Read bariba Esɑi 54 Bible Online

Esɑi 54 - bariba bible

Esɑi 54

¹Wunɛ Yerusɑlɛmu, wunɛ wi ɑ sɑ̃ɑ nɡe kurɔ wi u kun bii mɔ, ɑ nuku dobu koowo kɑ kuuki, domi wunɛ wi bɑ rɑɑ yinɑ, kɑɑ bibu mɑ bɑ n dɑbi, n kere wi u rɑ n mɑrumɔn bibu.

²A wunɛn kuu bekuruɡirun bɑtumɑ sosio, kpɑ bu ten bekɑ dɛmiɑ. A ten wɛ̃ɛ dɛnyɑsio, kpɑ ɑ ten dɑ̃nu ɡirɑ nu n dɑm mɔ. A tii kusio, ɑ ku tii bɔke.

³Domi kɑɑ kɔwɑrɑ bɑɑmɑ. Wunɛn bibun bweseru tɑ koo bwese ni nu tien tem mwɛɛri, kpɑ tu dɑ tu sinɑ wuu sìn mi ɡoo kun mɑɑ wɑ̃ɑ.

⁴A ku nɑndɑ, domi ɑ ǹ sekuru wɑsi. A ku tukɑ, domi ɑ ǹ mɑɑ bɛɛrɛ biɑmɔ. Kɑɑ wunɛn yellun sekuru duɑri. A ǹ mɑɑ yɑɑyɑmɔ nɡe mɛ ɑ nɔni sɔ̃ɔrɑ wunɛn turorun sɑɑ sɔɔ.

⁵Domi nɛ, wunɛn tɑkɑ kowo nɑ sɑ̃ɑwɑ nɡe wunɛn durɔ. Nɛn yĩsirɑ Gusunɔ, wɔllu kɑ tem Yinni, kɑ Isirelibɑn Yinni Dɛɛro, kɑ hɑnduniɑ kpuron Yinni. Nɛnɑ nɑ nun yɑkiɑ.

⁶A sɑ̃ɑwɑ nɡe tɔnun kurɔ ɡbiikoo wi durɔ u yinɑ mɑ kurɔ wi, u nuki sɑnkire. Adɑmɑ tɛ̃, nɑ nun sɔ̃ɔmɔ nɑ mɔ̀,

⁷nɑ rɑɑ nun deri sɑɑ fiiko, ɑdɑmɑ tɛ̃, kon nun mwɑ kɑ kĩi bɑkɑru.

⁸Nɑ rɑɑ kɑ nun mɔru kuɑ too sɑɑ fiiko, nɑ nun nɛn wuswɑɑ sĩiyɑri, ɑdɑmɑ tɛ̃, nɑ wunɛn wɔnwɔndu mɔ nɛn kĩi te tɑ ku rɑ kpen sɔ̃. Nɛ wi nɑ nun yɑkiɑmɔ, nɛnɑ nɑ yeni ɡeruɑ.

⁹Nɡe mɛ nɑ bɔ̃ruɑ Nɔwɛn sɑɑ sɔɔ, nɑ nɛɛ, nim yibu bɑkɑru tɑ ǹ mɑɑ tem kpuro wukirimɔ, nɡe mɛyɑ nɑ mɑɑ bɔ̃ruɑ ɡisɔ nɑ nɛɛ, nɑ ǹ mɑɑ nun ɡerusimɔ kɑ mɔru.

¹⁰Bɑɑ ɡuunu nù n swɛnyɑ, mɑ ɡunɡunu nu kɔsikirɑ, nɛn kĩru tɑ ǹ nun dɛsirɑrimɔ. Mɛyɑ mɑɑ bɔri yɛn tèn nɔɔ mwɛɛru nɑ nun kuɑ, tɑ ko n wɑ̃ɑwɑ sere kɑ bɑɑdommɑɔ. Nɛ, Yinni Gusunɔwɑ nɑ yeni ɡeruɑ, nɛ wi nɑ wunɛn wɔnwɔndu mɔ.

¹¹Yinni Gusunɔ u nɛɛ, Yerusɑlɛmu, wunɛ wi wɑhɑlɑ yɑ so nɡe woo bɔkɔ, mɑ ɡoo kun nun nukuru yɛmiɑsie, wee, kon wure n wunɛn kpɛɛkpɛɛku swĩi kpɑ n nun bɑni kɑ kpee ɡobiɡinu.

¹²Kon wunɛn ɡbɑ̃rɑru bɑni kɑ kpee swɑ̃ɑnu kɑ kpee booɡuɡinu, kpɑ ten ɡɑmbobɑ bɑ n sɑ̃ɑ kpee ni nu bɑllimɔ nɡe diɡi, ten kɔ̃sobun wɑ̃ɑ yenu nu n sɑ̃ɑ kpee swɑ̃ɑnu.

¹³Nɛnɑ kon wunɛn bibu kpuro keu sɔ̃ɔsi, kpɑ ben dukiɑ yɑ n kpɑ̃.

¹⁴Kon de ɑ n dɑm mɔ. A ku wururɑ, ɑ ku bɛrum ko, domi ɡɑ̃ɑnu kun nun bɛsumɔ.

¹⁵Be bɑ wesiɑnɑmɔ bu kɑ nun seesi, nɑ ǹ wɑ̃ɑ kɑ be. Be bɑ nɔɔ tiɑ kuɑ bu kɑ nun wɔri, kɑɑ bu kɑmiɑwɑ.

¹⁶A seko mɛɛrio ɑ wɑ. Nɛnɑ nɑ nùn kuɑ u dɔ̃ɔ bɔɔnu wuremɔ, mɑ u tɑbu yɑ̃nu sekumɔ. Nɛ turo wiyɑ nɑ rɑ mɑɑ ɡoo seesie u nu bɔɔku.

¹⁷Yen sɔ̃nɑ tɑbu yɑ̃ɑ ni bɑ sekumɔ wunɛn sɔ̃, nu ǹ ɡɑ̃ɑnu mɔ̀. Wi u kɑ mɑɑ nun dɑ siri ɡbɑburɔ, siribu koo yɛ̃ro di. Yeniwɑ kon nɛn sɔm kowobu kuɑ. Nɡe mɛyɑ kon mɑɑ bu fɑɑbɑ ko. Nɛ, Yinni Gusunɔwɑ nɑ ɡeruɑ mɛ.