Read bariba Esɑi 50 Bible Online

Esɑi 50 - bariba bible

Esɑi 50

¹Yinni Gusunɔ u mɑɑ nɛɛ, bɛɛ Yudɑbɑ, mɑnɑ tirerɑ wɑ̃ɑ te tɑ sɔ̃ɔsimɔ mɑ nɑ bɛɛn mɛro Yerusɑlɛmu yinɑ. Bèn dibu nɑ nɛni, ben wɑrɑ nɑ bɛɛ wɛ̃. Sɑri. Bɛɛn durum sɔ̃nɑ nɑ bɛɛ dɔrɑ. Bɛɛn torɑnun sɔ̃nɑ nɑ mɑɑ bɛɛn mɛro yinɑ.

²Domi nɑ nɑ n bɛɛ fɑɑbɑ ko. Mbɑn sɔ̃nɑ nɑ ǹ ɡoo wɑ. Nɑ sokɑ sokɑ, mbɑn sɔ̃nɑ nɑ ǹ ɡoon wurɑbu nuɑ. I tɑmɑɑ nɛn nɔmu ɡɑ ǹ dɑm turɑ n kɑ bɛɛ wɔrɑ? Nɑ ǹ dɑm mɔ n kɑ bɛɛ yɑkiɑ? I ǹ yɛ̃ mɑ nɑ̀ n nim wɔ̃ku ɡerusi ɡɑ rɑ ɡberewɑ, kpɑ dɑɑnu nu ko nɡe mi nim ku rɑ sinɛ, kpɑ swɛ̃ɛ yi ɡbi yi kɔ̃si?

³Nɑ rɑ de wɔllu tu yɑm tĩrɑ, kpɑ tɑ n sɑ̃ɑ nɡe tɑ ɡɔɔ wooru sɔ̃.

⁴Yinni Gusunɔ u mɑn keu kuɑ kpɑ n kɑ kpĩ n wi u wɑsire dɑm kɛ̃. U rɑ nɛn lɑɑkɑri yɑmiɛ bururu bɑɑtere n kɑ kpĩ n nùn swɑɑ dɑki, nɡe keu bii.

⁵U nɛn swɑsu kɔriɑ, nɑ ǹ nùn yinɑri. Nɑ ǹ mɑɑ nùn biru kisi.

⁶Nɑ be bɑ mɑn soomɔ nɛn biru deriɑ, mɑ nɑ mɑɑ be bɑ nɛn bɑɑ sɑnsu wukɑmɔ nɛn bɑɑnu deriɑ. Nɑ ǹ nɛn wuswɑɑ beruɑ sɑnɑm mɛ bɑ mɑn wɔmmɔ bɑ yɑ̃ɑtɑm siemɔ.

⁷Adɑmɑ Yinni Gusunɔwɑ u mɑn fɑɑbɑ kuɑ. Yen sɔ̃nɑ nɑ ǹ bɛɛrɛ bie. Mɑ nɑ yɔ̃rɑ nɑ tɑ̃sɑ. Domi nɑ yɛ̃ mɑ nɑ ǹ sekuru wɑsi.

⁸Gusunɔ u wɑ̃ɑ nɛn turuku, u koo mɑn ɡem wɛ̃. Wɑrɑ u sɑ̃ɑ nɛn yibɛrɛ. Yɛ̃ro u susimɑ. Wɑrɑ u koo nɛn tɑɑrɛ wɑ. Yɛ̃ro u seewo bu sun siriɑ.

⁹Nɛ, nɑ yɛ̃ mɑ Yinni Gusunɔwɑ u koo mɑn somi. Wɑrɑ u koo mɑn tɑɑrɛ wɛ̃. Nɛn yibɛrɛbɑ kpuro bɑ koo mundɑ nɡe yɑbe kĩɑsu si ɡɛmi yi di.

¹⁰Bɛɛ sɔɔ, wi u Yinni Gusunɔ nɑsie, u win sɔm kowon nɔɔ nɔɔwɔ. Wi u sĩimɔ yɑm wɔ̃kuru sɔɔ, u Yinni Gusunɔ nɑɑnɛ koowo, kpɑ u n tɑ̃sɑ wi sɔɔ.

¹¹Bɛɛ be i mɔru seewɑ nɡe dɔ̃ɔ, mɑ i himbɑ sɑ̃ɑ i tɔmbu dɔ̃ɔ mɛni, i duo bɛɛn dɔ̃ɔ wi sɔɔ, kpɑ i dɔ̃ɔ mwɑɑrɑ. Yinni Gusunɔwɑ u koo de ye kpuro yu koorɑ. Wɑhɑlɑ sɔɔrɑ i ko kpunɑ i ɡbi.