Read bariba Womusu 97 Bible Online

Womusu 97 - bariba bible

Womusu 97

¹Yinni Gusunɔ u bɑndu dii. Tem mu nukuru doro. Be bɑ wɑ̃ɑ n tomɑ bu yɛ̃ɛrio.

²Guru wii wuroru kɑ yɑm wɔ̃kurɑ rɑ n kɑ nùn sikerenɛwɑ. Gem wɔllɔwɑ u win sinɑ ɡɔnɑ tɛrie.

³Dɔ̃ɔwɑ u rɑ n nùn swɑɑ ɡbiiye. Kpɑ u n win yibɛrɛbɑ mwɑɑmɔ.

⁴U rɑ de ɡuru mɑɑkinu nu hɑnduniɑ yɑm bururɑsiɑ. Tem mù n nu wɑ, mu rɑ diiriwɑ.

⁵Guunu nu rɑ yɑndewɑ nɡe ɡum win wuswɑɑɔ, wi, wi u sɑ̃ɑ tem kpuron Yinni.

⁶Wɔllu tɑ win ɡem sɔ̃ɔsimɔ. Mɑ bwesenu kpuro nu win yiiko wɑɑmɔ.

⁷Be bɑ bwɑ̃ɑrokunu sɑ̃ɑmɔ, bɑ koo sekuru wɑ. Be bɑ bũnu siɑrɑmɔ, bɑ koo yɔ̃rɑ kɑ dukiri. Bũnu kpuro nu koo yiirɑ win wuswɑɑɔ.

⁸Yinni Gusunɔ, Siɔniɡibu bɑ ye nuɑ mɑ bɑ nukuru dorɑ. Yudɑbɑ bɑ nuku dobu mɔ̀ wunɛn siribun sɔ̃.

⁹Domi wunɑ ɑ kpɑ̃ɑru bo hɑnduniɑ kpuro sɔɔ. Wunɑ ɑ mɑɑ bũnu kpuro dɑm kere.

¹⁰Bɛɛ be i Yinni Gusunɔ kĩ, i kɔ̃sɑ tusio. U rɑ be bɑ nùn nɑɑnɛ sɑ̃ɑ wɔre tɔn kɔ̃sobun nɔmɑn di.

¹¹Yɑm bururɑm mu wɑ̃ɑwɑ ɡemɡiin sɔ̃. Nuku dobu bu wɑ̃ɑwɑ bèn ɡɔ̃ru ɡɑ dɛɛren sɔ̃.

¹²Bɛɛ ɡemɡibu, i nuku dobu koowo Yinni Gusunɔn sɔ̃. Kpɑ i win yĩsi dɛɛrɑ te wɔlle suɑ.