Read bariba Esɑi 52 Bible Online

Esɑi 52 - bariba bible

Esɑi 52

¹Yerusɑlɛmu, wunɛ wi Yinni Gusunɔ u tii ɡɔsiɑ, ɑ dom yɑndo kpɑ wunɛn dɑm mu wurɑmɑ, kpɑ ɑ wunɛn burɑ yɑ̃nu doke. Domi be bɑ ǹ Yinni Gusunɔ sɑ̃ɑmɔ, ben ɡoo kun mɑɑ duɔ wunɛ sɔɔ.

²A seewo ɑ tii tuɑ kpɑrɑ, ɑ wunɛn yoo yɔni potɑ wunɛn wĩirun di, kpɑ ɑ sinɑ wunɛn sinɑ ɡɔnɑ sɔɔ.

³Yinni Gusunɔ u Yerusɑlɛmu sɔ̃ɔwɑ u nɛɛ, bɑ rɑɑ nun dɔrɑwɑ ɡobi sɑri. Mɛyɑ kon mɑɑ nun yɑkiɑ n kun kɑ ɡobi.

⁴Yellu, nɛn tɔmbu bɑ dɑ Eɡibitiɔ bɑ sɔru di mi. Yen biru, Asiriɡibɑ nɑ ben temɔ bɑ bu dɑm dɔre kɑ wɔbiɑ.

⁵Tɛ̃, mbɑ kon ko. Wee Bɑbiloniɡibɑ nɑ bɑ bu ɡurɑ kɑm sɔɔ, mɑ bɑ kuuki mɔ̀ bɑ nɛn yĩsiru ɡɑri kɑm ɡerusimɔ sɑɑ bɑɑyere.

⁶Yen sɔ̃nɑ sɔ̃ɔ teeru, nɛn tɔmbu bɑ koo ɡiɑ wi nɑ sɑ̃ɑ, kpɑ bu tubu mɑ nɛnɑ nɑ ɡerumɔ nɑ mɔ̀, nɛ wee, nɑ wee.

⁷Annɑ ɑ wɑ nɡe mɛ bɑ bu dɑm koosiɑmɔ, be, be bɑ wee ɡuunun di bɑ lɑbɑɑri ɡeɑ kpɑrɑmɔ. Bɑ Siɔni bɔri yɛndu kɑ fɑɑbɑn ɡɑri sɔ̃ɔmɔ bɑ mɔ̀, Gusunɔ wunɛn Yinni u bɑndu dii.

⁸Wee, be bɑ rɑ ɡbɑ̃rɑru kɔ̃su bɑ nɔɔɡiru sue, bɑ kuuki mɔ̀ kɑ nuku dobu. Domi bɑ wɑ kɑ nɔni mɑ Yinni Gusunɔ u Siɔni yɑkiɑm wee.

⁹Yerusɑlɛmun bɑnsu, ɑ kuuki koowo kɑ nuku dobu, domi Yinni Gusunɔ u win tɔmbun nukuru yɛmiɑsiɑ. U Yerusɑlɛmu yɑkiɑ.

¹⁰U koo win dɑm kɑ win dɛɛrɑru bwesenu kpuro sɔ̃ɔsi, kpɑ bu wɑ hɑnduniɑn ɡoonu nnɛ kpuro sɔɔ mɑ u win tɔmbu fɑɑbɑ kuɑ.

¹¹Bɛɛ be i Yinni Gusunɔn sɑ̃ɑ yerun dendi yɑ̃nu sɔɔwɑ i kɑ wee, i tii dɛɛrɑsio. Kpɑ i se i yɑri Bɑbilonin di. I ku ɡɑ̃ɑnu ɡɑnu bɑbɑ ni nu disi mɔ.

¹²Ì n yɑriɔ, i ǹ ko i yɑri kɑ sɛndɑru nɡe be bɑ kpikiru suɔ. Domi Gusunɔ Isirelibɑn Yinni u ko n bɛɛ kɔ̃su biruɔ kɑ wuswɑɑɔ.

¹³Yinni Gusunɔ u nɛɛ, wee nɛn sɔm kowo u koo nɑsɑrɑ wɑ. U koo se u ko tɔn boko.

¹⁴Nɡe mɛ u tɔn dɑbiru nɑndɑsiɑ yèn sɔ̃ win wuswɑɑ yɑ kɔsɑ wɑhɑlɑn sɔ̃, mɑ win wɑsi yi ǹ mɑɑ kɑ tɔnuɡii weenɛ,

¹⁵nɡe mɛyɑ u koo bwese dɑbinu biti kpɛ̃ɛ, kpɑ sinɑmbu bu kpɑnɑ bu ɡɑri ɡere win wuswɑɑɔ. Domi yèn fɑɑɡi bɑ ǹ bu kuɑre, bɑ koo ye wɑ, kpɑ ye bɑ ǹ nɔɔre, n bu yeeri.