Read bariba Womusu 95 Bible Online

Womusu 95 - bariba bible

Womusu 95

¹I nɑ su Yinni Gusunɔ womu kuɑ. Su nùn nɔɔɡiru sue kɑ nuku dobu wi, wi u sɑ̃ɑ fɑɑbɑ kowo dɑmɡii nɡe kpee bɑkɑru.

²I de su dɑ win wuswɑɑɔ su nùn siɑrɑ. Su nùn bɛɛrɛ wɛ̃ kɑ siɑrɑbun womusu kɑ nuku dobu.

³Domi u kpɑ̃. U sɑ̃ɑ sinɑ boko wi u ye bɑ sɑ̃ɑmɔ kpuro kere.

⁴Win nɔmɑ yɑ kpuro nɛni ye yɑ wɑ̃ɑ tem sɔɔwɔ. Guunun wii kpiinu nu mɑɑ sɑ̃ɑ wiɡinu.

⁵Nim wɔ̃ku ɡɑ sɑ̃ɑwɑ wiɡuu. Wiyɑ u ɡu kuɑ. Win nɔmɑ yɑ mɑɑ tem kuɑ.

⁶I nɑ su kpunɑ su tii kɑwɑ. Su yiirɑ Yinni Gusunɔ bɛsɛn tɑkɑ kowon wuswɑɑɔ.

⁷Domi u sɑ̃ɑwɑ bɛsɛn Yinni. Sɑ mɑɑ sɑ̃ɑ win tɔmbu be u kpɑre nɡe nɑɑ ɡɔ̃ɔ. I de i win nɔɔ nɔ ɡisɔ.

⁸I ku de bɛɛn ɡɔ̃rusu su bɔbiɑ nɡe mɛ bɛɛn bɑɑbɑbɑ bɑ kuɑ Mɛribɑɔ kɑ mɑɑ dɔmɑ te bɑ wɑ̃ɑ Mɑsɑɔ ɡbɑburɔ,

⁹mi bɑ mɑn wɛ̃ɛrɑ, bɑ nɛn lɑɑkɑri mɛɛrɑ bɑɑ mɛ bɑ nɛn sɔmɑ wɑɑre.

¹⁰Wɔ̃ɔ weeruwɑ nɑ bwese te bwɛ̃rɑ yɑrɑ, mɑ nɑ nɛɛ, tɔn ben ɡɔ̃rusu kɑ mɑn tondɑ. Bɑ yinɑ bu nɛn woodɑbɑ swĩi.

¹¹Yen sɔ̃nɑ nɑ mɔru kuɑ mɑ nɑ bɔ̃ruɑ nɑ nɛɛ, bɑ ǹ sisi bu kɑ mɑn wɛ̃rɑ mi nɑ wɛ̃re.