Read bariba Esɑi 5 Bible Online

Esɑi 5 - bariba bible

Esɑi 5

¹I womu swɑɑ dɑkio i nɔ ɡe kon nɛn kĩnɑsi kuɑ. Womu ɡe, ɡɑ kɑ wi kɑ win resɛm ɡbɑɑru yɑ̃. Ge wee. Nɛn kĩnɑsi u resɛm ɡbɑɑru ɡɑru mɔ te tɑ wɑ̃ɑ tem turenu wɔllɔ mi n tem ɡem mɔ.

²U ɡbɑɑ te kɔrɔ kuɑ, mɑ u ten kpenu wukurɑ. Mɑ u resɛm dɑ̃ɑ ye yɑ koo bii duronu mɑ duurɑ. Yerɑ u ten kɔ̃sobun diru bɑnɑ ten suunu sɔɔ. Mɑ u resɛm ɡɑmɑ yeru kuɑ mi. Sɑɑ yè sɔɔ u den yĩiyɔ resɛm ɡbɑɑ te, tu nùn bii ɡeenu mɑruɑ, yerɑ u deemɑ kɔ̃sunɑ tɑ nùn mɑruɑ.

³Tɛ̃, nɛn kĩnɑsi u ɡerumɔ u mɔ̀, bɛɛ Yudɑbɑ, bɛɛ be i wɑ̃ɑ Yerusɑlɛmuɔ, i bu sirio wi kɑ win resɛm ɡbɑɑ te.

⁴Mbɑ u tu bureɑ u ǹ kue. Mbɑn sɔ̃nɑ tɑ bii kɔ̃sunu mɑrɑ sɑnɑm mɛ u yĩiyɔ tu bii ɡeenu mɑ.

⁵Wee ye u koo win ɡbɑɑ te kuɑ. U koo ten kɑrɑ kɑ yen dɑ̃ɑ wukiriwɑ, kpɑ yɑɑ sɑbenu kɑ ɡbeeku yɛɛ yi du mi, yi di, yi tɑɑku.

⁶U ǹ mɑɑ win resɛm dɑ̃ɑ ye sɔmmɔ, mɛyɑ u ǹ mɑɑ ɡbɑɑ te wukumɔ. U koo tu deriwɑ tu kɑm ko, kpɑ sɑ̃ki yi tu wukiri, kpɑ u de ɡurɑ yu ku mɑɑ nɛ mi.

⁷Isirelibɑrɑ bɑ sɑ̃ɑ Gusunɔ, wɔllu kɑ tem Yinnin resɛm ɡbɑɑ te. Mɑ Yudɑbɑ bɑ sɑ̃ɑ resɛm dorɑ ye u duurɑ. U kĩɑ bu ɡeɑ ko ɑdɑmɑ kɔ̃sɑ bɑ kuɑ. Bɑ tɔmbu ɡo bɑ yɛm yɑri. U mɑɑ kĩɑ bu ɡem swĩi, mɑ bɑ yinɑ. Yen sɔ̃nɑ tɔmbɑ wuri mɔ̀.

⁸Bɔ̃rurobɑ be bɑ yɛnusu kɑ ɡbeɑ sosimɔ ye bɑ rɑɑ mɔ sɔɔ, sere ɡɑbu bɑ ǹ mɑɑ ɑyeru mɔ, mɑ be tɔnɑ bɑ bɑtumɑ mɔ.

⁹Wee ye Gusunɔ wɔllu kɑ tem Yinni u mɑn sɔ̃ɔwɑ. U nɛɛ, kɑm kɑm bɑ koo tɔn ben yɛnu dɑbi ni kpuro kɑm koosiɑ. Kpɑ ɡoo u kun mɑɑ wɑ̃ɑ yenu burɑ si sɔɔ, si su kpɑ̃ mi.

¹⁰Bɑ̀ n resɛm ɛkitɑɑ itɑ ɡɑmɑ, yen tɑm kun ditiri weerɑɑkuru turi. Bɑ̀ n mɑɑ ɑlikɑmɑ kilo wunɔbu (100) duurɑ, ye bɑ koo ɡɛ̃ yɑ ǹ kilo wɔkuru kerɑmɔ.

¹¹Bɔ̃rurobɑ be bɑ rɑ buru buru yellu se bɑ n tɑm bɔɔbɔm nɔrumɔ, kpɑ bɑ n wɑ̃ɑ tɑm ɡbɑburɔ sere n kɑ ko wɔ̃ku suunu.

¹²Gɔ̃ɔɡenu kɑ mɔrɔkunu, kɑ bɑrɑnu kɑ ɡuunu kɑ sere tɑm, yerɑ yɑ rɑ ben tɔ̃ɔ bɑkɑnu ɡbisisie, kpɑ bɑ n nɛ, Yinni Gusunɔn sɔmɑ ɑtɑfiiru sɑ̃ɑ.

¹³Yen sɔ̃nɑ kon de bu bu yoru mwɛɛri subɑru sɔɔ bu kɑ doonɑ. Ben sinɑ bibɑ koo ɡbi ɡɔ̃ɔrun sɔ̃, kpɑ be bɑ tie bu ɡbi nim nɔrun sɑɑbu.

¹⁴Kpɑ ɡɔribun wɑ̃ɑ yeru tu nɔɔ wukiɑ kɑ dɑm, tu sinɑ bii be mwɛ kɑ mɑɑ tɔn wɔru ɡe ɡɑ nuku dobu mɔ̀.

