Read bariba Womu Duro 2 Bible Online

Womu Duro 2 - bariba bible

Womu Duro 2

¹Nɛnɑ nɑ sɑ̃ɑ nɡe ɡunɑrun biibii ye yɑ kpiɑ tem tɛɛrɑɔ. Nɑ mɑɑ sɑ̃ɑ nɡe yɑkɑsun biibii ye yɑ wɑ̃ɑ wɔwɑɔ.

²ɑ̀ n nɛn kĩnɑsi wɑ win wɔndiɑ kpɑɑsibun wuurɔ, u rɑ n sɑ̃ɑwɑ nɡe biibii ye yɑ wɑ̃ɑ sɑ̃kin suunu sɔɔ.

³ɑ̀ n nɛn kĩnɑsi wɑ ɑluwɑɑsibɑn suunu sɔɔ, u sɑ̃ɑwɑ nɡe dɑ̃ɑ te bɑ mɔ̀ pɔmiɛ dɑ̃nun suunu sɔɔ tèn mɑrum mu dibu do. Nɑ rɑ kɑ̃ nɑ n sɔ̃ win sɑɑrɔ.

⁴U kɑ mɑn dɑ mi bɑ rɑ tɔ̃ɔ bɑkɑ dĩɑnu di. Mɑ u mɑn nɛnuɑ kɑ kĩru.

⁵Wee kĩrɑ mɑn bɑrɔ kuɑ. A mɑn dɑm kɛ̃ kɑ kirɑ duronu, kɑ pɔmiɛn mɑrum.

⁶Nɑ kĩ nɑ n nɛn wiru sɔndi win nɔm dwɑrɔ, kpɑ win nɔm ɡeu ɡu mɑn bɔkɑsi.

⁷bɛɛ Yerusɑlɛmun wɔndiɑbɑ, nɑ bɛɛ sɔ̃ɔmɔ kɑ yɛɛ kpiki kɑ nɛnnun yĩsinu, i ku nɛn kĩnɑsi yɑmiɑ sɑɑ ye u ǹ kĩ u se.

⁸nɑ nɛn kĩnɑsin nɔɔ nɔɔmɔ. Wɔɔ u ɡuunu sɑrikirɑmɔ u wee.

⁹U sɑ̃ɑwɑ nɡe yɑɑ kpiku ǹ kun mɛ nɡe ɡini kpɛmɑ. Wi wee dirun biruɔ, u mɑn mɛɛrimɑ fɛnɛntin di.

¹⁰Mɑ u kɑ mɑn ɡɑri kuɑ u nɛɛ, ɑ seewo nɛn kĩnɑsi, kurɔ burɔ, ɑ nɑ.

¹¹Wee purɑn sɑɑ yɑ doonɑ, mɑ ɡurɑ yɑ yɔ̃rɑ [1].

¹²Biibii yɑ kpiɑ yɑm kpuro. Sɑ ɡunɔ bwese bwesekɑn swĩi nɔɔmɔ. Kpɑrukonun swĩi yi nɔɔrɑ bɛsɛn tem sɔɔ.

¹³Dɑ̃ɑ te bɑ mɔ̀ fiɡie tɑ mɑrum torumɔ, mɑ resɛm tɔ̃kɑn wɛ̃sun nuburɑ pusɑ. A seewo, ɑ nɑ nɛn kĩnɑsi, kurɔ burɔ,

¹⁴wunɛ wi ɑ sɑ̃ɑ nɡe sɑ̃kusɑ̃ ye yɑ wɑ̃ɑ kpee bɑɑ sɔɔ yɑ kukuɑ. A mɑn wunɛn wuswɑɑ sɔ̃ɔsio. A de n wunɛn nɔɔ nɔ. Domi wunɛn dɔkɔrɑ nɔɔbu do. Mɛyɑ mɑɑ wunɛn wuswɑɑ rɑ mɑn wɛ̃re.

¹⁵i sun dɛmɑku binu mwɛɛrio ni nu bɛsɛn resɛm ɡbɑɑru sɑnkumɔ sɑɑ ye yɑ wɛ̃su sɑ̃ɑ.

¹⁶nɛn kĩnɑsi u sɑ̃ɑwɑ nɛɡii, nɑ mɑɑ sɑ̃ɑ wiɡii. U win sɑbenu kpɑrɑmɔ yɑkɑsun biibiin suunu sɔɔ.

¹⁷A de ɑ ɡɔsirɑ, nɛn kĩnɑsi, ɑ n wɑ̃ɑ ɡuunu wɔllɔ ɑ n sɑ̃ɑ nɡe yɑɑ kpiku ǹ kun mɛ nɡe ɡini kpɛmɑ, sere sɔ̃ɔ u kɑ du sɑɑru tu kpɛ̃ɑ.