Read bariba Esɑi 46 Bible Online

Esɑi 46 - bariba bible

Esɑi 46

¹Bũu wi bɑ mɔ̀ Bɛli, win dɑm kpeemɔ. Wi bɑ mɑɑ mɔ̀ Nɛbo, u ǹ mɑɑ do. Bɑ rɑ rɑɑ nu sɑ̃, ɑdɑmɑ tɛ̃, nu kuɑ kubɑ ni yɑɑ sɑbenu sɔɔwɑ. Yɑɑ sɑbe ni, nu mɑɑ wɑsirɑ sɔmu nin sɔ̃.

²Wee Bɛli kɑ Nɛbo bɑ wɔrukɑ bɑ dɑm kpɑ sɑnnu sɑnnu. Bɑ kpɑnɑ bu ben bwɑ̃ɑrokunu fɑɑbɑ ko. Mɑ yibɛrɛbɑ bɑ nu ɡurɑ bɑ kɑ doonɑ.

³Adɑmɑ i mɑn swɑɑ dɑkio, bɛɛ Isirelibɑ, bɛɛ be i tie, bɛɛ be nɑ nɛni nɑ nɔɔrimɔ sɑɑ bɛɛn mɑrubun di.

⁴Nɑ ǹ kɔsimɔ sere kɑ bɛɛn tɔkɔrɔ. Ko nɑ n bɛɛ nɔɔrimɔwɑ bɑɑ ì n seri bururɑ. Ko nɑ n bɛɛ kɔ̃suwɑ. Nɑ rɑɑ bɛɛ nɔɔri, kon mɑɑ wure n ye ko. Kpɑ n bɛɛ kɔ̃su n bɛɛ fɑɑbɑ ko.

⁵Wɑrɑ i ko kɑ mɑn sweenɑ, kpɑ i nùn ko nɛn sɑɑrɑ. Wɑrɑ mɑɑ sɑ̃ɑ nɡe nɛ. Bũu?

⁶Wee bɑ rɑ wurɑ yɑre ben bɔɔrun di, kpɑ bu sii ɡeesu yĩire kilo sɔɔ, bu ye kpuro seko wɛ̃ u kɑ bu bwɑ̃ɑroku kuɑ ɡe bɑ koo yiirɑ bu sɑ̃.

⁷Bɑ̀ n ɡu seru sɔndi bɑ kɑ dɑ bɑ yi mi ɡɑ ko n wɑ̃ɑ, ɡɑ ku rɑ kesi ɡen yii yerun di. Bɑ̀ n nɔɔɡiru suɑ bɑ ɡu sokɑ, ɡɑ ku rɑ wure. Gɑ ku rɑ mɑɑ bu yɑre nɔni swɑ̃ɑrun di.

⁸Bɛɛ durumɡibu, i yenibɑ kpuro bwisikuo, kpɑ i lɑɑkɑri ko ye nɑ kuɑ.

⁹I yɑɑyo ye yɑ rɑɑ koorɑ yellu. Domi nɛnɑ Gusunɔ. Goo mɑɑ sɑri nɡe nɛ.

¹⁰Nɑ ɡeruɑ yellun di ye yɑ koo koorɑ. Nɑ nɛɛ, nɛn himbɑ ye nɑ yi, yɑ koo koorɑ. Kon mɑɑ nɛn kĩru kpuro yibiɑ.

¹¹Nɛnɑ nɑ durɔ ɡoo sokɑ sɑɑ sɔ̃ɔ yɑri yerun di mi n tomɑ. U koo nɑ nɡe kɑsɑ u nɛn himbɑ yibiɑ. Ye nɑ ɡeruɑ, kon ye ko. Himbɑ ye nɑ yi, kon mɑɑ ye yibiɑ.

¹²Tɛ̃ i mɑn swɑɑ dɑkio, bɛɛ bèn ɡɔ̃ru ɡɑ bɔɔbu, mɑ i tɑmɑɑ nɛn fɑɑbɑ yɑ tomɑ.

¹³Kon Yerusɑlɛmu fɑɑbɑ ko, kpɑ n de Isirelibɑ bu bɛɛrɛ wɑ mi. Ye wee, yɑ turuku kuɑ, yɑ ǹ mɑɑ tomɑ. Yɑ ǹ tɛɛmɔ yu kɑ nɑ.