Read bariba Esɑi 35 Bible Online

Esɑi 35 - bariba bible

Esɑi 35

¹Sɑnɑm mɛ sɔɔ, tem mi ɡɑ̃ɑnu ku rɑ kpi, mu koo tem wurɑmɑ kpɑ mu biibii burɛ kpi.

²Kpɑ nuku dobu bu sɔ̃ɔsirɑ mi, kɑ womusu kɑ nɑsɑrɑn kuuki. Mu ko n ɡirimɑ mɔ nɡe Libɑnin dɑ̃ɑ sɔ̃ɔ. Mu ko n bɛɛrɛ mɔ nɡe ɡuu te bɑ mɔ̀ Kɑɑmɛli kɑ Sɑronin tem ɡem. Sɑɑ ye sɔɔ, bɑ koo Yinni Gusunɔn yiiko wɑ kɑ yen ɡirimɑ.

³Yen sɔ̃ tɛ̃, bɛɛ be i wɑsire, i nɔmɑ sɑ̃ɑre, i tii tɑ̃sisio i nɔmɑ suɑ. Bɛɛ be i diirimɔ, i de bɛɛn dũɑ yi dɑm ko.

⁴Bɛɛ bèn ɡɔ̃ru ɡɑ ǹ kpĩ, i ku nɑndɑ. I tii dɑm kɛ̃ɔ. Domi Gusunɔ bɛɛn Yinni u sisi u bɛɛ mɔru bɑrɑ, kpɑ u bɛɛn yibɛrɛbɑ kɔsie ye bɑ bɛɛ kuɑ. Win tiiwɑ u koo nɑ u bɛɛ fɑɑbɑ ko.

⁵Sɑɑ yerɑ wɔ̃kobun nɔni koo wukiɑrɑ, kpɑ sosobu bu ɡɑri nɔ,

⁶kpɑ kɔ̃ri kpirinuɡibu bɑ n yɔ̃ɔkumɔ nɡe kpɑsi. Mɛyɑ wi u ku rɑ kpĩ u ɡɑri ɡere, win yɑrɑ koo kusiɑrɑ kpɑ u n nɔɔɡiru mɔ̀ kɑ nuku dobu. Nim mu koo yɑri mu koku tem mi ɡɑ̃ɑnu ku rɑ kpi sɔɔ,

⁷kpɑ yɑni sɛɛri mi sɔ̃ɔ rɑ ɡɛm wɔ̃ yi ko yɛru, kpɑ dɑru koki yi yɑri mi tem mu ɡbere, kpɑ nɑɑ yɑri kɑ ɡbĩi yi kpi mi ɡbeeku bɔ̃nu nu rɑ kuke.

⁸Miyɑ bɑ koo swɑɑ yɑrɑ bu ye soku dɛɛrobun swɑɑ. Durumɡii ɡoo kun dɔɔ mi. Be bɑ ye swĩi, bɑ ǹ kɔ̃ɔrɑmɔ, bɑɑ be bɑ ǹ bwisi mɔ.

⁹Gbee sunɔ ǹ kun mɛ yɑɑ ɡɔbɑ ɡɑɑ kun swɑɑ ye sĩimɔ. Be Yinni Gusunɔ u fɑɑbɑ kuɑ, beyɑ bɑ koo swɑɑ ye mwɑ,

¹⁰bu kɑ dɑ Siɔniɔ kɑ nɑsɑrɑn womusu. Ben wuswɑɑ yɑ n nuku dobu sɔ̃ɔsimɔ bɑɑdommɑ, kpɑ weeweenu kɑ nuku sɑnkirɑnu nu bu doonɑri.