Read bariba Womu Duro 4 Bible Online

Womu Duro 4 - bariba bible

Womu Duro 4

¹ɑ sɑ̃ɑwɑ kurɔ burɔ, nɛn kĩnɑsi. Wunɛn nɔni yi bɑllimɔ nɡe wɑɑ bɑkɑɡii wunɛn sɔnditiɑn wɛ̃rin di. Wunɛn seri yi sɑ̃ɑ nɡe boo wuuru te tɑ sɑrɑmɑmɔ Gɑlɑdin ɡuuru wɔllun di.

²Wunɛn donnu nu buriri nɡe yɑ̃ɑ nìn sɑnsu bɑ bɔɔrɑ nu nim nɔrum wee. Nu mɑɑ nɔɔ nɛwɑ swɛɛ swɛɛ, nin ɡɑrɑ kun kɑnde.

³Wunɛn nɔɔ ɡɑ swɛ̃riwɑ nɡe tom, mɑ ɡɑ wɑɑbu wɑ̃. Wunɛn bɑɑnu nu bɑllimɔwɑ nɡe dire sɔnsɔm biɑ wunɛn sɔnditiɑn wɛ̃rin di.

⁴Wunɛn wĩirɑ wɑ̃wɑ nɡe Dɑfidin dii bwereku ɡɑɡu mi bɑ rɑ tɑbu yɑ̃nu bere. Wunɛn sɑbɑn bɑtɑnibɑ bɑ sɑ̃ɑ nɡe tɑbu yɑ̃ɑ ni bɑ bwɛ̃ mi.

⁵Wunɛn bwɑ̃su sɑ̃ɑ nɡe yɑɑ kpikun binu yiru ni nu yɑkɑsu dimɔ biibiin suunu sɔɔ.

⁶Sere sɔ̃ɔ u kɑ du sɑɑru tu kpɛ̃ɑ, kon dɑ ɡuuru wɔllɔ mi turɑre ye bɑ mɔ̀ miru kɑ turɑre dɛkɑɡiɑ yɑ wɑ̃ɑ.

⁷A sɑ̃ɑwɑ kurɔ burɔ, nɛn kĩnɑsi. A ǹ bɑu ɡɑɡu mɔ.

⁸A nɑ su doonɑ sɑɑ Libɑnin ɡuunun di kɑ Seniri kɑ Hɛɛmɔɔn ɡuurun di mi ɡbee sinɑnsu kɑ musuku yɑmbɑrɔsu rɑ n wɑ̃ɑ.

⁹Bɛsɛn nɔni yì n yinnɑ, ǹ kun mɛ nɑ̀ n wunɛn sɑbɑn bɑtɑni tiɑ wɑ, wunɛn kĩrɑ rɑ nɛn ɡɔ̃ru kpuro mwɛwɑ, nɛn sesu, nɛn kurɔ.

¹⁰Wunɛn kĩru tɑ nuku dobu mɔ nɛn sesu, nɛn kurɔ. Wunɛn kĩru tɑ tɑm dobu kere. Mɛyɑ mɑɑ wunɛn turɑren nuburu tɑ do tɑ turɑre kpuro kere.

¹¹Wunɛn nɔɔ ɡɑ sɔ̃subu do nɡe tim bɑu. Tim kɑ bom mu wɑ̃ɑ wunɛn nɔɔ sɔɔ. Wunɛn yɑ̃nu nu nuburu dowɑ nɡe dɑ̃ɑ te bɑ mɔ̀ sɛduru Libɑniɔ.

¹²A sɑ̃ɑwɑ nɡe dɑ̃ɑ ɡbɑɑru te bɑ kɑrɑ koosi, nɛn sesu, nɛn kurɔ. A sɑ̃ɑwɑ nɡe dɔkɔ ye bɑ kɛnuɑ, ǹ kun mɛ nɡe bwiɑ ye bɑ mɑrɑ.

¹³Wunɛn nim mu dɑ̃ɑ ɡbɑɑrun dɑ̃nu yɛ̃kɑmɔ. Nin binu ni bɑ sokumɔ ɡerenɑdi nu do too. Mɛyɑ lɑlle kɑ nɑɑdi yɑ mɑɑ kpiɑ mi,

¹⁴kɑ sɑfɑrɑni, kɑ yɑkɑ si su nuburu do, kɑ kɑnɛli, kɑ dɑ̃ɑ ni bɑ rɑ kɑ turɑre dɛkɑɡiɑ ko, kɑ miru, kɑ ɑloɛsi, kɑ sere yɑkɑ si su nuburu dobu bo kpuro.

¹⁵Wunɛ ɑ sɑ̃ɑwɑ nɡe dɑ̃ɑ ɡbɑɑrun dɔkɔ ǹ kun mɛ nɡe bwiɑ ye yɑ nim sumɔ mɛ mu wee sɑɑ Libɑnin ɡuunun di.

¹⁶sɔ̃ɔ yɛ̃si yɛ̃sikɑn wosu, i seewo i nɛn dɑ̃ɑ ɡbɑɑrun dɑ̃nu kɔ̃, kpɑ nin nubu duroru tu yɑri kpuro. I de nɛn kĩnɑsi u du win dɑ̃ɑ ɡbɑɑru sɔɔ kpɑ u yen dɑ̃ɑ bii ɡeenu di.