Read bariba Esɑi 27 Bible Online

Esɑi 27 - bariba bible

Esɑi 27

¹Tɔ̃ɔ te sɔɔ, Yinni Gusunɔ u koo wɑɑ kɔ̃sɑ ye yɑ dukɑ mɔ sɛɛyɑsiɑ kɑ win tɑkobi dɑmɡiɑ ye yɑ kpɑ̃, kpɑ u yɑɑ kɔ̃sɑ ye ɡo, ye yɑ wɑ̃ɑ nim wɔ̃ku sɔɔ.

²Yen tɔ̃ɔ te, Yinni Gusunɔ u koo womu ko win resɛm ɡbɑɑrun sɔ̃, te tɑ bii ɡeenu mɑrumɔ, u nɛɛ,

³nɛ, Yinni Gusunɔwɑ nɑ tu nɔɔrimɔ. Nɛnɑ nɑ tu nim yɛ̃kɑmɔ sɑɑ kpuro. Nɑ tu kɔ̃su sɔ̃ɔ sɔɔ kɑ wɔ̃kuru, ɡoo u ku rɑɑ kɑ tu wɔri u mwɑ.

⁴Nɑ ǹ mɑɑ kɑ nɛn resɛm ɡbɑɑ te mɔru sɑ̃ɑ. Adɑmɑ nɑ̀ n sɑ̃ki kɑ ɑwĩi wɑ mi, kon yi wɔriwɑ n dɔ̃ɔ mɛni,

⁵mɑ n kun mɔ yi mɑn kuɑ yin kuku yeru, mɑ yi kɑ mɑn nɔɔ tiɑ kuɑ. Yì n kuɑ mɛ, kon yi deri.

⁶Sɑɑ ɡɑɑ sisi yè sɔɔ Isirelibɑ bɑ koo ɡbini ɡirɑ bu kɛri ko nɡe dɑ̃ɑ, bu wɛ̃su ko bu mɑ kpɑ ben binu nu hɑnduniɑ yibu.

⁷Yinni Gusunɔ u ǹ bu sɛɛyɑsie nɡe mɛ u ben yibɛrɛbɑ sɛɛyɑsiɑ. U ǹ mɑɑ bu ɡo nɡe mɛ u ben yibɛrɛbɑ ɡo.

⁸U bu sɛɛyɑsiɑwɑ sɑkɑ sɔɔ. U derɑ yibɛrɛbɑ bɑ nɑ nɡe sɔ̃ɔ yɑri yerun woo dɑmɡuu, bɑ bu ɡurɑ bɑ kɑ doonɑ.

⁹Nɡe mɛyɑ u kɑ Isirelibɑn durum wɔkɑ. Wee ye n koorɑ yen biru. U ben bũu turɑnu ɡɔsiɑ torom. Bɑ ǹ mɑɑ Asitɑɑten bwɑ̃ɑrokunu kɑ sɔ̃ɔɡinu seeyɑmɔ.

¹⁰Ben wuu dɑmɡuu ɡe, ɡɑ kuɑ bɑnsu, bɑ ɡu deri. Miyɑ n kuɑ yɑɑ sɑbenun kpɑrɑ yeru kɑ nin kpin yeru. Mɑ nu kiku si su tiɑrɑ dimɔ.

¹¹Dɑ̃ɑ yɑ̀ n ɡberɑ bɑ rɑ ye bɔɔriwɑ kpɑ tɔn kurɔbu bu kɑ doo ko. Wee nɛn tɔn be, bɑ ǹ bwisi mɔ. Yen sɔ̃nɑ Yinni Gusunɔ wi u bu tɑkɑ kuɑ u ǹ bu wɔnwɔndu kue, u ǹ mɑɑ bu durom kue.

¹²Sɑɑ ɡɑɑ sisi yè sɔɔ Yinni Gusunɔ u koo bɛɛ Isirelibɑ sirɑ nɡe dɑ̃ru, kpɑ bu bɛɛ dɔbiri tiɑ tiɑ sɑɑ Efɑrɑtin dɑɑrun di n kɑ ɡirɑri Eɡibitin dɑɑrɔ.

¹³Yen tɔ̃ɔ te, bɑ koo kɔbi bɑkɑ so kpɑ be bɑ rɑɑ yoru mwɛɛrɑ bɑ woo Asiriɔ kɑ be bɑ kpikiru dɑ Eɡibitiɔ bu wurɑmɑ. Kpɑ bu yiirɑ bu Yinni Gusunɔ sɑ̃ ɡuu dɛɛrɑ ten mi, Yerusɑlɛmuɔ.