Read bariba Esɑi 16 Bible Online

Esɑi 16 - bariba bible

Esɑi 16

¹I Yudɑbɑn sinɑ boko yɑ̃ɑ kpɛmminu mɔrisio Selɑn di, kpɑ bu kɑ nu dɑ Siɔnin ɡuurɔ kɑ swɑɑ ye yɑ kpɑ mi ɡɑ̃ɑnu ku rɑ kpi.

²Domi Mɔɑbun tɔn kurɔbu bɑ koo Aɑnɔɔn dɑɑru tɔburɑ, kpɑ bɑ n sɛnde nɡe ɡunɔ si bɑ ɡirɑ sokurun di su duki mɔ̀.

³Bɑ koo Yudɑbɑ sɔ̃ bu nɛɛ, i sun bwisi kɛ̃ɔ i sun sɔ̃ɔwɔ ye sɑ ko ko. I de bɛɛn sɑɑru tɑ n sun wukiri sɔ̃ɔ sɔɔ nɡe yɑm wɔ̃kuru. I sun beruo bɛsɛ be bɑ nɑɑ ɡire. I ku sun yibɛrɛbɑ nɔmu bɛriɑ.

⁴I sun mɔɔ bɛsɛ be sɑ kpikiru suumɑ Mɔɑbun di. Kpɑ i n sɑ̃ɑ bɛsɛn kuku yeru be bɑ sun kpeerɑsiɑmɔn sɔ̃. Domi dɑm dɔrebu bu koo kpe. Be bɑ mɑɑ sun kpeerɑsiɑmɔ bɑ koo doonɑ.

⁵Sɑɑ ye sɔɔ, ɡoo u koo yɑri Dɑfidin bweseru sɔɔ Gusunɔn durom sɑɑbu kpɑ u bɑndu di te tɑ ko n sirere kpɑ tu dɑkɑɑ dɑ. U koo tɔmbu kpɑrɑ ɡem sɔɔ, kpɑ u n kpeere u kɑ bu siriɑ dee dee.

⁶Yudɑbɑ bɑ nɛɛ, sɑ Mɔɑbubɑn yɛ̃kɔ kɑ ben tii suɑbun lɑbɑɑri nɔɔmɔ, kɑ ben woo bɔbunu kɑ ben ɡɑri kɑm ɡerubu.

⁷Tɛ̃ bɑ weeweenu mɔ̀ ben tiin sɔ̃, bɑ sumɔ Kiri Hɑresɛtin sɔ̃ ye yɑ bɑnsu kuɑ.

⁸Wee bɑ Hɛsibonin ɡberu kpɑɑnɛbɑ sɑnkɑ. Bwese tukunun sinɑmbu bɑ Sibimɑn resɛmbɑn konu bɔɔrɑ. Resɛm ɡbɑɑ ni, nu tɛrie sere Yɑsɛɛɔ sɔ̃ɔ yɛ̃sɑn nɔm ɡeu ɡiɑ n kɑ dɑ mi ɡɑ̃ɑnu ku rɑ kpin sɔ̃ɔ yɑri yerɔ, kɑ sere nim wɔ̃kun ɡuruɔ sɔ̃ɔ duu yerɔ.

⁹Tɛ̃ wee, nɑ sumɔ Sibimɑn resɛm ɡbɑɑnu kɑ Yɑsɛɛn sɔ̃. Nɑ Hɛsiboni kɑ Eleɑle nɔni yĩresu wisimɔ, domi tɑbu kowobɑ ben ɡbeɑ wɔri bɑ yen dĩɑnu ɡurɑ.

¹⁰Nuku dobu kun mɑɑ wɑ̃ɑ resɛm ɡbɑɑnɔ. Bɑ ǹ mɑɑ womusu mɔ̀ mi. Mɛyɑ bɑ ǹ mɑɑ resɛmbɑ ɡɑmɑmɔ. Nuku dobun kuuki yi kpɑ.

¹¹Nɛn wɑsi yi diirumɔ Mɔɑbun sɔ̃ nɡe mɔrɔku sɛrum. Mɛyɑ nɛn ɡɔ̃ru ɡɑ mɑɑ diirumɔ Kiri Hɑrɛsin sɔ̃.

¹²Mɔɑbubɑ bɑ dɑɑmɔ ɡunɡunu wɔllɔ kɑm sɔɔ. Bɑ dumɔ ben bũu sɑ̃ɑ yerɔ bu kɑ domɑru ko. Adɑmɑ bɑ ǹ somiru wɑsi.

¹³Gɑri yiniwɑ Yinni Gusunɔ u ɡeruɑ yellun di Mɔɑbubɑn sɔ̃.

¹⁴Adɑmɑ tɛ̃, u nɛɛ, wɔ̃ɔ itɑ yɑ̀ n doonɑ kese, bɑ koo wi u bɛɛrɛ bo Mɔɑbuɔ ɡɛm, kɑ sere mɑɑ yen tɔmbu kpuro. Be bɑ koo tiɑ, bɑ ǹ ko n dɑbi, bɑ ǹ mɑɑ bu mɛɛrimɔ ɡɑ̃ɑnu.