Read bariba Esɑi 17 Bible Online

Esɑi 17 - bariba bible

Esɑi 17

¹Yinni Gusunɔ u nɛɛ, wee Dɑmɑsi yɑ ǹ ko n mɑɑ wɑ̃ɑ, yɑ koo kowɑ bɑnsu.

²Bɑ koo Aroɛɛn wusu yɑɑ sɑbenu deriɑ. Miyɑ nu ko n dɑ kpunɛ. Goo mɑɑ sɑri wi u koo nu nɑndɑsiɑ.

³Isirelibɑ bɑ ǹ ko n ɡbɑ̃rɑru mɔ. Mɛyɑ Dɑmɑsi yɑ ǹ ko n mɑɑ sinɑ boko mɔ. Siriɡii be bɑ tie, bɑ ǹ Isirelibɑ bɛɛrɛ kerɑmɔ. Gusunɔ, wɔllu kɑ tem Yinniwɑ u yeni ɡeruɑ.

⁴Sɑɑ ye sɔɔ, Isirelibɑn bɛɛrɛ yɑ koo kɑɑrɑ, kpɑ ben dukiɑ yu doonɑ bu ko sɑ̃ɑrobu.

⁵Ben tem mu ko n sɑ̃ɑ nɡe ɡbee tèn dĩɑnu bɑ ɡɑ̃ bɑ ɡurɑ. Nu ko n sɑ̃ɑwɑ pɑrɑ pɑrɑ nɡe sɑnɑm mɛ bɑ dĩɑnu ɡurɑ Refɑn wɔwɑn di.

⁶Isirelibɑn fiikowɑ yɑ koo tiɑrɑ nɡe dɑ̃ɑ bii ni nu tiɑrɑ sɑnɑm mɛ bɑ dɑ̃ru sirɑ. À n mɛɛrɑ kɑɑ wɑ yiru ǹ kun mɛ itɑ tɔnɑ yɑ tie ten wii kpiirɔ, mɑ nnɛ ǹ kun mɛ nɔɔbu yɑ tie ten kɑ̃ɑsi sɔɔ. Gusunɔ Isirelibɑn Yinniwɑ u yeni ɡeruɑ.

⁷Tɔ̃ɔ te sɔɔ, tɔmbɑ koo ben lɑɑkɑri wesiɑ ben tɑkɑ kowon mi ɡiɑ, kpɑ ben nɔni yi Gusunɔ Isirelibɑn Yinni Dɛɛro wɑ.

⁸Bɑ ǹ mɑɑ ben lɑɑkɑri wesiɑmɔ bũu turɑnun berɑ ɡiɑ, ni ben tii bɑ kuɑ. Bɑ ǹ mɑɑ Asitɑɑten bwɑ̃ɑroku sɑ̃ɑmɔ, kɑ bwɑ̃ɑroku ni bɑ kuɑ sɔ̃ɔn sɔ̃. Domi nu sɑ̃ɑwɑ ben tiin nɔmɑn koorɑ.

⁹Sɑɑ ye sɔɔ, Isirelibɑ bɑ koo ben wuu dɑmɡisu deri, kpɑ su ko bɑnsu nɡe mɛ Amɔrebɑ bɑ ben wusu deri be Isirelibɑn sɔ̃.

¹⁰Wee bɛɛ Isirelibɑ, i Gusunɔ bɛɛn Yinni duɑri wi u bɛɛ fɑɑbɑ kuɑ. I ǹ nùn yɑɑye wi u sɑ̃ɑ bɛɛn kuku yee nɑɑnɛɡiru. Domi wee i dɑ̃ɑ binu duurɑ bũnun sɔ̃.

¹¹Sɑnɑm mɛ i nu duurɑ, i nu kɑrɑ koosi, mɑ nu seewɑ nu kpɛ̃ɑ fuuku, nu wɛ̃su kuɑ. Adɑmɑ sɑnɑm mɛ i ko i nuku dobu ko i nin mɑrum sɔri, i deemɑ ɡɑ̃ɑnu sɑri. Mɑ n kuɑ nɔni swɑ̃ɑ bɑkɑru te tɑ ǹ kpeemɔ.

¹²Annɑ ɑ kukiribu nɔ. Bwese dɑbinu nu burisinɛ mɑ nu kukirimɔ nɡe nim wɔ̃kun nim. Nu wɔki nɡe dɑɑ tèn torɑ yɑ bɔɔbu.

¹³Bɑ kukirimɔ nɡe dɑɑ bɑkɑrun nim. Adɑmɑ Yinni Gusunɔ u bu ɡerusi, mɑ bɑ duki yɑrinɑ n tomɑ, nɡe yɑkɑ si woo ɡɑ suɑ ɡɑ kɑ doonɑ, ǹ kun mɛ, nɡe tuɑ ye woo ɡunɑ yɑ seeyɑ.

¹⁴Ye n kuɑ yokɑ mɑ bɑ bu kpeerɑsiɑ subɑru sɔɔ. Yɑm mu sere sɑ̃rɑ bɑ ǹ mɑɑ wɑ̃ɑ. Nɡe mɛyɑ be bɑ sun wɔrimɔ bu kɑ sun ɡurɑ ben kɔkɔrɔ yɑ ko n sɑ̃ɑ.