Read bariba Esɑi 28 Bible Online

Esɑi 28 - bariba bible

Esɑi 28

¹Bɔ̃rurɑ Sɑmɑri ye yɑ sɑ̃ɑ nɡe sinɑ furɔ ɡe Efɑrɑimubɑ bɑ kɑ tii sue. Yɑ wɔwɑ tuke ye yɑ tem ɡem mɔ. Mɑ yɑ sɑ̃ɑ yen burɑru nɡe dɑ̃ɑ wɛ̃ɛ si tɔmbɑ rɑ doke wirɔ bɑ kɑ tɑm ɡoore.

²Wee tɛ̃, Yinni Gusunɔ u ɡoo sɔɔru kuɑ wi u dɑm mɔ u kɑ ye wɔri. Win dɑm mu sɑ̃ɑwɑ nɡe ɡuru kpenu, ǹ kun mɛ nɡe woo bɔkɔ ɡe ɡɑ rɑ ɑsɔrɔ ko, ǹ kun mɛ nɡe ɡuru bɑkɑ. U koo wuu ɡe surɑwɑ temɔ.

³Wuu ɡe, ɡe Efɑrɑimubɑ bɑ kɑ tii sue mi, ɡɑ wɔrɑ bɑ tɑɑkumɔ,

⁴nɡe dɑ̃ɑ wɛ̃ɛ si su dɛllɑ. Gɑ sɑ̃ɑwɑ nɡe dɑ̃ɑ mɑrum mɛ mu yellu ye, mɑ bɑ yɑnde sɔrɑ bɑ di.

⁵Sɔ̃ɔ teeru, Yinni Gusunɔ Dɑm kpuroɡiin tiiwɑ u koo bɑndu di kpɑ u n sɑ̃ɑ win tɔn be bɑ tiɑn sinɑ furɔ burɔ kɑ ben burɑru.

⁶U koo siri kowobu kpɑrɑ bu kɑ siri dee dee. Mɛyɑ u ko n mɑɑ sɑ̃ɑ ben dɑm bu kɑ yibɛrɛbɑ nɑɑ ɡirɑ sere ben wuun ɡbɑ̃rɑrun kɔnnɔwɔ.

⁷Adɑmɑ tɛ̃, bɑɑ kɑ Gusunɔn sɔmɔbu kɑ yɑ̃ku kowobu, tɑm bɔɔbɔm mu bu tirekirɑmɔ mɑ bɑ bɑ̃ɑrimɔ mɛn sɔ̃, sere Gusunɔn sɔmɔbu bɑ ǹ mɑɑ win ɡɑri mɔ̀ dee dee. Yɑ̃ku kowobun tii bɑ ǹ mɑɑ kpɛ̃ bu siri dee dee.

⁸Ben dii yenɔ ɑye dɛɛrɑru sɑri. Siɑnu kɑ kubɑnɑ nu yibɑ mi.

⁹Bɑ ɡerumɔ bɑ mɔ̀, wɑrɑ nɑ kĩ n keu sɔ̃ɔsi. Wɑrɑ u koo kɑ nɛn ɡɑri sɔmburu ko, mɑ n kun mɔ bii wi bɑ bɔm kɑrɑ.

¹⁰Bɑ mɔ̀, nɑ bu keu mɔ̀ tɛɛru. Nɑ bu woodɑ wɛ̃ɛmɔ tiɑ tiɑ. Nɑ yen wiru kɑ nɑɑsu tubusiɑmɔ nɡe wi u bii piiminu keu sɔ̃ɔsimɔ.

¹¹Yen sɔ̃ tɛ̃, Gusunɔ u koo de ɡoo u kɑ bu ɡɑri ko kɑ bɑrum tukum mɛ bɑ ǹ nɔɔmɔ.

¹²Domi u bu sɔ̃ɔwɑ bu de wi u wɑsirɑ u wɛ̃rɑ. Wɛ̃rɑ yerɑ mɑɑ wɑ̃ɑ mi, ɑdɑmɑ bɑ ǹ kĩ bu win ɡɑri wurɑ.

¹³Yen sɔ̃nɑ win woodɑ ko n bu sɑ̃ɑwɛ bii sɔ̃ɔsiru te bɑ sɔ̃ɔsimɔ tɛɛru tɛɛru, tiɑ tiɑ. Kɑ mɛ, bɑ koo sokurɑ bu wɔrumɑ bu bɔɔkirɑ, kpɑ bu yinɑ mwɑɑrɑ.

¹⁴Tɛ̃ bɛɛ yɑɑko kowobu, bɛɛ be i Yerusɑlɛmuɡibu dɑm dɔremɔ, i swɑɑ dɑkio i nɔ ye Yinni Gusunɔ u ɡerumɔ.

