Read bariba Esɑi 3 Bible Online

Esɑi 3 - bariba bible

Esɑi 3

¹Esɑi u nɛɛ, Gusunɔ, wɔllu kɑ tem Yinni, u koo Yerusɑlɛmuɡibu kɑ Yudɑbɑ kpuron ɑrumɑni kpeerɑsiɑ. Bɑ ǹ mɑɑ dĩɑnu kɑ nim wɑsi. Bɑ ǹ mɑɑ somiru ɡɑru wɑsi ɡɑm di.

²Domi u koo ben tɑbu durɔ dɑmɡibu kɑ ben tɑbu kowobu wunɑ u ɡo, kɑ ben siri kowobu kɑ ben sɔrobu kɑ ɡuro ɡurobu kɑ be bɑ sɑ̃ɑ tɑbu kowobu weerɑɑkuukuubun wiruɡibu kɑ ben sinɑ ɑsɑkpɔbu kɑ ben bwisi kɛ̃ɔbu kɑ ben nɔmɑn sɔm kowo kpokobɑ kɑ ben timɡii ɡisonkobɑ kɑ mɑm wi, Gusunɔn sɔmɔbun tii.

⁴U koo de ɑluwɑɑsibɑ bɑ n bu kpɑre nɡe mɛ bɑ kɑ kĩ.

⁵Tɔmbɑ koo dɑm dɔrenɑ. Aluwɑɑsibɑ bɑ koo durɔ tɔkɔnu seesi, kpɑ ɡɑru ko sɑribɑ bu dɑmɡibu nɔni du.

⁶Sɑɑ ye sɔɔ, tɔnu u koo win wɔnɔ sɛ̃re u nɛɛ, wunɛ ɑ yɑ̃nu mɔ. Yen sɔ̃, ɑ koowo bɛsɛn yɛnu yɛ̃ro, kpɑ ɑ bɛsɛn yɛnu seeyɑ.

⁷Adɑmɑ u koo nùn wisi u nɛɛ, nɑ ǹ yen tim mɔ. Dĩɑnu sɑri yɛnu ɡe sɔɔ, yɑ̃nu mɑɑ sɑri mi. A ku mɑn ko bɛɛn yɛnu yɛ̃ro.

⁸Esɑi u mɑɑ nɛɛ, Yerusɑlɛmu yɑ bɑ̃ɑrimɔ, mɑ Yudɑ yɑ wɔrukumɔ yèn sɔ̃ bɑ Yinni Gusunɔ seesi kɑ ben ɡɑri kɑ ben kookoosu. Bɑ ǹ win bɛrum mɔ.

⁹Ben kookoosu su ben dɑɑn seedɑ dimɔ. Ben dɑɑ kɔ̃sɑ kun beruɑ. Bɑ ye mɔ̀ bɑtumɑ sɔɔ nɡe Sodomuɡibu. Bɔ̃rurobɑ bɑ sɑ̃ɑ, domi bɔ̃riyɑ bɑ tii sɔɔru kuɑmmɛ mi.

¹⁰A ɡemɡii sɔ̃ɔwɔ mɑ u koo kuurɑ. U koo win sɔmburun ɑre wɑ.

¹¹Adɑmɑ bɔ̃rurowɑ wi u nuku kɔ̃suru mɔ. U ko n wɑ̃ɑwɑ nuku sɑnkirɑnu sɔɔ, domi win sɔmburun ɑreyɑ u koo wɑ.

¹²Aluwɑɑsibɑ bɑ Yinni Gusunɔn tɔmbu dɑm dɔremɔ. Mɑ tɔn kurɔbu bɑ sɑ̃ɑ ben yinnibu. Be bɑ bu kpɑre bɑ bu torɑsiɑmɔ. Bɑ ben swɑɑ ɡo ye bɑ rɑɑ swĩi.

¹³Yinni Gusunɔ u nɑ u yɔ̃ u kɑ win tɔmbu siri.

¹⁴U win siribu toruɑ kɑ win tɔmbun ɡuro ɡurobu, kɑ ben wiruɡibu. U nɛɛ, i tɔmbun dĩɑnu wɔrɑ mɑ i ye i sɑ̃ɑrobu mwɑɑri yii bɛɛn yɛnusɔ.

¹⁵Mbɑn sɔ̃nɑ i nɛn tɔmbu dɑm dɔremɔ, mɑ i sɑ̃ɑrobu tɑki dimɔ. Nɛ, Yinni Gusunɔ, wɔllu kɑ tem Yinniwɑ nɑ yeni bikiɑmɔ.

¹⁶Yinni Gusunɔ u mɑɑ nɛɛ, wee Yerusɑlɛmun tɔn kurɔbu bɑ tii sue. Mɑ bɑ sĩimɔ bɑ yɛ̃kɔ mɔ̀, bɑ wĩinu dɛmiɛ. Bɑ ǹ sekuru mɔ, bɑ ben nɑɑsun sumi soonɑmɔ.

¹⁷Yen sɔ̃nɑ kon de bu ko wii kpɑrɑnuɡibu, kpɑ n bu terenu yɔ̃su.

¹⁸Sɑɑ ye sɔɔ, kon ben burɑ yɑ̃nu kpuro wunɑ. Niyɑ ben nɑɑsun sumi kɑ ben serin burɑ yɑ̃nu kɑ ben sɑbɑbɑ yi yi kɑ suru kɛ̃kɑ weenɛ,

¹⁹kɑ ben swɑɑ tonkunu, kɑ ben sumi kɑ ben sɔnditii,

²⁰kɑ yɑsi, kɑ yɔni yi bɑ doke nɑɑsɔ kɑ ben sɛ̃kɑtii, kɑ ben yɔrɔmɑnnin bɔki,

²¹kɑ ben tɑɑbu nɔmɑɡinu kɑ wɛ̃ruɡinu,

²²kɑ ben yɑ̃ɑ ɡobiɡinu, kɑ yɑbe bɑkɑnu kɑ ben bɔɔnu,

²³kɑ diɡibɑ, kɑ yɑ̃ɑ ni nu ǹ sinum mɔ, kɑ yɑsi, kɑ sere sɔnditii.

²⁴Bɑ ǹ mɑɑ turɑren nuburu nɔɔmɔ mɑ n kun mɔ nubu kɔ̃suru. Bɑ ǹ mɑɑ sɛ̃kɑtii sɛ̃kemɔ mɑ n kun mɔ wɛ̃ɛ. Bɑ ǹ mɑɑ seri wɑsi wirɔ bu tɑri. Wii pɔnnɑ bɑ ko n mɔ. Bɑ ǹ mɑɑ yɑbe bɑkɑnu sebumɔ sere sɑɑkibɑ nuku sɑnkirɑnun sɔ̃. Ben burɑm kun mɑɑ sɔ̃ɔsirɑmɔ. Sekurɑ bɑ koo wɑ.

²⁵Bɑ koo Yerusɑlɛmun tɔmbu kɑ yen tɑbu durɔbu ɡo tɑbu sɔɔ.

²⁶Tɔmbɑ koo wuri ko bu ɡɔɔ swĩ yen ɡbɑ̃rɑ kɔnnɔwɔ nɡe tɔn kurɔ wi bɑ wɔri bɑ win yɑ̃nu ɡurɑ mɑ u sɔ̃ temɔ.