Read bariba Esɑi 29 Bible Online

Esɑi 29 - bariba bible

Esɑi 29

¹Ariɛli, Ariɛli, wunɛ wi bɑ mɔ̀ Yerusɑlɛmu, mi Dɑfidi u win wɑ̃ɑ yeru kuɑ, ɑ sɑ̃ɑwɑ bɔ̃rurɑ. A n wunɛn wɔ̃ɔ kɑ wɔ̃ɔ tɔ̃ɔ bɑkɑ ni mɔ̀ ɑ n dɔɔ.

²Adɑmɑ kon nun wɔri, kpɑ wuri kɑ weeweenu nu nɔɔrɑ wunɛ sɔɔ, kpɑ ɑ ko nɡe nɛn yɑ̃ku yeru.

³Kon de tɑbu kowobu bu nun tɑrusi, kpɑ bu ben tɑbu sĩɑ yi yi bu kɑ nun sikerenɑ.

⁴Bɑ koo nun surɑ. Kɑɑ ɡɑri ɡerumɑ tem di, ɑdɑmɑ tuɑ kun derimɔ yi yɑri. Wunɛn nɔɔ ɡɑ koo nɔɔrɑ nɡe siinin nɔɔ. Tuɑn diyɑ bɑ ko n ɡu nɔɔmɔ kutu kutu.

⁵Wunɛn yibɛrɛbɑ bɑ ko n dɑbiwɑ nɡe tuɑ, kpɑ bɑ n pusɑ nɡe doo dirisu.

⁶Adɑmɑ subɑru sɔɔ Gusunɔ, wɔllu kɑ tem Yinni u koo nɑ u bu sɛɛyɑsiɑ kɑ ɡuru ɡbɑ̃sukubu kɑ tem yĩirubu, kɑ wɔki bɑkɑnu kɑ woo ɡunɑ kɑ ɡuru woo bɔkɔ, kɑ sere mɑɑ dɔ̃ɔ boko,

⁷kpɑ tɑbu kowo dɑbi te, te tɑ nun wɔri mi, tɑ wunɛn ɡbɑ̃rɑru tɑrusi, tu doonɑ nɡe dosu.

⁸Nɡe mɛ wi ɡɔ̃ɔrɑ mɔ̀ u rɑ dosi u nɛɛ, u dimɔ, ɑdɑmɑ ù n dom yɑndɑ kpɑ u deemɑ nukurɔ ɡɑ̃ɑnu sɑri. Ǹ kun mɛ nɡe mɛ wi nim nɔru ɡɑ mɔ̀ u rɑ dosi u nɛɛ, u nim nɔrumɔ, ɑdɑmɑ ù n dom yɑndɑ kpɑ win ɡɔ̃ru ɡɑ n ɡbere, u n wɑsire, nɡe mɛyɑ tɑbu kowo be, bɑ ko n sɑ̃ɑ be bɑ koo nɑ bu Siɔnin ɡuu te wɔri.

⁹I biti sooro, kpɑ i nɔni yimɛ i ko nɡe wɔ̃kobu. Wee i sɑ̃ɑre i tɑm ɡoore, ɑdɑmɑ i ǹ tɑm nɔrɑ. I bɑ̃ɑrimɔ, ɑdɑmɑ n ǹ tɑm bɔɔbɔm sɔ̃.

¹⁰Domi Yinni Gusunɔ u bɛɛn lɑɑkɑri sikɑrisiɑ, u win sɔmɔbu kɑ bɛɛn sɔrobun nɔni wɔ̃kuɑ.

¹¹Gɑri yini kpuro yi ko n bɛɛ sɑ̃ɑwɛwɑ nɡe tire te bɑ wukiri bɑ yĩreru koosi. Mɑ bɑ tu ɡoo wɛ̃ wi u ɡɑribu yɛ̃ bɑ nɛɛ, u tu ɡɑrio. Mɑ u wisɑ u nɛɛ, u ǹ kɑ̃kɔ u tu ɡɑri, domi bɑ tu yĩreru koosiwɑ.

¹²Ǹ kun mɛ nɡe tire te bɑ ɡoo wɛ̃ wi u kun ɡɑribu yɛ̃, bɑ nɛɛ, u tu ɡɑrio. Mɑ u wisɑ u nɛɛ, u ǹ ɡɑribu yɛ̃.