¹⁵Bɛɛ be i ɡerumɔ i mɔ̀, wee i kɑ ɡɔɔ kɑ ɡɔribun wɑ̃ɑ yeru ɑrukɑwɑni bɔkuɑ. Bɑɑ wɑhɑlɑ yɑ̀ n tunumɑ yɑ bɑndɑ, yɑ ǹ bɛɛ turi. Adɑmɑ i n yɛ̃ mɑ weesɑ su kuɑ bɛɛn kuku yeru.

¹⁶Yen sɔ̃nɑ Yinni Gusunɔ u nɛɛ, wee u kperu swĩi Siɔniɔ, tɑ kuɑ win kpɛɛkpɛɛku. Kpee te, tɑ sɑ̃ɑwɑ kpee ɡobiɡiru te u ɡɔsɑ, tɑ kuɑ ɡɑni ɡɔmburun dɑm. Wi u tu kuɑ win tɑ̃si yeru u ǹ wɔrumɑmɔ.

¹⁷Wee, u ɡem nɛni nɡe bɑnɔbun wɛ̃ɛ yi bɑ rɑ kɑ diru yĩire, ǹ kun mɛ ben nifo ye bɑ rɑ kɑ ɡɑnɑn sikirɑbu mɛɛri. Guru kpenu nu koo wee si kpuro kɔsuku si su kuɑ bɛɛn kuku yeru mi. Nim bɑkɑm mu koo su mwɛ.

¹⁸Bɛɛn ɑrukɑwɑni ye i rɑɑ kɑ ɡɔɔ bɔkuɑ yɑ koo kɑm ko. Kpɑ ye i rɑɑ kɑ ɡɔribun wɑ̃ɑ yeru bɔkuɑ yɑ kun mɑɑ wɑ̃ɑ. Yibɛrɛbɑ bɑ̀ n bɛɛ wɔri bɑ ɑsɔrɔ kuɑ bɑ koo bɛɛ tɑɑkuwɑ.

¹⁹Bɑ ko n bɛɛ tɑɑkumɔwɑ sɑɑ kpuro nɡe mɛ̀n nɔɔ bɑ sɑrɑmɔ. Domi bɑ ko n dɑ sɑrewɑ bururu bɑɑtere kɑ mɑɑ sɔ̃ɔ sɔɔ kɑ wɔ̃kuru, kpɑ i bɛrum soorɑ ì n ben lɑbɑɑri nuɑ.

²⁰Nɡe mɛ bɑ rɑ ɡere, bu nɛɛ, kpin yerɑ kun dɛ̃ɛbu turi ɑ kɑ tii dɛmiɑ. Bekurɑ kun mɑɑ yɑsum turi ɑ kɑ wukiri.

²¹Domi Yinni Gusunɔ u koo tɑbu ko nɡe mɛ u rɑɑ kuɑ Perɑsimun ɡuurɔ. U koo mɔru bɑrɑ nɡe mɛ u rɑɑ kuɑ Gɑbɑonin wɔwɑɔ, u kɑ win sɔm mɑɑmɑɑkiɡiɑ sɔ̃ɔsi ye bɑ ǹ wɑɑre.

²²Tɛ̃, i ku mɑɑ de i n wɑ̃ɑ yɑɑko kookoosu sɔɔ, kpɑ bu ku rɑɑ mɑɑ bɛɛ nɔni swɑ̃ɑru sosiɑ. Domi nɑ nuɑ mɑ Gusunɔ, wɔllu kɑ tem Yinni, u himbɑ yi u kɑ tem mɛ kpuro kpeerɑsiɑ.

²³I swɑɑ dɑkio i nɔ. I swɑɑ tem kpĩiyɔ i nɛn ɡɑri nɔ.

²⁴Wi u ɡbɑɑru kɔrɑmɔ u kɑ dĩɑnu duure u ku rɑ n kɔrɔ tɔnɑ mɔ̀ u n dɔɔ bɑɑdommɑ.

²⁵Ù n kɔrɑ u kpɑ, u rɑ mi dĩɑ bwese bwesekɑ duurewɑ bɛɛru kɑ bɛɛru. Kpɑ u mɑɑ dĩɑnu ɡɑnu duure nɛnɛm ɡbɑɑ ten ɡoorɔ.

²⁶Gusunɔ wi u sɑ̃ɑ win Yinni wiyɑ u nùn bwisi kɑ̃. U nùn yen kpunɑɑ sɔ̃ɔsi.

²⁷U ku rɑ dobi so kɑ tebo, u rɑ yi sowɑ kɑ bokuru. U ku rɑ mɔri so kɑ dɑm, u rɑ yi sowɑ kɑ boku piibu.

²⁸U rɑ ɑlikɑmɑ sure, ɑdɑmɑ u yen sɑkɑ yɛ̃ yu ku kɑ munkirɑ.

²⁹Yenin tii yɑ weewɑ Gusunɔ, wɔllu kɑ tem Yinnin min di. Win bwisi kɛ̃ru tɑ sɑ̃ɑwɑ mɑɑmɑɑki. Win lɑɑkɑri yɑ mɑɑ kpɑ̃.