Read bariba Esɑi 34 Bible Online

Esɑi 34 - bariba bible

Esɑi 34

¹Bɛɛ bwese tukunu, i susimɑ i nɔ. I bɛɛn lɑɑkɑri kpĩiyɔ. Tem mu swɑɑ dɑkio kɑ ye yɑ wɑ̃ɑ mɛ sɔɔ, kɑ sere ye mu mɑrumɔ.

²Domi wee, Yinni Gusunɔn mɔru yɑ koo tɔmbu kpuro wɔri kɑ ben tɑbu kowobu sɔɔ kpuro. U koo de bu ɡoonɑ kpɑ bu kɑm ko.

³Ben yɛm mu ko n kokumɔ sɑɑ ɡuunun di. Ben ɡonu ko n kɔ̃ɔkire, kpɑ nin nuburɑ n pusɑ.

⁴Wɔllun kperi kɑ suru kɑ sɔ̃ɔ koo wukurɑ, kpɑ wɔllu tu kure nɡe tireru, kpɑ kperi yi, yi wɔruku nɡe dɑ̃ɑ wuru si su dɛllɑ.

⁵Yinni Gusunɔn tɑkobi yɑ yɛm debɑ wɔllɔ. Wee, yɑ koo sɑrɑmɑ yu Edɔmubɑ wɔri, be u siri u nɛɛ, bu kɑm koosio.

⁶Wee, tɑkobi ye, yɑ yɛm kɑ yɑɑ ɡum yibɑ. N sɑ̃ɑre u kɑ yɑ̃ɑnu kɑ bonu yɑ̃kuru mɔ̀ Botisirɑɔ. Tɔn dɑbirɑ bɑ sɑkirɑ Edɔmu kpuro sɔɔ.

⁷Gbeeku kɛtɛbɑ kɑ nɛɛ, yi wɔrukumɔ kɑ be sɑnnu. Mɑ yɛm mu tem wukiri mɑ tuɑ yɑ ɡum kure.

⁸Domi sɑɑ yɑ tunumɑ Yinni Gusunɔ u kɑ win yibɛrɛbɑ mɔru kɔsiɑ. Kpɑ u bu sɛɛyɑsiɑ Siɔnin sɔ̃.

⁹Edɔmun nim mu koo ɡɔsirɑ kontɑɑ. Kpɑ yen tuɑ yu ko nɡe ɡbim. Kpɑ yen tem mu dɔ̃ɔ mwɑɑrɑ nɡe kontɑɑ.

¹⁰Dɔ̃ɔ wi, u ǹ ɡbimɔ sɔ̃ɔ sɔɔ kɑ wɔ̃kuru. Win wiisu su ko n seewɑwɑ sere kɑ bɑɑdommɑɔ. Kpɑ tem mɛ, mu kɑm ko mɑm mɑm. Goo kun mɑɑ sɑrɔ mi.

¹¹Gunɔ sɑrenu kɑ duuru bɛɛkunɑ nu ko n wɑ̃ɑ mi. Boorosu kɑ ɡbɑnɑmɡbɑɑnɑ nu koo sokunu ko mi. N koo kowɑ bɑtumɑ dirɑ.

¹²Ben sinɑ bibu kpurowɑ bɑ koo kɑm ko. Goo kun ko n mɑɑ wɑ̃ɑ wi u koo bɑndu di mi.

¹³Kikisu kɑ sɑ̃ki kɑ ɑwĩi yi koo kpi ben sinɑ kpɑɑnɔ kɑ ben kuku yenɔ, kpɑ nu ko purukɑnu kɑ tɑɑtɑɑnun wɑ̃ɑ yenu,

¹⁴kpɑ ɡbeeku yɛɛ yi n kɑ dɛmɑkunu yinnɑmɔ mi, kpɑ bonu nu n sokunɑmɔ ɡbɑburu mi. Miyɑ wɔ̃kurun siinibɑ bɑ ko n ben wɑ̃ɑ yeru mɔ kpɑ bɑ n wɛ̃re mi.

¹⁵Wɛɛ yi koo yin wɑ̃ɑ yeru ko mi, yi sɛ̃ɑ ke kpɑ yi kɔwɑ, kpɑ yi yin binu ɡure yin kɔkɔrɔ. Miyɑ yɑberekunu nu koo mɑɑ mɛnnɑ.

¹⁶I Yinni Gusunɔn tireru wukio kpɑ i ɡɑri. I ko wɑ mi bɑ yoruɑ bɑ nɛɛ, yɛɛ yinin ɡɑɑ kun biɑrɑmɔ mi. Yi kpuro yi koo nɑwɑ. Domi win tiin nɔɔwɑ ɡɑ ye ɡeruɑ. Win Hundewɑ u koo mɑɑ yi mɛnnɑ.

¹⁷Wiyɑ u tem mɛ yĩirɑ, mɑ u mu yin bɑɑyere bɔnu kuɑ kɑ tɛtɛ, mu n kɑ sɑ̃ɑ yiɡim, kpɑ yi n wɑ̃ɑ mi sere kɑ bɑɑdommɑɔ.