɑɑ bisu.

¹²A de ben sinɑmbu bu ɡbi nɡe sinɑm beni, Orɛbu kɑ Seebu kɑ Sebɑ kɑ Sɑlumunɑ,

¹³be, be bɑ rɑɑ ɡerunɑ bɑ nɛɛ, bu dɑ bu Gusunɔn ɑrumɑni ɡurɑ.

¹⁴Yinni Gusunɔ, ɑ bu suo ɑ kɑ doonɑ nɡe mɛ woo ɡunɑ yɑ rɑ kɑ yɑkɑsu doonɛ.

¹⁵A de bu dɔ̃ɔ mwɑɑrɑ nɡe mɛ dɔ̃ɔ u rɑ dɑ̃ɑ sɔ̃ɔ mwɛ, ǹ kun mɛ nɡe mɛ dɔ̃ɔ yɑrɑ yɑ rɑ ɡuunu dɑbiri.

¹⁶A bu nɑɑ ɡiro kɑ ɡuru woo bɔkɔ. A bu nɑndɑsio kɑ woo ɡunɑ.

¹⁷Yinni Gusunɔ, ɑ bu sekuru dokeo, kpɑ bu wɑ bu ɡɔsirɑmɑ wunɛn mi.

¹⁸A de bu sekuru wɑ, kpɑ bɑ n nɑnde sere kɑ bɑɑdommɑɔ. A ben yĩiyɔbu wunɔ, kpɑ bu kɑm ko.

¹⁹Kpɑ bu ɡiɑ mɑ wunɛ turowɑ ɑ sɑ̃ɑ Yinni Wɔrukoo hɑnduniɑ ye sɔɔ.