Read bariba Esɑi 53 Bible Online

Esɑi 53 - bariba bible

Esɑi 53

¹Mɑ Esɑi u wisɑ u nɛɛ, wɑrɑ u nɑɑnɛ doke ye sɑ nɔɔsiɑ. Wɑrɑ Yinni Gusunɔ u win dɑm sɔ̃ɔsi. Sɑri.

²Wee, win sɔm kowo u seewɑ win wuswɑɑɔ nɡe dɑ̃ɑ kpii pɔturɑ ye yɑ kpiɑ tem ɡbebum sɔɔ, yɑ ǹ dɑm mɔ. Mɛyɑ u ǹ durɔ burɔ sɑ̃ɑ, u ǹ nɑnum ɡɑm mɔ su sere nùn mɛɛri. Win wɑsi kun mɑɑ ɡɑ̃ɑnu sɑ̃ɑ yi sere sun wɛ̃re.

³Tɔmbɑ nùn ɡɛmɑ mɑ bɑ nùn biru kisi. U nɔni sɔ̃ɔre, u wɑhɑlɑn dɔɔnɛ mɔ, u ǹ wɑɑbu wɑ̃. Sɑ nùn ɑtɑfiiru kuɑ, sɑ ǹ nùn ɡɑrisi ɡɑ̃ɑnu.

⁴Adɑmɑ bɛsɛn nɔni swɑ̃ɑru kɑ bɛsɛn wɑhɑlɑwɑ u sɔɔwɑ. Mɑ sɑ nùn ɡɑrisi wi Gusunɔ u sɛɛyɑsiɑ u sekuru doke.

⁵Bɛsɛn durum sɔ̃nɑ bɑ nùn sɔkɑ bɑ yɑbɑ. Bɛsɛn torɑnun sɔ̃nɑ bɑ win wɑsi kɔsiki. Wɑhɑlɑ ye yɑ nùn wɔri mi, yɑ kɑ sun ɑlɑfiɑ nɑɑwɑ. Sɑ bɛkurɑwɑ win mɛɛrɑ yen sɑɑbu.

⁶Sɑ rɑɑ yɑrinɛwɑ bɛsɛ kpuro nɡe yɑ̃ɑ ni nu kɔ̃ɔre. Bɑɑwure u win swɑɑ swĩi ye u kĩ. Mɑ Gusunɔ u nùn sɛɛyɑsiɑ bɛsɛn torɑnun sɔ̃.

⁷Bɑ nùn nɔni sɔ̃ɔwɑ, ɑdɑmɑ u tii kɑwɑ. U ǹ nɔɔ wukie u ɡɑ̃ɑnu ɡere nɡe yɑ̃ɑ kpɛn te bɑ koo sɑkɑ, ǹ kun mɛ, yɑ̃ɑ te tɑ mɑɑri sɛ̃ɛ bɑ ten sɑnsu bɔɔrimɔ.

⁸Kɑ dɑmɑ bɑ nùn mwɑ bɑ siri. Bɑ nùn ɡo nɛn tɔmbun durum sɔ̃. Be bɑ wɑ̃ɑ win wɑɑti ye sɔɔ, ben wɑrɑ u yen bwisikunu kuɑ.

⁹Bɑ nùn kpĩ kɑ dukiɑɡibu sɑnnu, bɑ nùn sikuɑ tɔn kɔ̃sobun suunu sɔɔ bɑɑ mɛ u ǹ kɔ̃sɑ ɡɑɑ kue, bɑ ǹ mɑɑ weesu ɡɑsu nɔɔre win nɔɔn di.

¹⁰Adɑmɑ Gusunɔn kĩrɑ wɑhɑlɑ ye, yɑ kɑ nùn wɔri. Mɑ u duɑ nuku sɑnkirɑru sɔɔ. U tii kuɑ yɑ̃kuru tɔmbun durum sɔ̃. Yen sɔ̃, u koo bii dɑbinu wɑ, kpɑ win wɑ̃ɑrun tɔ̃ru tu dɛnyɑ. Kpɑ Yinni Gusunɔn himbɑ yu koorɑ sɑɑ win min di.

¹¹Win nɔni swɑ̃ɑrun biru, u koo wɑ̃ɑru di, kpɑ u ten dobu nɔ. U koo tii sɔ̃ɔsi ɡemɡii tɔn dɑbinun suunu sɔɔ, wi, wi u ben durum sɔɔwɑ.

¹²Yen sɔ̃nɑ kon de u sinɑ kɑ tɔn bokobu, kpɑ u n bɑɑ mɔ dɑmɡibun ɑrumɑni sɔɔ. Domi u tii wɛ̃ sere u dɑ u kɑ ɡu. Mɑ bɑ nùn ɡɑrisi tɔn kɔ̃so, yèn sɔ̃ u tɔn dɑbirun durum sɔɔwɑ. U mɑɑ be bɑ tɑɑrɛ mɔ suuru kɑnɑ.