Read bariba Esɑi 39 Bible Online

Esɑi 39 - bariba bible

Esɑi 39

¹Yenibɑn biru Mɛrodɑki Bɑlɑdɑni, Bɑlɑdɑnin bii, Bɑbilonin sinɑ boko, u Esekiɑsi sɔmɔbu ɡɔriɑ kɑ tireru kɑ kɛ̃nu. Domi u nuɑ Esekiɑsi u bɑrɑ mɑ u bɛkurɑ.

²Ye sɔmɔ be, bɑ tunumɑ Esekiɑsin mi, yerɑ win nukurɑ dorɑ. Mɑ u kɑ bu dɑ u bu sɔ̃ɔsi mi win ɑrumɑni yɑ beruɑ, ye yɑ sɑ̃ɑ sii ɡeesu kɑ wurɑ kɑ turɑre kɑ ɡum nubu duroruɡim kɑ tɑbu yɑ̃nu kɑ ye yɑ wɑ̃ɑ win ɑrumɑni beru yerɔ kpuro ɡesi. Gɑ̃ɑnu sɑri win dirɔ kɑ win tem kpuro sɔɔ ni u ǹ bu sɔ̃ɔsi.

³Yen biruwɑ Gusunɔn sɔmɔ Esɑi u nɑ u Esekiɑsi bikiɑ u nɛɛ, mɑn diyɑ tɔn beni bɑ nun nɑɑwɑ. Ye bɑ tunumɑ, mbɑ bɑ ɡeruɑ. Mɑ Esekiɑsi u nùn wisɑ u nɛɛ, bɑ nɑwɑ sɑɑ tem ton tonden di mɛ bɑ mɔ̀ Bɑbiloni.

⁴Esɑi u kpɑm nùn bikiɑ u nɛɛ, mbɑ bɑ wɑ wunɛn yɛnuɔ. Esekiɑsi u nùn wisɑ u nɛɛ, ye yɑ wɑ̃ɑ nɛn yɛnu ɡe sɔɔ kpuro bɑ wɑwɑ. Nɛn ɑrumɑni sɔɔ ɡɑ̃ɑnu sɑri ni nɑ ǹ bu sɔ̃ɔsi.

⁵Yerɑ Esɑi u nùn sɔ̃ɔwɑ u nɛɛ, ɑ swɑɑ dɑkio ɑ nɔ ye Gusunɔ, wɔllu kɑ tem Yinni u ɡeruɑ.

⁶U nɛɛ, tɔ̃ru ɡɑrɑ sisi tè sɔɔ bɑ koo wunɛn ɑrumɑni kpuro ɡurɑ bu kɑ dɑ Bɑbiloniɔ, kɑ ye wunɛn bɑɑbɑbɑ bɑ sweenɑ bɑ nun deriɑ. Yen ɡɑɑ sɑri ye bɑ koo nun deriɑ tɔ̃ɔ te.

⁷Bɑ koo wunɛn tiin bweseru sɔɔ bibu mwɛɛri, kpɑ bu kɑ dɑ Bɑbiloniɔ bu bu mɑtɑm ko bu ko sɔm kowobu yen sinɑ kpɑɑrɔ.

⁸Yerɑ Esekiɑsi u Esɑi wisɑ u nɛɛ, Yinni Gusunɔn ɡɑri yi ɑ ɡeruɑ mi, ɡɑri burɛyɑ. Domi ɑlɑfiɑ kɑ bɔri yɛndu tɑ ko n wɑ̃ɑ nɛn wɑ̃ɑrun tɔ̃ru kpuro sɔɔ.