Read bariba Esɑi 33 Bible Online

Esɑi 33 - bariba bible

Esɑi 33

¹Bɔ̃rurobɑ bɛɛ, bɛsɛn yibɛrɛbɑ. Domi i tɔmbu wɔri i ben yɑ̃nu ɡurɑ mɑ i kɑ bu murɑfitiru kuɑ, bɑɑ mɛ bɑ ǹ bɛɛ yen ɡɑɑ kuɑre. Yen sɔ̃, ì n tɔmbu wɔri i kpɑ, i ben yɑ̃nu ɡurɑ, bɑ koo mɑɑ bɛɛ kuɑ nɡe mɛ. Mɛyɑ sɑɑ ye i bu murɑfitiru kuɑ i kpɑ, bɑ koo mɑɑ bɛɛ murɑfitiru kuɑ.

²Yinni Gusunɔ, ɑ bɛsɛn wɔnwɔndu wɑɑwo, wunɑ sɑ yĩiyɔ. A de ɑ n sɑ̃ɑ bɛsɛn dɑm bururu bɑɑtere. Kpɑ ɑ sun fɑɑbɑ ko sɑnɑm mɛ sɑ wɑ̃ɑ nɔni swɑ̃ɑru sɔɔ.

³Yibɛrɛbɑ bɑ̀ n wunɛn nɔɔ dɑmɡuu nuɑ, bɑ koo duki yɑkikirɑ. À n mɑɑ seewɑ bɑ koo yɑrinɑ.

⁴Tɔmbɑ koo ben yɑ̃nu wɔri bu ɡurɑ nɡe mɛ twee yi rɑ tem wukiri yi dĩɑnu kpuro di.

⁵Yinni Gusunɔ u kpɑ̃, domi u wɑ̃ɑ wɔllɔ. U koo de win ɡem mu n yibɑ Siɔni kpuro sɔɔ.

⁶Yinni Gusunɔ, kɑɑ de Siɔniɡibu bɑ n wɑ̃ɑ bɔri yɛndu sɔɔ, kpɑ bɑ n bwisi kɑ lɑɑkɑri mɔ ye yɑ koo de bu fɑɑbɑ wɑ. Wunɛn nɑsiɑrɑ tɑ sɑ̃ɑ ben ɑrumɑni.

⁷Adɑmɑ tɛ̃, wee tɑbu durɔbu bɑ kuuki mɔ̀, bɑ fɑɑbɑ kɑnɑmɔ. Be bɑ ɡɔrɑ bu kɑ yibɛrɛbɑ suuru kɑnɑ bu nɔɔ tiɑ ko bɑ kpɑnɑ, bɑ wuri mɔ̀.

⁸Tɔmbu bɑ ku rɑ mɑɑ sĩ swɛɛ sɔɔ. Domi yibɛrɛbɑ bɑ ben ɑrukɑwɑni kusiɑ. Bɑ ǹ mɑɑ ben seedɑɡibu yɛ̃. Bɑ ǹ mɑɑ ɡoon bɛɛrɛ yɛ̃.

⁹Wee tɔmbu bɑ ben ɡbeɑ deri. Libɑnin dɑ̃ɑ sɔ̃su su ɡberɑmɔ. Mɑ Sɑronin tem ɡem mu kuɑ yɑni sɛɛri. Bɑsɑnin berɑ ɡiɑ kɑ ɡuu te bɑ mɔ̀ Kɑɑmɛliɔ dɑ̃nun wurusu dɛllɑmɔ.

¹⁰Yinni Gusunɔ u bwese tukunu sɔ̃ɔwɑ u nɛɛ, yen sɔ̃ tɛ̃, kon se n yɔ̃rɑ, kpɑ n sɔ̃ɔsi nɡe mɛ nɑ kpɑ̃ɑru nɛ.

¹¹Domi bɛɛn bwisikunu nu sɑ̃ɑwɑ nɡe yɑkɑ bii yi bɑ duurɑ. Nù n koorɑ, nu koo kɑm kowɑ nɡe yɑkɑ si. Nɛn wɛ̃siɑru tɑ ko n sɑ̃ɑwɑ nɡe dɔ̃ɔ wi u koo bɛɛ mwɑ,

¹²kpɑ i ɡɔsirɑ nɡe kuku ni bɑ dɔ̃ɔ mɛni, ǹ kun mɛ nɡe sɑ̃ki yi bɑ bɔɔrɑ bɑ dɔ̃ɔ doke.

