Read bariba Esɑi 47 Bible Online

Esɑi 47 - bariba bible

Esɑi 47

¹Yinni Gusunɔ u nɛɛ, wunɛ wi bɑ ǹ kɑmiɑre, kɑɑ wɔrumɑ ɑ kpunɑ tuɑ sɔɔ. Wunɛ wi ɑ sɑ̃ɑ nɡe wɔndiɑ, kɑɑ sinɑ temɔ, ɑ ǹ mɑɑ sinɑmɔ sinɑ kitɑrɔ. Domi bɑ ǹ mɑɑ nun sokumɔ kurɔ burɔ.

²Kɑɑ nɛɛ biɑ suɑ kpɑ ɑ som nɑm nɡe yoo. Kɑɑ wunɛn sɔnditiɑ wunɑ, kpɑ ɑ wunɛn bekuru kpɑɑsinɑ ɑ wunɛn tɑɑnu sɔ̃ɔsi kpɑ ɑ dɑɑnu tɔburɑ.

³Bɑ koo wunɛn tereru wɑ kpɑ sekuru tu nun mwɑ. Kon nun mɔru kɔsie. Nɑ ǹ ɡoo derimɔ wunɛn nukurɔ.

⁴Nɛn yĩsirɑ Gusunɔ, wɔllu kɑ tem Yinni. Nɑ mɑɑ sɑ̃ɑ Isirelibɑn Yinni dɛɛro, wi u bu fɑɑbɑ mɔ̀.

⁵Bɑbiloni, wunɛ wi ɑ sɑ̃ɑ nɡe Kɑlɑdebɑn wɔndiɑ, ɑ doo ɑ sinɑ yɑm wɔ̃kuru sɔɔ, ɑ mɑri. Bɑ ǹ mɑɑ nun sokumɔ sinɑmbun sinɑ boko.

⁶Wee, nɑ rɑɑ kɑ nɛn tɔmbu mɔru kuɑ, nɑ bu ɡɑrisi nɡe disi, be, be bɑ sɑ̃ɑ nɛɡibu. Mɑ nɑ nun bu nɔmu bɛriɑ. Adɑmɑ ɑ ǹ bu wɔnwɔndu kue, sere ɑ mɑm ben durɔ tɔkɔnu yoru diisiɑ.

⁷Mɛyɑ ɑ rɑ n ɡerumɔ ɑ n mɔ̀, kɑɑ n bɑndu diiwɑ sere kɑ bɑɑdommɑɔ. Adɑmɑ ɑ ǹ bwisikɑ wunɛn ɡɔ̃ruɔ mɑ yenibɑ kpuro yɑ koo nɔru ko.

⁸A swɑɑ dɑkio, Bɑbiloni, wunɛ wi ɑ rɑ n wunɛn tiin nuku dobu kɑsu, mɑ ɑ sɔ̃ kɑ toro sindu ɑ ɡerumɔ wunɛn ɡɔ̃ruɔ ɑ mɔ̀, wunɑ mi, ɡoo mɑɑ sɑri wi u kɑ nun nɛ. A ǹ ɡɔminiru dimɔ, wunɛn bii ɡoo kun mɑɑ ɡbimɔ.

⁹Adɑmɑ tɛ̃ ye yiru kpuro yɑ koo nun deemɑ sɔ̃ɔ teeru subɑru sɔɔ. Bɑɑ mɛ wunɛn tim mu do, mɑ wunɛn dobo dobo yɑ kpɑ̃, kɑ mɛ, kɑɑ ɡɔminiru sinɑ, kpɑ wunɛn bibu bu ɡbi. Ye kpuro yɑ koo koorɑwɑ mɑm mɑm.

¹⁰Wee, ɑ rɑɑ kom kɔ̃sum mɔ̀ kɑ toro sindu, domi ɑ ɡerumɔ ɑ mɔ̀, ɡoo kun nun wɑɑmɔ. Wunɛn lɑɑkɑri kɑ wunɛn yɛ̃ru tɑ nun wiru ɡɔsiɑ. Mɑ ɑ ɡerumɔ wunɛn ɡɔ̃ruɔ ɑ mɔ̀, wunɑ mi. Goo kun kɑ nun nɛ.

¹¹Adɑmɑ tɛ̃, kɔ̃sɑ koo nun deemɑ. A ǹ mɑɑ ɡoo wɑsi wi u koo nun wɔrɑ. Nɔni swɑ̃ɑrɑ koo nun wɔri. A ǹ mɑɑ kpɛ̃ ɑ tu suuri, kpɑ ɑ kɑm ko subɑru sɔɔ.

¹²Ǹ n mɛn nɑ, ɑ n wɑ̃ɑ ɑ n wunɛn dobo dobo mɔ̀ kɑ tim timminu ni ɑ rɑ rɑɑ ko wunɛn piiburun di. Sɔrɔkudo yɑ koo nun ɑrufɑɑni mɑruɑ. Ǹ kun mɛ, yɑ koo de bu nun nɑsiɑ.

¹³Wee, ɑ wɑsirɑ bikiɑrun sɔ̃ be bɑ rɑ wɔllun kperin sɑriɑ mɛɛrin mi. Ǹ n mɛn nɑ, bu seewo bu nun fɑɑbɑ ko, be, be bɑ rɑ nun sɔ̃ suru kɑ suru ye n koo nun deemɑ.

¹⁴Ben tii bɑ koo dɔ̃ɔ mwɑɑrɑ nɡe yɑkɑsu. Bɑ ǹ kpɛ̃ bu ben wɑ̃ɑru wɔrɑ sɑɑ dɔ̃ɔ yɑrɑn di. Dɔ̃ɔ yɑrɑ ye, yɑ ǹ ko n sɑ̃ɑ nɡe pɛ̃ɛn doon dɔ̃ɔ. Yɑ ǹ mɑɑ sɑ̃ɑ dɔ̃ɔ wìn bɔkuɔ bɑ rɑ sinɛ.

¹⁵Yerɑ yɑ koo bɛɛn sɔro be deemɑ bèn sɔ̃ ɑ rɑɑ tii wɑhɑlɑ kuɑ sɑɑ yellun di. Be kpuro bɑ koo yɑrinɑwɑ. Ben ɡoo kun nun fɑɑbɑ mɔ̀.