Read bariba Womusu 96 Bible Online

Womusu 96 - bariba bible

Womusu 96

¹I Yinni Gusunɔ wom kpɔɔ kuo. Bɛɛ hɑnduniɑɡibu, i nùn womu kuo.

²I Yinni Gusunɔ womu kuo. I nùn bɛɛrɛ wɛ̃ɛyɔ. I win fɑɑbɑn lɑbɑɑri kpɑro tɔ̃ɔ bɑɑtere.

³I bwesenu win yiikon fɑɑɡi kuo. Kpɑ i win mɑɑmɑɑkin ɡɑri ɡere.

⁴Domi wi, Yinni Gusunɔ u kpɑ̃. Wiyɑ bɑ koo bɛɛrɛ wɛ̃. U bũnu kpuro dɑm kere.

⁵Domi nu sɑ̃ɑwɑ kɑm dirum. Wiyɑ u wɔllu tɑkɑ kuɑ.

⁶Yɑm bururɑm kɑ yiiko bɑkɑ yɑ rɑ n nùn wɑ̃ɑsi. Dɑm kɑ ɡirimɑ yɑ wɑ̃ɑ win sɑ̃ɑ yerɔ.

⁷Bwesenu kpuro, i nɑ i Yinni Gusunɔ bɛɛrɛ wɛ̃. I nɑ i win dɑm kɑ win yiikon ɡɑri kpɑrɑ.

⁸I Yinni Gusunɔn yĩsiru bɛɛrɛ wɛ̃ɛyɔ. I duo win sɑ̃ɑ yerɔ kɑ kɛ̃nu.

⁹I nɑ i nùn kpunɑ kɑ bɛɛn sɑ̃ɑ yɑ̃nu. Bɛɛ hɑnduniɑɡibu kpuro, i diirio.

¹⁰I bwesenu kpuro sɔ̃ɔwɔ i nɛɛ, Yinni Gusunɔ u bɑndu di. U tem swĩi mu dɑm mɔ, mu ǹ mɑɑ yĩirimɔ. U rɑ tɔmbu siriwɑ dee dee.

¹¹Wɔllu tu nukuru doro. Tem mu yɛ̃ɛrio. Nim wɔ̃ku kɑ ye yɑ wɑ̃ɑ ɡe sɔɔ kpuro yu kukirio.

¹²Gberu kpɑɑnɛ yu nukuru doro kɑ ye yɑ wɑ̃ɑ ye sɔɔ kpuro. Dɑ̃nu nu tɑki koowo Yinni Gusunɔn wuswɑɑɔ, domi u wee. U wee u hɑnduniɑ siri, kpɑ u yen tɔmbu siriɑ dee dee.