¹³Yinni Gusunɔ u nɛɛ, bwese teni tɑ̀ n nùn sɑ̃ɑmɔ, nɔɔwɑ tɑ rɑ kɑ nùn bɛɛrɛ wɛ̃. Ben ɡɔ̃ru ɡɑ kɑ nùn tomɑ. Tɔmbun woodɑ kɑ ben sɔ̃ɔsinɑ bɑ swĩi, bɑ kɑ nùn sɑ̃ɑmɔ.

¹⁴Yen sɔ̃nɑ u koo de bu biti soorɑ kɑ sɔm mɑɑmɑɑkiɡinu. U koo de ben lɑɑkɑriɡibun lɑɑkɑri yu kɑm ko. Kpɑ ben bwisiɡibun bwisi yi kpe.

¹⁵Bɔ̃rurobɑ bɛɛ be i rɑ bɛɛn himbɑ Yinni Gusunɔ berue, kpɑ i n bɛɛn kookoosu mɔ̀ yɑm wɔ̃kuru sɔɔ, kpɑ i n ɡerumɔ i n mɔ̀ wɑrɑ u bɛɛ wɑɑmɔ, nɡe wɑrɑ u bɛɛ yɛ̃.

¹⁶Dɑɑ kɔ̃sɑɡibu bɛɛ! Bɑ ku rɑ mɔmɔ ɡɑrisi nɡe sɔndu. Tem mɔndu tɑ ǹ kpɛ̃ tu mɔmɔ sɔ̃ tu nɛɛ, n ǹ wi, u tu kuɑ, ǹ kun mɛ tu nùn sɔ̃ tu nɛɛ, u ǹ bwisi mɔ.

¹⁷Sɑɑ fiiko sɔɔ, Libɑni yɑ koo ɡɔsiɑ dɑ̃ɑ ɡbɑɑru kpɑ tɑ n sɑ̃ɑ nɡe dɑ̃ɑ sɔ̃ɔ.

¹⁸Sɑɑ ye sɔɔ, sosobu bɑ koo tire ten ɡɑri nɔ. Wɔ̃kobu bɑ koo yɑm wɑ, kpɑ bu yɑri yɑm wɔ̃kurun di.

¹⁹Nɛ, Yinni Gusunɔ, kon de wɔnwɔndobu bɑ n yɛ̃ɛrimɔ bɑ n dɔɔ, kpɑ sɑ̃ɑrobu bu nuku dobu ko, nɛ, Isirelibɑn Yinni dɛɛron sɔ̃.

²⁰Domi be bɑ rɑ tɔmbu dɑm dɔre kɑ tɔn yɑɑko kowobu bɑ koo kpe, kpɑ kɔ̃sɑn kowobu bɑ kun mɑɑ wɑ̃ɑ.

²¹Kon mɑɑ be bɑ rɑ tɔmbu tɑɑrɛ wɛ̃ siri yerɔ kpeerɑsiɑ, kɑ be bɑ rɑ tɔmbu yinɑ bɛrie be bɑ kɑ tii yinɑmɔ, kɑ be bɑ rɑ ɡemɡii win ɡem bire siri yerɔ.

²²Yen sɔ̃nɑ nɛ, Yinni Gusunɔ, nɛ wi nɑ Aburɑhɑmu yɑkiɑ, nɑ win debubu Isirelin yɛnuɡibu sɔ̃ɔwɑ nɑ nɛɛ, tɛ̃, bɑ ǹ mɑɑ sekuru wɑsi. Mɛyɑ ben wuswɑɑ kun mɑɑ burisinɑmɔ.

²³Domi sɑnɑm mɛ ben bibu bɑ koo nɛn nɔmɑn sɔmɑ wɑ, ye nɑ kuɑ ben suunu sɔɔ, bɑ koo nɛn yĩsiru bɛɛrɛ wɛ̃, kpɑ bu mɑn nɑsiɑ, nɛ, Gusunɔ ben Yinni dɛɛro.

²⁴Bèn bwisikunu nu rɑɑ tondɔ, bɑ koo bwisi wɑ. Be bɑ ku rɑ rɑɑ mɑɑ ɡɑri wure, bɑ koo ɡɑri wurɑ.