¹⁵Sɑɑ ye sɔɔ, tɔmbu kpurowɑ bɑ koo yiirɑ Yinni Gusunɔn wuswɑɑɔ bu tii kɑwɑ, kpɑ be bɑ nɛɛ, bɑ tii turɑ, bu wɔrumɑ.

¹⁶Tɔ̃ɔ te sɔɔ, Gusunɔ, wɔllu kɑ tem Yinni u koo win tɔmbu siri dee dee u kɑ win yiiko sɔ̃ɔsi, kpɑ u ɡeɑ ko u kɑ sɔ̃ɔsi mɑ u dɛɛre.

¹⁷Yɑ̃ɑnu nu koo yɑkɑsu di Yerusɑlɛmun bɑnsɔ nɡe nin kpɑrɑ yenɔ, kpɑ nin binu nu di nu bɔriɑ mi.

¹⁸Bɔ̃rurobɑ be bɑ ɡbinnɛ kɑ kɔ̃sɑ nɡe nɑɑ wuku yi yi yin kɛkɛ ɡɑwe,

¹⁹bɑ n ɡerumɔ bɑ n mɔ̀, Yinni Gusunɔ u wɑsi suo u win sɔmburu ko fuuku, kpɑ su tu wɑ. Isirelibɑn Yinni Dɛɛro u win himbɑ sɔ̃ɔsio ye u yi, kpɑ su ye ɡiɑ.

²⁰Bɔ̃rurobɑ be bɑ rɑ kɔ̃sɑ soku ɡeɑ, kpɑ bu ɡeɑ soku kɔ̃sɑ. Bɔ̃rurobɑ be bɑ rɑ yɑm wɔ̃kuru soku yɑm bururɑm, kpɑ bu yɑm bururɑm ɡɔsiɑ yɑm wɔ̃kuru. Bɔ̃rurobɑ be bɑ rɑ ye n sosu ɡɔsie ye n do, kpɑ bu ye n do ɡɔsiɑ ye n sosu.

²¹Bɔ̃rurobɑ be bɑ tɑ̃sɑ ben tii tiin yɛ̃ru sɔɔ, mɑ bɑ tii mɛɛrɑ bwisiɡibu.

²²Bɔ̃rurobɑ be bɑ yĩsiru yɑrɑ tɑm nɔrubu sɔɔ. Bɔ̃rurobɑ be bɑ tɑm bɔɔbɔm kobu yɛ̃.

²³Bɔ̃rurobɑ be bɑ nɔm birɑn kɛ̃nu mwɑɑmɔ, bɑ kɑ tɑɑrɛɡibu ɡem wɛ̃ɛmɔ, mɑ bɑ ɡemɡibu tɑɑrɛ wɛ̃ɛmɔ.

²⁴Yen sɔ̃nɑ Yinni Gusunɔ u koo de bu dɔ̃ɔ mwɑɑrɑ nɡe mɛ dɔ̃ɔ u rɑ doo ɡɑ̃ɑnu kɑ yɑkɑ ɡbebusu mwɛ, kpɑ ben ɡbini yi kɔ̃si, kpɑ ben wɛ̃su su kɑ woo doonɑ nɡe tuɑ, yèn sɔ̃ bɑ ǹ Gusunɔ wɔllu kɑ tem Yinnin woodɑbɑ ɡɑrisi ɡɑ̃ɑnu. Mɑ bɑ win ɡɑri ɑtɑfiiru kuɑ, wi, wi u sɑ̃ɑ ben Yinni dɛɛro.

²⁵Yen sɔ̃nɑ win mɔru yɑ wɔrimɔ be sɔɔ. U bu nɔmɑ dokemɔ u ɡoomɔ. Guunu diirumɔ. Mɑ tɔmbun ɡonu nu sweenɛ swɛɛ sɔɔ nɡe kubɑnu. Adɑmɑ kɑ mɛ, win mɔru kun sure, mɑ u bu nɔmɑ dokemɔ u sɛɛyɑsiɑmɔ.

²⁶U ɡidi bɔrɑ yɔ̃rɑsiɑ u kɑ bwese tukunu soku ni nu tomɑ. Mɑ u nu sokɑ kɑ wiɑ. Ni wee nu wee kɑ wɑsi kɑsɑnu.

²⁷Ben ɡoo kun wɑsire, ɡoo kun mɑɑ wɔrumɛ. Dom kun ɡoo mwɛ u sere dweeyɑ. Goon kpɑkɑ kun mɑɑ kusiɑre ye u sɛ̃ke pɔrɑɔ. Mɛyɑ ben ɡoon bɑrɑnun wɛ̃ɛ kun nùn kɑre.

²⁸Ben sɛ̃ɛnu nu nɔɔ do. Bɑ mɑɑ nu sɔri bu kɑ to. Mɑ ben dumin nɑɑ konnu nu bɔɔbu nɡe kperu. Mɑ ben tɑbu kɛkɛbɑ bɑ sɑ̃u nɡe woo ɡunɑ.

²⁹Mɑ bɑ kukirimɔ nɡe ɡbee sunɔ, ɡe ɡɑ yɑɑ mwɑ ɡɑ kɑ doonɔ ɡoo kun ɡu yinɑri.

³⁰Sɑɑ ye sɔɔ, kukiribu koo nɔɔrɑ Isirelibɑ sɔɔ nɡe nim wɔ̃ku ɡe woo bɔkɔ ɡɑ seeyɑ. Bɑ̀ n tem mɛ mɛɛrɑ, yɑm wɔ̃kurɑ bɑ koo wɑ kɑ nuku sɑnkirɑ bɑkɑnu, kpɑ wɔllu tu tĩrɑ ɡuru wii bɑkɑrun sɔ̃.