Read bariba Esɑi 21 Bible Online

Esɑi 21 - bariba bible

Esɑi 21

¹Gɑri yiniwɑ Yinni Gusunɔ u ɡeruɑ Bɑbilonin sɔ̃. U mɑn kɑ̃si nɑnumɡiru sɔ̃ɔsi. Nɑ wɑ yibɛrɛbɑ bɑ wee sɑɑ tem mɛ bɑ nɑsien di nɡe mɛ woo ɡunɑ yɑ rɑ nɛ sɑɑ sɔ̃ɔ yɛ̃sɑn nɔm dwɑru ɡiɑn di. Wi u rɑ dɑm dɔre, u dɑm dɔrɑmɔ. Wi u rɑ mɑɑ kpeerɑsie, u kpeerɑsiɑmɔ. Elɑmun tɑbu kowobu, i seewo. Mɛdibɑ, i wuu ɡe tɑrusio. Domi Yinni Gusunɔ u derɑ Bɑbiloni ye, yɑ ǹ mɑɑ tɔmbu weeweenu koosimɔ.

³Ye nɑ wɑ kɑ ye nɑ nuɑ kɑ̃si te sɔɔ, yɑ derɑ nɛn tororɑ kɑrɑ. Mɑ wuriribu mɑn wɔri nɡe tɔn kurɔ wi u yiire u kĩ u mɑ. Tirerɑbu derɑ nɑ ǹ mɑɑ ɡɑri nɔɔmɔ. Mɑ diiribu derɑ nɑ ǹ yɑm wɑɑmɔ.

⁴Nɛn lɑɑkɑri yɑ burisinɑ, mɑ nɑ diirimɔ bɛrum sɔ̃. Yokɑ yè sɔɔ nɑ nuku dobu yĩiyɔ, ye sɔɔrɑ bɛrum mɑn deemɑ.

⁵Kɑ̃si te sɔɔ, nɑ mɑɑ wɑ bɑ dĩɑnu yii bɑ kɔnnɔ kɔsu, bɑ dimɔ bɑ nɔrumɔ. Yerɑ ɡoo u nɛɛ, i seewo tɑbu sinɑmbu, i bɛɛn tɛrɛnu ɡum tɛɛni.

⁶Mɑ Yinni Gusunɔ u mɑn sɔ̃ɔwɑ u nɛɛ, n doo n wuu kɔ̃so yi kpɑ u mɑn sɔ̃ ye u koo wɑ.

⁷Mɑ nɑ kuɑ mɛ. Yerɑ u mɑɑsɔbu wɑ bɑ sĩimɔ yiru yiru. Gɑbu bɑ kɛtɛkunu sɔni, ɡɑbu mɑɑ yooyoosu. Mɑ u ye kpuro mɛɛrɑ kɑ lɑɑkɑri.

⁸Yerɑ wuu kɔ̃so wi, u ɡbɑ̃rɑ nɡe ɡbee sunɔ u nɛɛ, ɡbɑ̃rɑ kɔnnɔ miyɑ u yɔ̃ sɑɑ kpuro, sɔ̃ɔ sɔɔ kɑ wɔ̃kuru.

⁹Mɑ u mɑɑsɔbu wɑ bɑ sĩimɔ yiru yiru. Mɑ u wɑ Bɑbiloni yɑ wɔrumɑ birem. Mɑ bwɑ̃ɑroku ni bɑ kuɑ ben bũnun sɔ̃ nu wɔrukɑ temɔ nu bɔɔkirɑ.

¹⁰Bɛɛ nɛn tɔmbu Isirelibɑ, bɛɛ be bɑ so nɡe dobi doo soo yerɔ, yeniwɑ nɑ nuɑ Gusunɔ bɛɛn Yinnin min di, wi, wi u sɑ̃ɑ wɔllu kɑ tem Yinni. Yerɑ nɑ bɛɛ ye nɔɔsiɑmɔ.

¹¹Wee ye Yinni Gusunɔ u mɑn sɔ̃ɔsi Edɔmun sɔ̃. Nɑ nɔɔ ɡɑɡu nuɑ Seirin di ɡɑ nɛɛ, wuu kɔ̃so, sɑɑ yerɑ̀ wɔ̃kuru tɑ koo kpe.

¹²Mɑ wuu kɔ̃so u wisɑ u nɛɛ, bururu tɑ koo nɑ, yen biru wɔ̃kuru tɑ koo mɑɑ nɑ. Ì n kĩ i mɑɑ mɑn ɡɑri bikiɑ, i wurɑmɑ i bikiɑ.

¹³Wee ye Yinni Gusunɔ u ɡeruɑ Dɑɑrububɑn tem sɔ̃. Dedɑniɡibu, i doo i n wɑ̃ɑ yɑkɑsu sɔɔ wɔ̃kuru.

¹⁴Bɛɛ be i wɑ̃ɑ Temɑɔ i kɑ be nim nɔru ɡɑ mɔ̀ nim dɑɑwo, kpɑ i kɑ kpikobu dĩɑnu dɑɑwɑ.

¹⁵Domi tɑbu swĩɑ mɑ tɔmbɑ duki mɔ̀ tɑkobi kɑ tɛndun sɔ̃.

¹⁶Wee ye Yinni Gusunɔ u mɑn sɔ̃ɔwɑ. U nɛɛ, kɑm kɑm wɔ̃ɔ tiɑn biru kese, u koo Kedɑɑn bɛɛrɛ kpuro kpeerɑsiɑ.

¹⁷Ben tɛn towo wɔruɡɔbɑ sɔɔ, fiikowɑ yɑ koo tiɑrɑ. Gusunɔ, Isirelibɑn Yinniwɑ u yeni ɡeruɑ.