Read bariba Esɑi 49 Bible Online

Esɑi 49 - bariba bible

Esɑi 49

¹Bɛɛ be i wɑ̃ɑ i tomɑ, i swɑɑ dɑkio i nɔ. Yinni Gusunɔwɑ mɑn ɡɔsɑ sɑɑ nɛn mɛron nukurun di. U mɑn sokɑ kɑ nɛn yĩsiru ye bɑ mɑn mɑrɑ wurɛ.

²Mɑ u derɑ nɛn ɡɑri yi kuɑ nɡe tɑkobi ye yɑ nɔɔ do. U mɑn win nɔmɑ wukiri, u mɑn kɔ̃su. U mɑn kuɑ nɡe sɛ̃u ɡe ɡɑ dɛ̃ɛ mɔ, mɑ u mɑn doke win sɛ̃ɛ bwɑ̃ɑrɔ.

³U mɑn sɔ̃ɔwɑ u nɛɛ, Isirelin bweseru tɑ sɑ̃ɑwɑ win sɔm kowo. Ten min diyɑ u koo win yiiko sɔ̃ɔsi.

⁴Adɑmɑ nɛ, nɑ nɛɛwɑ, kɑmɑ nɑ sɔmburu kuɑ. Nɛn dɑm, kɑmɑ mu kuɑ. Kɑ mɛ, nɑ yɛ̃ mɑ Gusunɔ nɛn Yinni u koo mɑn ɡem wɛ̃. Nɑ ɑre yĩiyɔ win mi.

⁵Yinni Gusunɔwɑ u mɑn ɡɔsɑ bɑ sere mɑn mɑrɑ, n kɑ ko win sɔm kowo, kpɑ n kɑ win tɔmbu Isirelibɑ, Yɑkɔbun bweseru ɡɔsiɑmɑ win mi. Wee, u mɑn bɛɛrɛ dokemɔ. Wiyɑ u mɑɑ mɑn dɑm wɛ̃ɛmɔ.

⁶U nɛɛ, nɑ n kɑ sɑ̃ɑ win sɔm kowo, kpɑ n kɑ Isirelibɑn bwese ni nu tie seeyɑ, yɑ ǹ ɡɑ̃ɑnu turɑ. Wee u mɑn kuɑ bwese tukunun yɑm bururɑm, kpɑ n kɑ win fɑɑbɑ dɑ hɑnduniɑn ɡoonu nnɛ kpuro sɔɔ.

⁷Yeniwɑ Gusunɔ, Isirelibɑn Yinni Dɛɛro wi u bu fɑɑbɑ kuɑ, u nun sɔ̃ɔwɑ, wunɛ wi ɑ sɑ̃ɑ dɑmɡibun yoo wi tɔmbɑ tusɑ bɑ ɡɛmɑ. U nɛɛ, sinɑmbɑ koo nun wɑ kpɑ bu nun bɛɛrɛ wɛ̃. Sinɑ bibɑ koo mɑɑ nun kpunɑ nɛ, Isirelibɑn Yinni Dɛɛron sɔ̃, nɛ wi nɑ sɑ̃ɑ nɑɑnɛɡii mɑ nɑ nun ɡɔsɑ.

⁸Sɑɑ yɑ̀ n turɑ n kɑ nun fɑɑbɑ ko, kon nun durom kuɑ kpɑ n nun somi. Kon nun kɔ̃su kpɑ n kɑ tɔmbu kpuro ɑrukɑwɑni bɔke sɑɑ wunɛn min di. Kon de ɑ wunɛn tem sɔmɛ kpɑ ɑ kpɑm wunɛn tɔmbu ben tem wesiɑ mɛ mu bɑnsu sɑ̃ɑ tɛ̃.

⁹Kon de ɑ dɛsobu yɑkiɑ bu doonɑ, kpɑ ɑ be bɑ mɑɑ wɑ̃ɑ yɑm wɔ̃kurɔ sɔ̃ ɑ nɛɛ, bu yɑrimɑ bu dɑ yɑm bururɑm sɔɔ, kpɑ bɑ n sɑ̃ɑ nɡe yɑ̃ɑ ni nu dĩɑnu wɑɑmɔ swɛɛn bɔkuɔ kɑ ɡuunɔ.

¹⁰Gɔ̃ɔru kɑ nim nɔru kun bu mɔ̀. Sɔ̃ɔ kɑ win yɑm susurɑ kun mɑɑ bu wɑhɑlɑ mɔ̀. Domi wi u ben wɔnwɔndu mɔ, wiyɑ u koo bu kpɑrɑ u kɑ dɑ mi bwii wɑ̃ɑ.

¹¹Nɛ, Yinni Gusunɔ, kon nɛn ɡuunu ɡɔsiɑ swɛɛ, nɛn tɔmbu bu kɑ swɑɑ wɑ.

¹²Be wee, bɑ wee sɑɑ tontonden di, ben ɡɑbu sɑɑ sɔ̃ɔ yɛ̃sɑn nɔm ɡeu ɡiɑn di, kɑ sɔ̃ɔ duu yeru ɡiɑn di, ɡɑbu mɑɑ sɑɑ Eɡibitin berɑ ɡiɑn di.

