Read bariba Mɔnnu 2 Bible Online

Mɔnnu 2 - bariba bible

Mɔnnu 2

¹Nɛn bii, ɑ nɛn sɔ̃ɔsiru wuro, kpɑ ɑ nɛn woodɑ nɛnɛ wunɛn ɡɔ̃ruɔ.

²A bwisin sɔ̃ɔsiru swɑɑ dɑkio. A kookɑri koowo yu kɑ nun yeeri.

³A bwisi kɑsuo, kpɑ ɑ lɑɑkɑri nɑɑ ɡirɑ.

⁴A ye kpuro kɑsuo nɡe sii ɡeesu, ǹ kun mɛ nɡe ɑrumɑni ye yɑ beruɑ.

⁵À n kuɑ mɛ, kɑɑ tubu nɡe mɛ kɑɑ kɑ Gusunɔ nɑsiɑ, kpɑ ɑ nùn ɡiɑ.

⁶Yinni Gusunɔwɑ u rɑ tɔnu bwisi wɛ̃. Wiyɑ u rɑ mɑɑ nùn yɛ̃ru kɑ lɑɑkɑri wɛ̃.

⁷U rɑ tɑɑrɛ sɑriruɡibu nɑsɑrɑ wɛ̃, kpɑ u n be bɑ ɡem swĩi kɔ̃su nɡe tɛrɛru.

⁸U rɑ be bɑ ku rɑ ben berusebu kɔ̃sɑ kue kɔ̃su, kpɑ u wiɡii be bɑ nùn mɛm nɔɔwɛ kpɑrɑ.

⁹Nɛn bii, ɑ̀ n nɛn ɡɑri wurɑ, kɑɑ ɡem tubu. Kɑɑ n yɛ̃ ye yɑ sɑ̃ɑ dee dee. Ye kpurowɑ yɑ koo de ɑ n ɡeɑ mɔ̀.

¹⁰Kɑɑ n bwisi mɔ, kpɑ yɛ̃ru tu nun nuku dobu wɛ̃.

¹¹Bwisi kɑ lɑɑkɑri yɑ koo nun kɔ̃su,

¹²kpɑ yu kɑ nun ɡbɑrɑ swɑɑ kɔ̃sɑn di, kpɑ yu nun yɑrɑ ɡɑri kɔ̃siɡiin nɔmɑn di,

¹³kɑ sere mɑɑ be bɑ swɑɑ ɡeɑ derin min di, bɑ swɑɑ kɔ̃sɑ swĩi.

¹⁴Kɔ̃sɑn kobu bu rɑ bu nuku dobu wɛ̃, kpɑ bɑ n yɛ̃ɛrimɔ torɑnun sɔ̃.

¹⁵Ben swɛɛ kɑ ben sɑnu sɑnusu ku rɑ n dɛɛre.

¹⁶Nɡe mɛyɑ yi koo mɑɑ de ɑ kurɔ tuko dukɑ suuri wi u nun kɔkirimɔ kɑ ɡɑri dori.

¹⁷Wi, wi u win durɔ ɡbiikoo yinɑ, u ɑrukɑwɑni duɑri ye u kɑ nùn bɔkuɑ Gusunɔn wuswɑɑɔ.

¹⁸Mɑ win yɛnu ɡɑ ɡɔɔ dɔɔ, win swɛɛ yi kɑ nùn dɔɔ ɡɔribun wɑ̃ɑ yerɔ.

¹⁹Tɔn durɔ wi u dɑ win mi, u ku rɑ wurɑmɛ. U ku rɑ mɑɑ wɑ̃ɑrun swɑɑ wɑ.

²⁰Ǹ n mɛn nɑ, ɑ ɡemɡibun swɑɑ swĩiyɔ. A ben dɑɑ sɑɑrio.

²¹Domi ɡemɡibu kɑ tɑɑrɛ sɑriruɡibu bɑ ko n wɑ̃ɑ n kɑ tɛ tem mɛ sɔɔ.

²²Adɑmɑ tɔn kɔ̃sobu kɑ mɛm nɔɔ sɑribɑrɑ bɑ koo wunɑ min di.