¹³Bɛɛ be i tomɑ kɑ bɛɛ be i wɑ̃ɑ turuku, i swɑɑ dɑkio i nɔ ye nɑ kuɑ, kpɑ i ɡiɑ nɡe mɛ nɛn dɑm mu nɛ.

¹⁴Durumɡibɑ nɑndɑ Siɔniɔ. Be bɑ ǹ Yinni Gusunɔn bɛɛrɛ yɛ̃ bɑ diirimɔ bɑ mɔ̀, Yinni Gusunɔ u sɑ̃ɑwɑ nɡe dɔ̃ɔ yɑri bɑkɑ ye yɑ ku rɑ ɡbi. Wɑrɑ u koo kpĩ u yɔ̃rɑ win wuswɑɑɔ,

¹⁵mɑ n kun mɔ wi u sĩimɔ ɡem sɔɔ, mɑ u ku rɑ bwɛ̃ɛbwɛ̃ɛ tɑki di, u ku rɑ mɑɑ nɔm birɑn kɛ̃ru mwɛ, u ku rɑ tɔn ɡowobun ɡɑri swɑɑ dɑki, u ku rɑ mɑɑ kɑ̃ u kɔ̃sɑ mɛɛri.

¹⁶Tɔnu win bweserɑ ko n wɑ̃ɑwɑ nɑndɑbu sɑri nɡe wi u kukuɑ kpee bɑɑ sɔɔ. U koo mɑɑ wɑ u di, u nɔ.

¹⁷Sɔ̃ɔ teeru, kɑɑ sinɑ boko wɑ u wɑ̃ɑ win yiikon ɡirimɑ sɔɔ, u bɑndu dii tem bɑkɑm sɔɔ.

¹⁸Kɑɑ wunɛn yellun bɛrum yɑɑyɑ mɛ ɑ rɑɑ mɔ sɑɑ ye ɑ wɑ̃ɑ yoru sɔɔ, kpɑ ɑ nɛɛ, mɑnɑ ɡbere mwɑɔbu bɑ wɑ̃ɑ. Mɑnɑ wɔ̃ɔ ɡobiɡibu bɑ wɑ̃ɑ. Mɑnɑ ɡbɑ̃rɑrun kɔ̃sobu bɑ wɑ̃ɑ.

¹⁹A ǹ mɑɑ tɔn tuko be bɑ tii sue mi wɑsi, be, bèn bɑrum ɑ ǹ nɔɔmɔ.

²⁰A Yerusɑlɛmu mɛɛrio mi sɑ rɑ bɛsɛn tɔ̃ɔ bɑkɑnu ko. Kɑɑ ye wɑ yɑ wɑ̃ɑ bɔri yɛndu sɔɔ. Yɑ ko n sɑ̃ɑwɑ nɡe kuu bekuruɡiru tèn dɑ̃nu bɑ ǹ mɑɑ wukɑmɔ. Mɛyɑ bɑ ǹ mɑɑ ten wɛ̃ɛ kusiɑmɔ.

²¹Miyɑ Yinni Gusunɔ u koo sun win ɡirimɑ sɔ̃ɔsi. U koo de sɑ n wɑ̃ɑ dɑɑ bɑkɑnun bɔkuɔ. Adɑmɑ yibɛrɛbɑn ɡoo nimkusu ku ǹ kpɛ̃ su sĩ mi, bɑɑ si su kpɑ̃ɑru bo.

²²Wee, sin wɛ̃ɛ yi koo kɑsikirɑ, kpɑ yi kun mɑɑ sin bekɑ nɛni ɡberebɑ sɔɔ woo ɡu kɑ su bɔriɑ. Yerɑ n koo de bu bu dukiɑ bɑkɑ ɡurɑri. Bɑɑ kɑ yɛmɔbɔ bɑ koo dɑ mi, bu kɑ yɑ̃ɑ ni ɡurɑ. Yinni Gusunɔwɑ u ko n sɑ̃ɑ bɛsɛn siri kowo, kpɑ u sun woodɑ wɛ̃. Wiyɑ u ko n sɑ̃ɑ bɛsɛn sinɑ boko. Kpɑ u sun fɑɑbɑ ko.

²⁴Goo kun mɑɑ ɡerumɔ u nɛɛ, u bɑrɔwɑ. Yinni Gusunɔ u koo Yerusɑlɛmuɡibu ben durum wɔkɑ.