¹³Wɔllu, ɑ yɛ̃ɛrio. Tem, ɑ nukuru doro. Bɛɛ mɑɑ ɡuunu, i dɛsiru kɑro. Domi Yinni Gusunɔ u win tɔmbu nukuru yɛmiɑsiɑmɔ. Be bɑ nɔni sɔ̃ɔre, u ben wɔnwɔndu mɔ.

¹⁴Yerusɑlɛmuɡibu bɑ mɔ̀, Yinni Gusunɔ u sun deri, mɑ u sun duɑri.

¹⁵Adɑmɑ Gusunɔ u nɛɛ, tɔn kurɔ u rɑ win bii wi u bɔm kɛ̃mɔ duɑri? U ku rɑ win wɔnwɔndu ko? Bɑɑ ù n duɑri, nɛ, nɑ ǹ nun duɑrimɔ, Yerusɑlɛmu.

¹⁶Domi nɑ wunɛn yĩsiru yoruɑ nɛn nɔm tɑrɑrɔ. Nɑ rɑ wunɛn ɡbɑ̃rɑru yɑɑye nɛn bwisikunu sɔɔ.

¹⁷Wee be bɑ koo nun seeyɑ, bɑ wee. Kpɑ be bɑ rɑɑ nun wɔri bɑ wunɛn yɑ̃nu ɡurɑ bu yɑri min di.

¹⁸A mɛɛrio ɑ kɑ sikerenɑ. Wunɛn bibu wee bɑ wee, bɑ mɛnnɑmɔ wunɛn mi. Bɑ ko n sɑ̃ɑ nɡe burɑ yɑ̃nu, kpɑ ɑ n sɑ̃ɑ nɡe kurɔ kpɑo. Nɛ, Yinni Gusunɔwɑ nɑ yeni bɔ̃ruɑ kɑ nɛn tiin wɑ̃ɑru.

¹⁹Wunɛn tem mɛ bɑ rɑɑ wɔri bɑ sɑnkɑ, tɔmbɑ koo dɑbiɑ mɛ sɔɔ bɑ n bɑɑsinɛ. Be bɑ rɑɑ mɑɑ nun dɑm dimɔ, bɑ koo doonɑ n tomɑ.

²⁰Wunɛn bii be bɑ mɑrɑ yoru sɔɔ tem tukumɔ, bɑ koo wurɑmɑ ben temɔ, kpɑ bu nun sɔ̃ bu nɛɛ, tem mɛni, mu ǹ sun turɑ. Sɑ kĩ bu mɑɑ sun sosiɑ.

²¹Sɑɑ yerɑ kɑɑ tii bikiɑ ɑ nɛɛ, wɑrɑ u nun bii beni mɑruɑ. Domi ɑ wunɛn bibu biɑ, ɑ ǹ mɑɑ ɡɑbu wɑ ɑ mɑrɑ ye bɑ nun yinɑ bɑ doonɑ. Wɑrɑ u bii beni seeyɑ. A rɑɑ wɑ̃ɑwɑ wunɛ turo, mɑn diyɑ bii beni bɑ nɑ.

²²Yinni Gusunɔ u nɛɛ, wee nɑ kon tɔn tukobu yĩreru ɡɑru sɔ̃ɔsi te tɑ koo de bu wunɛn bibu ɡurɑmɑ bu nun wesiɑ.

²³Sinɑmbu kɑ ben bii tɔn kurɔbu bɑ koo nun nɔɔri. Bɑ koo nun kpunɑ bu wiru tem ɡirɑri, kpɑ bu tii kɑwɑ bu nun bɛɛrɛ bɑkɑ wɛ̃. Sɑnɑm mɛyɑ kɑɑ ɡiɑ mɑ nɛnɑ nɑ sɑ̃ɑ Yinni Gusunɔ. Be bɑ mɑɑ mɑn yĩiyɔ bɑ ǹ sekuru wɑsi.

²⁴Ye tɑbu durɔ u ɡurɑ tɑbu sɔɔ, bɑ koo kpĩ bu nùn ye wɔrɑri? Be dɑmɡii u yoru mwɑ, bɑ koo kpĩ bu bu yɑkiɑ?

²⁵Yinni Gusunɔ u nɛɛ, oo, mɛyɑ, kon dɑmɡiin yobu yɑkiɑ, kpɑ n tɑbu durɔn yɑ̃ɑ ni u rɑɑ ɡurɑ wɔrɑ. Domi kon kɑ wunɛn yibɛrɛbɑ sɑnnɑ, kpɑ n wunɛn bibu fɑɑbɑ ko.

²⁶Kon de be bɑ nun tɑɑre bu ɡoonɑ, kpɑ ben tɔn ɡoberu kɑ ben mɔru yu bu ɡo nɡe tɑm, kpɑ tɔmbu kpuro bu ɡiɑ mɑ nɛ, Yinni Gusunɔwɑ nɑ nun fɑɑbɑ mɔ̀. Nɛnɑ nɑ sɑ̃ɑ wunɛ Yɑkɔbun Yinni dɑmɡii wi u nun yɑkiɑ.